အစာမကြေ လေပွလေကယ် ဖြစ်တဲ့အခါ
အစာစားပြီးချိန်မှာ အစာမကြေ လေပွလေကယ်ဖြစ်ပြီး ဗိုက်ထဲ အီလည်လည်ဖြစ်တတ်တဲ့လက္ခဏာဟာ လူဦးရေ ၃၀% လောက်မှာ ခံစားရတတ်တယ်လို့ ဆိုပါတယ်။
အောက်ဖော်ပြပါလက္ခဏာတွေထဲက တစ်ခုနဲ့အထက်ရှိရင် အစာမကြေ လေပွလေကယ်ဖြစ်တယ်လို့ ဆိုနိုင်ပါတယ်။
● အစာအိမ်လမ်းကြောင်းမှာ မီးစနဲ့ထိုးသလို ပူလောင်ခြင်း
● အစာစားပြီးနောက်မှာ တအားပြည့်အင့်နေခြင်း
● စားနေရင်း ခဏလေးနဲ့ ဗိုက်ပြည့်မြန်ခြင်း
● အစာခြေလမ်းကြောင်းမှာ နာကျင်ခြင်း
● လေပွတာ၊ ပျို့တာမျိုးလည်း ရှိနိုင်ပါတယ်။
အများကြီးမစားမိဘဲနဲ့လည်း ဒီလက္ခဏာတွေ ခံစားရနိုင်ပါတယ်။
Kremil-S 1
>> အများဆုံးဖြစ်လေ့ရှိတဲ့ အကြောင်းရင်းတွေကတော့ -
● အစားအသောက်
● ဆေးလိပ်သောက်ခြင်း
● အဝလွန်ခြင်း
● စိတ်ဖိစီးမှုများခြင်း စတာတွေကြောင့် ဖြစ်ပါတယ်။
ဒါ့အပြင် အစာအိမ်အချဉ်ပြန်ရောဂါ၊ အစာအိမ်အူသိမ်အနာ၊ အစာအိမ်ကင်ဆာ၊ အကိုက်အခဲပျောက်ဆေးနဲ့ ပိုးသတ်ဆေးတချို့၊ အဝလွန်ခြင်း၊ မုန့်ချိုအိတ်ရောင်ခြင်း၊ သည်းခြေကျောက်တည်ခြင်း၊ အသည်းရောဂါ၊ အစာအိမ်ရောင်ခြင်း၊ H.pylori ပိုးဝင်ခြင်းနဲ့ အခြားအူလမ်းကြောင်းရောဂါတွေကြောင့်လည်း ဖြစ်နိုင်ပါတယ်။
Kremil-S 2
>> ကုသနည်းများ
ကုသနည်းတွေကတော့ ဖြစ်စေတဲ့အကြောင်းရင်းနဲ့ ဘယ်လောက်ဆိုးလဲပေါ်မှာ မူတည်ပါတယ်။ အောက်ခံအကြောင်းရင်းကို ကုသလိုက်ရင် သက်သာသွားတတ်ပါတယ်။
လက္ခဏာအပျော့စားဆိုရင်တော့ ဒီနည်းလမ်းလေးတွေနဲ့ သက်သာပျောက်ကင်းနိုင်ပါတယ်။
● အကြော်အလှော်တွေ၊ ကြက်သွန်နီ၊ ကြက်သွန်ဖြူ၊ ချောကလက်စတဲ့ ပိုဆိုးစေတဲ့ အစားအသောက်တွေကို ရှောင်ခြင်း
● ဆိုဒါအစား ရေသောက်ခြင်း
● ကဖိန်း၊ အရက်ကို ရှောင်ခြင်း
● နည်းနည်းနဲ့ မကြာမကြာ စားပေးခြင်း
● ဖြည်းဖြည်းစားပေးခြင်း
● သင့်တင့်တဲ့ ကိုယ်အလေးချိန်ကို ထိန်းသိမ်းခြင်း
● အင်္ကျီအကျပ်ဝတ်တာကို ရှောင်ခြင်း
● အိပ်ရာမဝင်ခင် ၃ နာရီအလိုမှာ အစာမစားတော့ခြင်း
● အိပ်ရာခေါင်းရင်းကိုမြှင့်ခြင်း
● ဆေးလိပ်ဖြတ်ခြင်း
ရောဂါလက္ခဏာ ပိုဆိုးသူတွေမှာတော့ သေချာစစ်ဆေးကုသမှုတွေ လိုအပ်တာမို့ ဆရာဝန်နဲ့ ပြသဖို့ လိုအပ်ပါတယ်နော်။
Dr. Mya Phoo Ngon (www.drmyanmar.com)
Related News And Articles
အရိုးနှစ်ခုကြားမှာရှိတဲ့ အရိုးနုလေးဟာ အဆစ်တွေ လှုပ်ရှားတဲ့အခါ အရိုးနှစ်ခုကြားမှာဖြစ်လာတဲ့ ပွတ်တိုက်မှုကို လျှော့ချပေးခြင်းဖြင့် အဆစ်တွေ ကျန်းမာနေအောင် လုပ်ဆောင်ပေးပါတယ်။
အရိုးနုလေး ကျန်းမာနေရင် အထိုင်အထ၊ လမ်းလျှောက်တာ၊ ထမင်းဟင်းချက်တာ၊ ခေါင်းဖြီးတာ စသဖြင့် နေ့စဥ်သွားလာလှု...
ဒီကနေ့ တစ်နေ့တာကို ဖြတ်သန်းဖို့အတွက် မနက်အစောတည်းက အားအင်ကုန်ခမ်းနေပြီလား။ ဒါဆိုရင်တော့ အခုပြောပြမယ့် နည်းလမ်းကောင်းလေးတွေနဲ့ မိမိတို့ရဲ့အားအင်ကို မြှင့်တင်လိုက်ကြရအောင်နော်။
၁။ မနက်စာ စားပါ။
ဆီတိုင်ကီထဲ ဆီမရှိဘဲ ကားမမောင်းသင့်သလို မနက်စာ မစားဘဲနဲ့ အလုပ်မလုပ်သင့်ပါဘူး။ သုတေ...