အစာကောင်းကောင်းကြေညက်စေဖို့ အစားမစားခင် ဒါတွေလုပ်ပါ
အစာစားပြီးတိုင်း နေလို့မကောင်းဘဲမသက်မသာဖြစ်နေတယ်ဆိုရင် ဒါက ပြသနာတစ်ခုခုရှိလို့ပါ။ အစားအစာနဲ့ဓာတ်မတည့်ခြင်း၊ အစာခြေပြသနာစသည်ဖြင့် အစာစားပြီးတိုင်း အဆင်မပြေမှုတွေကို ဖြစ်စေတဲ့အကြောင်းအရင်းတွေအများကြီးရှိပါတယ်။ ဒါပေမယ့်လည်းအများအားဖြင့် မိမိရဲ့အစာစားတဲ့အလေ့အကျင့်ကြောင့် အစာစားပြီးတိုင်းဆိုးကျိုးတွေဖြစ်စေတတ်ပါတယ်။
ဥပမာအားဖြင့် အစာကိုမြန်မြန်နဲ့ သေချာကြေညက်အောင်ဝါးမစားဘူးဆိုရင် ဗိုက်ကယ်ခြင်း အစာမကြေခြင်းတွေကိုဖြစ်စေပါတယ်။ အစာစားပြီးတိုင်းခံစားရတဲ့ဝေဒနာတွေကြောင့်စိတ်ညစ်နေရတယ်ဆိုရင် အစာမစားမီမှာ အောက်ပါအချက်တွေကိုပြုလုပ်ပေးခြင်းဖြင့် ကောင်းမွန်စေနိုင်ပါတယ်။
Kremil-S 1
>> အစားမစားမီ ပြုလုပ်သင့်သောအချက်များ
1. ရေသောက်ပါ။ - အစာကောင်းကောင်းချေနိုင်ဖို့အတွက် အစာချေစနစ်မှာ ရေဓာတ်ပြည့်ဝနေဖို့လိုအပ်ပါတယ်။ ရေက အစာမာတွေကို ချေဖျက်ဖို့နဲ့ အာဟာရဓာတ်တွေပိုပြီးကောင်းကောင်းစုပ်ယူနိုင်ဖို့အတွက် အထောက်အကူဖြစ်စေပါတယ်။ ရေကိုအစာမစားမီသောက်ဖို့အရေးကြီးပါတယ်။ အစာစားနေတုန်းရေသောက်ရင် အစာချေဖို့လိုအပ်တဲ့ အစာအိမ်ကအက်ဆစ်တွေကို အားပျော့သွားစေနိုင်ပါတယ်။
2. အရက်လျှော့သောက်ပါ။- အရက်က ဇီဝကမ္မဖြစ်စဉ်ကိုနှေးကွေးစေတဲ့အတွက် အစာချေဖျက်ခြင်းကိုနှေးစေပါတယ်။ အရက်သောက်ရင်းအစားစားခြင်းက အစာအိမ်ထဲမှာ အရက်နေချိန်ပိုကြာစေပါတယ်။
Kremil-S 2
3. လက်ဖက်စိမ်းရည်သောက်ပါ။ - လက်ဖက်စိမ်းမှာ အင်တီအောက်ဆီးဒင့်ပါဝင်မှုမြင့်မားတဲ့အတွက် ဇီဝကမ္မဖြစ်စဉ်ကိုကောင်းမွန်စေခြင်းနဲ့အတူ ရောင်ရမ်းခြင်းတွေလျော့ကျစေဖို့အထောက်အကူဖြစ်စေပါတယ်။ အစားမစားမီ မိနစ် ၃၀ အလိုမှာ ရေနွေးကြမ်း၊ လက်ဖက်စိမ်းရည်သောက်ထားခြင်းဖြင့် အစာခြေခြင်းကိုကောင်းမွန်စေပါတယ်။
4. အစာမစားမီ ခါးတဲ့အစားအစာတွေစားပါ။ - ခါးတဲ့အစားအစာတွေပါဝင်တဲ့ အစားစားချင်စိတ်ဖြစ်စေတဲ့ဆေးက အစာချေစနစ်ကို လှုံ့ဆော်ပေးပါတယ်။ ဥပမာ- ပန်းသီးရှာလကာရည် (apple cider vinegar) တစ်ဇွန်းကို ရေနဲ့သောက်ပေးခြင်းဖြင့် အစားအစာတွေကိုကောင်းကောင်းရွေ့လျားစေပါတယ်။ ချဉ်တဲ့အစားအစာတွေကလည်း အစာချေရည်ပိုထွက်စေပြီး အစာချေခြင်းကိုကောင်းမွန်စေပါတယ်။ အစားအစာမှာ သံပုရာရည်ထည့်ပြီးစားတာလည်း အကြံဉာဏ်ကောင်းတစ်ခုပါပဲ။
ဒီရိုးရှင်းလှတဲ့နည်းလမ်းလေးတွေကိုနေ့စဉ်ကျင့်သုံးမယ်ဆိုရင် အစာချေခြင်းကိုပိုကောင်းမွန်စေကာ ဗိုက်ကယ်ခြင်း၊ လေပွခြင်း၊ အစာမကြေခြင်းနဲ့ အစာစားပြီးနောက်ခံစားရတဲ့ အခြားအစာခြေလက္ခဏာတွေကို လျော့ကျစေပါလိမ့်မယ်။
Dr. Mya Myo Myo Swe (www.drmyanmar.com)
Related News And Articles
အရောင်အသွေးစိုပြေတဲ့ အသီးအနှံနဲ့ ဟင်းသီးဟင်းရွက်တွေမှာ ဗီတာမင်နဲ့ သတ္တုဓာတ်တွေများစွာ ရရှိနိုင်ပါတယ်။ အရောင်ရင့်ရင့် အသီးအရွက်ဖြစ်လေ ကျန်းမာရေးအတွက် ပိုကောင်းလေဆိုတာ အားလုံးသိထားပြီးဖြစ်မှာပါ။ ဒါပေမယ့် အရောင်အသွေး ကင်းမဲ့တယ်လို့ဆိုရလောက်အောင် အဖြူရောင်၊ အညိုရောင်သာအများစုရှိတဲ့ မှိုပွင့်လ...
အရောင်ခြယ်ပစ္စည်းတွေ ထုတ်ပေးတဲ့ဆဲလ်တွေက ဒီပစ္စည်းတွေ ထုတ်လုပ်မှုရပ်သွားတဲ့အခါမှာ ဆံပင်ဖြူလာပါတယ်။ Hydrogen Peroxide ဓာတ်တွေ ဆံပင်ထဲမှာ များလာရင်လည်း အရောင်ဖျော့သွားပြီး ဆံပင်ဖြူလာစေပါတယ်။
ပုံမှန်အားဖြင့် လူဖြူတွေက အသက်သုံးဆယ်ဝန်းကျင်လောက်မှာ ဆံပင်ဖြူလေ့ရှိပြီး အာရှသ...