ကိုယ်ဝန်နုစဉ် သနေ္ဓတားဆေးသောက်ခြင်း
သုတေသနအချို့ရဲ့အဆိုအရ ကိုယ်ဝန်နဲ့နီးနီး သနေ္ဓတားဆေးသောက်ခြင်းဟာ ပေါင်မပြည့်လမစေ့ကလေးမွေးနိုင်ချေ၊ မွေးရာပါဆီးလမ်းကြောင်းပုံမမှန်မှုတွေ ဆက်သွယ်မှုရှိတယ်လို့ဆိုထားပေမယ့် ဆေးကုသမှုပိုင်းဆိုင်ရာအတွေ့အကြုံတွေမှာတော့ ဒီဆက်စပ်မှုကိုမတွေ့ရပါဘူး။
သနေ္ဓတားဆေးတွေက ကိုယ်ဝန်ရနိုင်ချေနဲ့ သားအိမ်ပြင်ပမှာ သနေ္ဓတည်နိုင်ချေကို လျော့နည်းစေပါတယ်။ ဒါပေမယ့် Progestin ဆိုတဲ့ဟော်မုန်းတစ်မျိုးသာပါဝင်တဲ့ သနေ္ဓတားဆေးသောက်နေရင်းနဲ့ ကိုယ်ဝန်ရသွားတယ်ဆိုရင်တော့ သားအိမ်ပြင်ပမှာ သနေ္ဓတည်နိုင်ခြေ အနည်းငယ်များပါတယ်။ ဒါကလဲ သနေ္ဓတားဆေးကို ဆရာ၀န်ညွှန်ကြားချက်အတိုင်း အချိန်မှန်မှန်သောက်မယ်၊ Expire မဖြစ်တဲ့ ဆေးဝါးတွေကိုမှီ၀ဲမယ်ဆိုရင် ကိုယ်၀န်ရသွားနိုင်ခြေကတော့ ရှားပါတယ်။
ဒါကြောင့်သတိထားရမယ့်အချက်ကတော့ ကိုယ့်ကိုယ်ကို ကိုယ်ဝန်ရှိနေပြီလို့ သံသယရှိတာနဲ့ အိမ်မှာပဲ ကိုယ်ဝန်ရှိမရှိဆီးစစ်ကြည့်ပါ။ ဆီးစစ်ကြည့်လို့ ၂ ကြောင်းပြတယ်ဆိုရင် ကိုယ်ဝန်ရှိတာကိုရည်ညွှန်းတဲ့အတွက် ဆေးသောက်တာရပ်လိုက်ပါ။ တကယ်လို့အိမ်မှာဆီးမစစ်တတ်ဘူး (သို့) ဆီးစစ်ဖို့မဖြစ်နိုင်သေးဘူးဆိုရင် ကိုယ်ဝန်ရှိမရှိ သေချာမသိမချင်း သနေ္ဓတားဆေးသောက်တာရပ်လိုက်ပါ။ ဆေးသောက်ရပ်ထားတဲ့အချိန်မှာ ကွန်ဒုံးသုံးခြင်းကဲ့သို့သော အခြားသနေ္ဓတားနည်းတစ်မျိုးမျိုးကိုအသုံးပြုပါ။
ကိုယ်ဝန်ရှိနေတယ်လို့မသိခင်မှာ သနေ္ဓတားဆေးသောက်မိလို့ တစ်ခုခုကိုစိုးရိမ်ပူပန်နေတယ်ဆိုရင် ဆရာဝန်နဲ့ပွင့်ပွင့်လင်းလင်း ဆွေးနွေးတိုင်ပင်ကြည့်ပါ။
Dr. Mya Myo Myo Swe (www.drmyanmar.com)
Related News And Articles
ကိုယ်ဝန်ဆောင်ချိန်မှာ ကယ်လ်ဆီယမ်ဓာတ်ချို့တဲ့ခြင်းဟာ မိခင်ရော၊ သန္ဓေသားကိုပါ ထိခိုက်စေပါတာကြောင့် ကိုယ်ဝန်ဆောင်ချိန်မှာ ကယ်လ်ဆီယမ်ဓာတ်ကို လုံလောက်အောင်ဖြည့်စွက်ပေးဖို့ အရေးကြီးပါတယ်။ ကိုယ်ဝန်ဆောင်စဥ် ကယ်လ်ဆီယမ်လိုအပ်ချက်ဟာ ကိုယ်ဝန်ပထမသုံးလပတ်မှာ ၈၀၀ မီလီဂရမ်၊ ဒုတိယသုံးလပတ်မှာ ၁၀၀၀ မီလီဂရမ်နဲ့ တတိယ...
ကိုယ်ဝန်ဆောင်ချိန်မှာ ခန္ဓာကိုယ်ဖောရောင်တာ အထူးသဖြင့် ခြေထောက်၊ ခြေကျင်းဝတ်၊ ခြေချောင်း၊ လက်ချောင်းလေးတွေ ဖောရောင်တာဟာ ပုံမှန်ဖြစ်နေကျပဲမလို့ သိပ်တော့စိတ်ပူစရာ မလိုပါဘူး။ ပုံမှန်ဖောရောင်ခြင်းတွေဟာ ဖြည်းဖြည်းချင်းဖြစ်လေ့ရှိပြီး တစ်နေ့တာရဲ့ အဆုံးသတ်ဖြစ်တဲ့ ညနေစောင်း၊ ဒါမှမဟုတ် ညဘက်တွေမှာ ဖြစ်လေ့ရှိ...