အဖြစ်အများဆုံး အဆစ်ရောင်ရောဂါများအကြောင်း

1.  အရိုးအဆစ်ရောင်ခြင်း
●  အဖြစ်အများဆုံး အဆစ်ရောင်ရောဂါဖြစ်ပြီး အရိုးတစ်ခုနှင့်တစ်ခု ကြိတ်မိရာကနေ အရိုးတွေကို ကာကွယ်ထားသော အရိုးနုများ ပျက်စီးခြင်းကြောင့် ဖြစ်ပေါ်ရပါတယ်။
●  ဒူး၊ တင်ပါး၊ ခြေထောက်နှင့် ခါးရိုးဆစ်နေရာများမှာ နာကျင်တောင့်တင်းခြင်းကို ဖြစ်ပေါ်စေပါတယ်။
●  ဒဏ်ရာတစ်ခုခု၊ ပိုးဝင်ခြင်း တစ်ခုခုကြောင့် ရုတ်တရက် ဖြစ်ပေါ်တတ်သလို နှစ်ပေါင်းများစွာ ဒဏ်ဖြစ်ခဲ့ ခြင်းကြောင့်လည်း ဖြစ်ပေါ်တတ်ပါတယ်။
●  နာကျင်ခြင်းနှင့်အတူ လှုပ်ရှားမှုပြုလုပ်မရခြင်း၊ မနက်အိပ်ရာထရင် တောင့်တင်းနေခြင်း၊ လမ်းလျှောက်ရာတွင် နာကျင်ခြင်းတို့နှင့် ဒူးဆစ်များကွေးတဲ့အချိန်တွင် တဂျွတ်ဂျွတ်မြည်ခြင်းတို့ ဖြစ်ပေါ်စေပါတယ်။
 
2.  လေးဖက်နာကြောင့် အဆစ်ရောင်ခြင်း
●  ကိုယ်ခန္ဓာကနေ မိမိကိုယ်ခံအားကို ပြန်လည်တိုက်ခိုက်သော Autoimmune ရောဂါတစ်မျိုး ဖြစ်ပါတယ်။
●  ကိုယ်ခံအားစနစ်ကနေ အရိုးတွေကို တိုက်ခိုက်ခြင်းကြောင့် အဆစ်များရောင်ရမ်းပြီး နာကျင်ဖောင်းကားခြင်း ဖြစ်ပေါ်စေပါတယ်။
●  ခြေဖနောင့်၊ တံတောင်ဆစ်၊ လက်ဆစ်များတွင် အဖြစ်များတတ်ပါတယ်။ အဆစ်များ နာကျင်ရောင်ရမ်းခြင်းအပြင် အရေပြားပေါ်တွင် အလုံးများဖြစ်ပေါ်တတ်ပြီး ရက်များစွာထိ ကြာမြင့်တတ်ပါတယ်။