ရင်ပူခြင်းရဲ့အကြောင်းရင်းတွေကို ဖွေရှာကုသခြင်း
>> ရင်ပူတဲ့အခါ ဘာတွေစစ်ဆေးမလဲ?
ရင်ပူတာဟာ အစာအိမ်စာချဉ့်ပြန်ရောဂါကြောင့် ဟုတ်၊ မဟုတ် သိချင်ရင်
● ဓာတ်မှန်ရိုက်ကြည့်ပါ။ အစာပြွန်နဲ့အစာအိမ်ရဲ့ ပုံပန်းသဏ္ဌာန်နဲ့ အခြေအနေကို သိနိုင်ဖို့ ဓာတ်မှန်ရိုက်ကြည့်လို့ ရပါတယ်။
● အစာအိမ်မှန်ပြောင်း ကြည့်ပါ။ အစာပြွန်မှာရှိတဲ့ ပုံမမှန်တာတွေကိုကြည့်ဖို့ မှန်ပြောင်းကြည့်ပါ။ တစ်ရှူးအသားစယူပြီး စမ်းသပ်လို့လည်း ရပါတယ်။
● အက်ဆစ်စစ်ဆေးခြင်း လုပ်နိုင်ပါတယ်။ ဘယ်အချိန်မှာ အစာအိမ် အချဉ်ပြန်တတ်တယ်၊ ဘယ်လောက်ကြာတယ်ဆိုတာကို သိနိုင်ဖို့ ဖြစ်ပါတယ်။ အစာပြွန်ထဲထည့်ထားတဲ့ အက်ဆစ်မော်နီတာလေးက ခါးမှာ ဒါမှမဟုတ် ပခုံးမှာ ပတ်ထားတဲ့စက်ကလေးနဲ့ ဆက်သွယ်ထားပါတယ်။
● အစာပြွန်လှုပ်ရှားမှု စစ်ဆေးကြည့်နိုင်ပါတယ်။ အစာပြွန်ထဲရှိ လှုပ်ရှားမှုနဲ့ဖိအားကို တိုင်းတာတာပါ။
Kremil-S 1
>> ကုသနည်းတွေအနေနဲ့ကတော့ -
ဆေးဆိုင်မှာ အလွယ်တကူဝယ်နိုင်တဲ့ဆေး အတော်များများက ရင်ပူတာကို သက်သာစေနိုင်ပါတယ်။
● Antacids အစာအိမ်အချဉ်ပြယ်ဆေး : အစာအိမ်အက်ဆစ်ကို ဓာတ်ပြယ်စေတဲ့ဆေးမျိုးပါ။ ချက်ချင်း သက်သာစေနိုင်ပါတယ်။ ဒါပေမဲ့ အက်ဆစ်ကြောင့်ပျက်စီးနေတဲ့ အစာပြွန်ကိုတော့ ပြန်မသက်သာစေနိုင်ပါဘူး။
● H2 blocker : အစာအိမ်အက်ဆစ်ကို လျှော့ချပေးတဲ့ဆေးပါ။ လေဆေးလောက်တော့ မမြန်ပေမယ့် တာရှည်သက်သာမှုကိုတော့ ရစေပါတယ်။
● Proton pump inhibitors: Lansoprazole, omeprazole ဆိုတဲ့ အက်ဆစ်ထုတ်ဂလင်းတွေကို ပိတ်တဲ့ဆေးတွေကလည်း အစာအိမ်အက်ဆစ်ဓာတ်ကို လျှော့ချနိုင်ပါတယ်။
ဒီကုထုံးတွေက အလုပ်မဖြစ်တာသော်လည်းကောင်း၊ မကြာမကြာ ဒီဆေးတွေပေါ် အမှီပြုနေရရင်သော်လည်းကောင်း ဆရာဝန်နဲ့ပြသပါ။
Kremil-S 2
>> ဆရာဝန်နဲ့ သွားပြတော့မယ်ဆိုရင် -
● မပြခင် ရှောင်ရမှာတွေကို ကြိုတင်ပြင်ဆင်ပါ။ ဥပမာ - အစာမာမာ မစားလာရတာမျိုးပေါ့။
● ရောဂါလက္ခဏာတွေကို ချရေးထားပါ။
● သောက်နေတဲ့ဆေးတွေအားလုံး၊ ဗီတာမင်တွေ၊ အားဆေးတွေပါမကျန် မှတ်တမ်းလုပ်ပါ။
● တခြားရောဂါတွေကို ချရေးထားပါ။
● ကိုယ့်ဘဝမှာ လတ်တလော ကြီးကြီးမားမား စိတ်ဖိစီးစရာမျိုး ရှိ၊ မရှိ စဉ်းစားပါ။
● ဆွေမျိုး၊ မိတ်ဆွေ တစ်ယောက်ယောက်ကို အဖော်ခေါ်ပါ။
● ဆရာဝန်ကို မေးချင်တာတွေကို ချမှတ်ထားပါ။
>> ဆရာဝန်နဲ့ ပြတဲ့အခါ -
● ရောဂါလက္ခဏာတွေရဲ့ အဓိကအကြောင်းရင်းက ဘာလဲ?
● လက္ခဏာတွေက ယာယီလား၊ နာတာရှည် ဖြစ်မှာလား?
● ဘယ်လိုစစ်ဆေးမှုတွေ လုပ်ဖို့လိုသလဲ? ဒီစစ်ဆေးမှုတွေအတွက် ဘာတွေပြင်ဆင်ဖို့ လိုသလဲ?
● ဘယ်လိုကုသမှုမျိုးတွေ ရှိသလဲ?
● စားနေကျအစားအသောက်တွေထဲကို ထပ်ဖြည့်စွက်ရမှာ၊ ဖယ်ရှားရမှာတွေ ရှိသလား?
● တခြားရောဂါတွေရှိနေရင် ဒီရောဂါတွေကို ဘယ်လိုပူးတွဲကုသရမလဲ?
ဒီမေးခွန်းတွေကို မေးသင့်ပါတယ်။
Dr. Mya Phoo Ngon (www.drmyanmar.com)
Related News And Articles
တစ်ကိုယ်လုံး ညောင်းညာကိုက်ခဲနေမှ၊ ဘာမှမလုပ်နိုင်လောက်အောင် မောပန်းနွမ်းနယ်နေမှ အားအင်ကုန်ဆုံးတာ မဟုတ်ပါဘူး။ လုပ်လက်စအလုပ်မှာ အာရုံမစိုက်နိုင်တော့တာ၊ စိတ်မရှည်ဘဲ စိတ်ဆိုးစိတ်တိုလွယ်လာတာတွေကလည်း အားအင်ကုန်ခမ်းလာတဲ့ လက္ခဏာတွေပဲ ဖြစ်ပါတယ်။ ဒီလိုလက္ခဏာတွေကို လူတိုင်းနီးပါး ခံစားဖူးကြမှာပါ။ ဒီလက္ခဏာတွေ...