နှလုံးနဲ့ သွေးကြောရောဂါများ

နှလုံးသွေးကြောရောဂါဟာ နှလုံးနဲ့ သွေးလည်ပတ်မှုကို ထိခိုက်တာကို ခေါ်ပါတယ်။ ဒီအထဲမှာ သွေးတိုးရောဂါ၊ လေဖြတ်ရောဂါတွေ ပါဝင်ပါတယ်။ သွေးကြောရောဂါဆိုတဲ့နေရာမှာ သွေးကြောတွေ ကျဉ်းတာ၊ ပိတ်တာတွေ ဖြစ်တာကို ဆိုပါတယ်။ ဒီအခါမှာ နှလုံးသွေးကြောပိတ်တာ၊ နှလုံးအောင့်တာနဲ့ လေဖြတ်တာတွေ ဖြစ်လာပါတယ်။ နှလုံးရောဂါကကျတော့ နှလုံးရဲ့ ကြွက်သားတွေ၊ အဆို့ရှင်တွေကို ထိခိုက်ပြီး နှလုံးခုန်နှုန်း မမြန်တာတွေ ဖြစ်ပေါ်စေပါတယ်။

>>  သူ့ရဲ့ ရောဂါလက္ခဏာတွေက -
●  ရင်ဘတ်အောင့်တာ
●  ခြေတွေ လက်တွေ နာတာ၊ ထုံတာ၊ အားမရှိတာ
●  အသက်ရှူမဝတာ
●  နှလုံးခုန်နှုန်း နှေးတာ၊ မြန်တာ၊ ရင်တုန်တာ
●  ခေါင်းမူးတာ၊ သတိလစ်တာ
●  ပင်ပန်းနွမ်းနယ်တာ
●  ခြေတွေ လက်တွေ ဖောတာ စတာတွေ ခံစားရနိုင်ပါတယ်။

>>  နှလုံးသွေးကြောရောဂါတွေ အဖြစ်များတဲ့ အကြောင်းရင်းတွေကတော့ -
●  ဆေးလိပ်သောက်တာ
●  စိတ်ဖိစီးမှုတွေ များတာ
●  အရက်သောက်တာ
●  သွေးတိုးတာ
●  ကိုယ်တွင်း ကိုလက်စထရောများတာ
●  ကိုယ်လက်လှုပ်ရှားမှုမရှိတာ
●  ကိုယ်အလေးချိန် များတာ၊ အဝလွန်တာ
●  ဆီးချိုရောဂါရှိတာ
●  မိသားစုထဲမှာ နှလုံးရောဂါရှိတာ
စတာတွေ ဖြစ်ပါတယ်။
အမျိုးသားတွေက ပိုပြီးစောစော ဖြစ်နိုင်သလို အသက်ကြီးရင်လည်း ပိုဖြစ်နိုင်ပါတယ်။

>>  နှလုံးသွေးကြောရောဂါကို ဘယ်လိုရှာဖွေကြမလဲ?
●  သွေးတွေ စစ်ရမယ်
●  ရင်ဘတ် ဓာတ်မှန်ရိုက်ရမယ်
●  ECG ဆွဲရမယ်
●  နှလုံးဓာတ်မှန် ရိုက်ရမယ်
●  နောက်ဆုံးလိုအပ်ရင် ကွန်ပျူတာဓာတ်မှန်တွေ၊ သံလိုက်ဓာတ်မှန်တွေ ရိုက်ဖို့ လိုပါတယ်။

>>  ဘယ်လိုတွေ ကုသလို့ရလဲ?
ကိုယ့်ရဲ့ ရောဂါအခြေအနေပေါ် မူတည်ပြီး ကုသမှုတွေက ကွာခြားပါတယ်။
●  နေထိုင်လှုပ်ရှားမှု၊ စားသောက်ပုံတွေကို ပြောင်းလဲရမယ်
●  သောက်ဆေးပေးမယ်
●  နှလုံးခုန်မှန်အောင် စက်ထည့်တာမျိုး လုပ်မယ်
●  နှလုံးအဆို့ရှင် လဲလို့ရမယ်
●  လိုအပ်ရင် နှလုံးခွဲစိတ်မှု လုပ်လို့ရပါတယ်။

Dr. Htar (www.drmyanmar.com)