ကိုဗစ်ကာကွယ်ဆေးက ရရှိမယ့် ကိုယ်ခံအား
ကိုဗစ်ကာကွယ်ဆေးတွေ ထိုးကြတဲ့အခါ ကာကွယ်ဆေးကရတဲ့ ကိုယ်ခံအားဟာ ဘယ်လောက်ထိ ခံနိုင်သလဲဆိုတာ လူတိုင်း သိချင်လာမှာပါပဲ။
စိတ်လည်း စိတ်ချရတယ်၊ အကျိုးလည်းရှိတယ်လို့ WHO က အရေးပေါ်သုံးခွင့်ပြုလိုက်တဲ့ ကာကွယ်ဆေးတွေ အမျိုးမျိုးပေါ်လာပါပြီ။ ကာကွယ်ဆေးအသစ် ပေါ်လာပြီးတဲ့နောက်မှာ ကူးစက်မှုကို တားဆီးနိုင်စွမ်းနဲ့ ရောဂါကို ကာကွယ်နိုင်စွမ်း ဘယ်လောက်ရှိတယ်ဆိုတာကို လေ့လာမှုသုတေသနတွေ ပြုလုပ်ခဲ့ကြပါတယ်။
လေ့လာမှုတွေအရ Pfizer နဲ့ BioNTech က ဆေးထိုးပြီး ၆ လအကြာထိကို ၉၁.၃% ထိ ကာကွယ်နိုင်စွမ်းရှိတယ်လို့ ဆိုပါတယ်။
Moderna ကာကွယ်ဆေးကလည်း ဒုတိယအကြိမ်ထိုးပြီးနောက် ၆ လအကြာမှာ ၉၄% ကာကွယ်နိုင်စွမ်းရှိသေးကြောင်း တွေ့ရပါတယ်။ ဒါကြောင့် ကိုဗစ်ကာကွယ်ဆေးကြောင့် ရတဲ့ ကိုယ်ခံစွမ်းအားဟာ ၆ လထက် ပိုကြာကြာခံမယ်လို့ ယူဆရပါတယ်။
ဒီ ၆ လဟာ အရေးကြီးတဲ့မှတ်တိုင်တစ်ခုဖြစ်ပြီးတော့ နောက်ထပ်တဖြည်းဖြည်းချင်း ဆက်လေ့လာသွားရမှာ ဖြစ်ပါတယ်။
Decolgen IA 1
ဒီကာကွယ်ဆေးတွေရဲ့ ကာကွယ်နိုင်မယ့်ကြာချိန်ဟာ ဒီကပ်ရောဂါကြီး အရမ်းမဆိုးရွားအောင် တားဆီးတဲ့နေရာမှာ အထူးအရေးပါပါတယ်။ ကာကွယ်နိုင်မယ့်ကြာချိန် တိုလေလေ ဗိုင်းရပ်စ်ကူးစက်နှုန်းကို တားဆီးနိုင်စွမ်း နည်းလေလေပါပဲ။
နောက်တစ်နည်းဆိုရရင် ကာကွယ်ဆေးထိုးထားတဲ့သူ ကိုယ်ခံအားရှိသူများလေလေ ရောဂါကူးစက်မှုနည်းလေလေပါပဲ။ ထို့အတူ ကာကွယ်ဆေးထိုးထားတဲ့ နိုင်ငံများလေလေ ဗိုင်းရပ်စ်ပြန့်ပွားမှုကို တားဆီးနိုင်လေ ဖြစ်ပါတယ်။ ထို့ကြောင့် ကမ္ဘာ့ကျန်းမာရေးအဖွဲ့နှင့် အခြားအဖွဲ့အစည်းတွေအားလုံးက တစ်ကမ္ဘာလုံး ကာကွယ်ဆေးထိုးနှံနိုင်ရေးကို ကြိုးပမ်းနေကြတာပဲ ဖြစ်ပါတယ်။
Decolgen IA 2
>> သဘာဝကိုယ်ခံစွမ်းအားဆိုတာ ဘာလဲ?
ရောဂါဖြစ်ပြီးနောက် အလိုလိုပေါ်ပေါက်လာတဲ့ ကိုယ်ခံစွမ်းအားကို သဘာဝကိုယ်ခံစွမ်းအားလို့ ခေါ်ပါတယ်။ လေ့လာသူတွေက ကိုရိုနာဗိုင်းရပ်စ်ကို ကိုယ်ခန္ဓာက ဘယ်လိုနည်းလမ်းနဲ့ တုန့်ပြန်တယ်ဆိုတာကို မသိရသေးတာကြောင့် ကိုယ်ခံစွမ်းအားက ဘယ်လောက်ခံမယ်ဆိုတာကို မှန်းဆမရဘူးလို့ ဆိုပါတယ်။ ကိုဗစ်ဖြစ်ပြီး ကျန်ခဲ့တဲ့ သဘာဝကိုယ်ခံစွမ်းအားကတော့ အများဆုံး ၈ လလောက်ထိ ခံနိုင်တယ်လို့ SCIENCE စာစောင်မှာ ထုတ်ပြန်ထားပါတယ်။
အများအားဖြင့် ကာကွယ်ဆေးကရတဲ့ ကိုယ်ခံစွမ်းအားဟာ ပိုကြာကြာခံသလို ပိုလည်းအားကောင်းပါတယ်။ ဒါပေမဲ့ ကိုဗစ်ကာကွယ်ဆေးနဲ့ ပတ်သက်ရင်တော့ လေ့လာဖို့တွေ ကျန်ပါသေးတယ်။
Pfizer နဲ့ Moderna တို့ကတော့ သူတို့ရဲ့ကာကွယ်ဆေးဟာ နောက်ထပ်အသစ်ပေါ်လာတဲ့ မျိုးကွဲတွေအတွက် ထပ်ထိုးဖို့ လို/မလို၊ မျိုးရိုးဗီဇပြောင်းထုတ်ဖို့ လို/မလို လေ့လာနေကြပါတယ်။ ဒီကပ်ရောဂါကြီးကို အမြန်ဆုံးထိန်းချုပ်နိုင်ရေးအတွက် အခုချိန်မှာတော့ လူတိုင်းလူတိုင်း ကာကွယ်ဆေးထိုးနှံနိုင်ကြဖို့က အရေးအကြီးဆုံးပါပဲ။
Dr. Mya Phoo Ngon (www.drmyanmar.com)
Related News And Articles
အရိုးနှစ်ခုကြားမှာရှိတဲ့ အရိုးနုလေးဟာ အဆစ်တွေ လှုပ်ရှားတဲ့အခါ အရိုးနှစ်ခုကြားမှာဖြစ်လာတဲ့ ပွတ်တိုက်မှုကို လျှော့ချပေးခြင်းဖြင့် အဆစ်တွေ ကျန်းမာနေအောင် လုပ်ဆောင်ပေးပါတယ်။
အရိုးနုလေး ကျန်းမာနေရင် အထိုင်အထ၊ လမ်းလျှောက်တာ၊ ထမင်းဟင်းချက်တာ၊ ခေါင်းဖြီးတာ စသဖြင့် နေ့စဥ်သွားလာလှု...
ဒီကနေ့ တစ်နေ့တာကို ဖြတ်သန်းဖို့အတွက် မနက်အစောတည်းက အားအင်ကုန်ခမ်းနေပြီလား။ ဒါဆိုရင်တော့ အခုပြောပြမယ့် နည်းလမ်းကောင်းလေးတွေနဲ့ မိမိတို့ရဲ့အားအင်ကို မြှင့်တင်လိုက်ကြရအောင်နော်။
၁။ မနက်စာ စားပါ။
ဆီတိုင်ကီထဲ ဆီမရှိဘဲ ကားမမောင်းသင့်သလို မနက်စာ မစားဘဲနဲ့ အလုပ်မလုပ်သင့်ပါဘူး။ သုတေ...