ကိုယ်၀န်ဆောင်ချိန်အ၀လွန်ပါက မွေးဖွားသောကလေးတွင် ပန်းနာရင်ကျပ်ရောဂါဖြစ်ပွားနှုန်းမြင့်နိုင်
Pittsburgh မြို့ရှိ ကလေးဆေးရုံမှ လက်ထောက်ပါမောက္ခ ကလေးအထူးကုဆရာ၀န်ကြီး Dr.Erick Forno နှင့် အဖွဲ့၏ လေ့လာမှုအရ ကိုယ်၀န်ဆောင်ချိန်တွင် အ၀လွန်ခြင်းကြောင့် မွေးဖွားလာမယ့်ကလေးမှာ ပန်းနာရင်ကျပ်ရောဂါပါလာနိုင်ခြေရှိကြောင်း သိရှိရပါတယ်။
သုတေသီများရဲ့တွေ့ရှိချက်အရ အ၀လွန် ကိုယ်၀န်ဆောင်မိခင်မှ မွေးဖွားလာတဲ့ ကလေးများဟာ ပုံမှန်ကိုယ်အလေးချိန်ရှိတဲ့မိခင်မှ မွေးဖွားလာတဲ့ကလေးများနဲ့ နှိုင်းယှဉ်ရင် ပန်းနာရင်ကျပ် ရောဂါဖြစ်ပွားနှုန်း ၂၀ - ၃၀ ရာခိုင်နှုန်းထိ မြင့်တက်နေကြောင်း သိရှိရပါတယ်။
အကြောင်းရင်းကိုတော့ တိတိကျကျ မသိရသေးတာကြောင့် လေ့လာစမ်းသပ်မှုတွေ ထပ်မံလုပ်ဆောင်သွားဖို့လည်း လိုအပ်နေပါတယ်။ သုတေသီများကတော့ ကိုယ်၀န်ဆောင်မိခင်များ အ၀လွန်ခြင်းကြောင့် မိခင်မှာ ဆီးချိုရောဂါနဲ့ နှလုံးသွေးကြောဆိုင်ရာရောဂါတွေ ဖြစ်ပေါ်လာပြီး ၎င်းရောဂါများကြောင့် သနေ္ဓသားရဲ့ အဆုတ်နဲ့ အသက်ရှူလမ်းကြောင်းဆိုင်ရာ ဖွံ့ဖြိုးဆဲလုပ်ငန်းစဉ်တွေကို အနှောင့်အယှက်ဖြစ်စေပြီး ပန်းနာရင်ကျပ်ရောဂါဖြစ်ပွားနှုန်း မြင့်တက်လာတယ်လို့ သုံးသပ်ကြပါတယ်။
မိခင်မှာပန်းနာရင်ကျပ်ရောဂါ အခံမရှိဘူးဆိုရင်တောင်မှ ကိုယ်၀န်ဆောင်စဉ်အတွင်း အ၀လွန်ခြင်းကြောင့် ကလေးငယ်မှာ ပန်းနာရင်ကျပ်ရောဂါဖြစ်ပွားနှုန်း မြင့်တက်နိုင်တယ်လို့ သိရပါတယ်။ ဒါကြောင့် ကိုယ်၀န်ဆောင် အမျိုးသမီးများသာမကကလေးယူရန် အစီအစဉ်ရှိသောအမျိုးသမီးများအားလုံး မိမိတို့ရဲ့ ကိုယ်အလေးချိန်ကို ပုံမှန်ဖြစ်အောင် ထိန်းထားသင့်ပါတယ်။
Dr. Htet Htet Aung
Related News And Articles
နို့တိုက်မိခင်ဟာ အရက်ကိုမဖြတ်နိုင်ဘူးဆိုရင်တောင်မှ သတ်မှတ်ထားတဲ့ပမာဏထက် ပိုမသောက်သင့်ပါဘူး။ American of Paediatrics Section on Breast Feeding က “နို့တိုက်မိခင် တစ်ယောက်ဟာ မိမိရဲ့ကိုယ်အလေးချိန်နဲ့ တွက်မယ်ဆိုရင် အရက်ကို 0.5g/kg ထက် ပိုမသောက်သင့်ပါဘူး။ ဥပမာအနေနဲ့ဆိုရင် ပေါင် 130 ၀န်းကျင်ရှိ...
မိခင်လောင်းတွေမှာ ကိုယ့်ရဲ့ ကျန်းမာရေးနဲ့ပတ်သက်ပြီးတော့ပဲဖြစ်ဖြစ်၊ ဗိုက်ထဲက ကလေးရဲ့ကျန်းမာရေးနဲ့ ပတ်သက်ပြီးတော့ပဲဖြစ်ဖြစ် အတိုင်းအတာတစ်ခုထိတော့ စိတ်ပူပန်မှုရှိတတ်ပါတယ်။ ဒါပေမယ့် ကာလကြာရှည်စွာ စိုးရိမ်ပူပန်းမှုလွန်ကဲပြီး စိတ်ဖိစီးမှုများလာရင်တော့ မိခင်ရော ကလေးပါ ကျန်းမာရေးထိခိုက်နိုင်ပါတယ်...