အောင်အောင်မြင်မြင် ဗိုက်အဆီချဖို့ အရေးအကြီးဆုံးလေးချက်

(Unicode)

    နှစ်သစ်မှာ ဗိုက်လေး ချပ်ချပ်ရပ်ရပ်ဖြစ်လာဖို့ ကြိုးစားနေသူတွေအတွက် ရွှေရောင်စည်းမျဉ်း ၄ ချက်ကို ဖော်ပြပေးလိုက်ပါတယ်နော်။
♦    မမှန်ကန်တဲ့ အစားအစာ စားသုံးမှုပုံစံတွေက သင့်ကို ဗိုက်ပူစေပါတယ်တဲ့။ ထမင်းများများ၊ ပာင်းများများ၊ အရွက်နည်းနည်း၊ အချိုရည်လည်းကြိုက်၊ ဘီယာဆိုလည်းမလွတ်ဆိုရင်တော့ ဗိုက်ပူဖို့ အခွင့်အလမ်း သိပ်များနေပါပြီ။ ဒါကြောင့် စားသောက်မှုပုံစံကို ပြောင်းဖို့လိုပါတယ်။ ပန်းကန်ထဲမှာ အသီးအရွက်များများ၊ ထမင်းနည်းနည်း၊ အသားအသင့်အတင့် ထည့်ထားပြီး ရေသန့် တစ်ဖန်ခွက်နဲ့ဆို ကျန်းမာရေးနဲ့ ညီညွတ်ပြီး ဗိုက်ပူတာကို ကာကွယ်ပေးသွားမှာပါ။
♦    လမ်း ခပ်သွက်သွက် လျှောက်တာ၊ ပြေးတာ၊ စက်ဘီးစီးတာ၊ ရေကူးတာတွေက တစ်ကိုယ်လုံးကြွက်သားတွေကို လှုပ်ရှားစေပြီး အဆီကျကျစ်လျစ်စေပါတယ်။ ဗိုက်ကျဖို့ကွက်ဆော့တာက ပင်ပန်းသလောက် ဒီလိုရိုးရှင်းတဲ့ လေ့ကျင့်ခန်းတွေက ပေါင်နဲ့ ဝမ်းဗိုက်က ကယ်လိုရီတွေကို များများလောင်ကျွမ်းစေပါတယ်။ ဒါတွေကို တစ်ပတ်ကို သုံးရက်လောက် လုပ်ပေးသင့်ပါတယ်။
♦    နောက်တစ်မျိုးက  ပြင်းထန်အဆင့် လေ့ကျင့်ခန်းတွေကို မိနစ်သုံးဆယ်ခန့် ဆော့လိုက်၊ အားသိပ်မထည့်ရတဲ့ လေ့ကျင့်ခန်းတွေကို ကစားလိုက်၊ နားလိုက် ပုံစံမျိုး တစ်လှည့်စီသွားတာက တောက်လျှောက် စက်ဘီးစီးတာ လမ်းလျှောက်တာတွေထက် ပိုမြန်မြန် ဗိုက်ကျစေပါတယ်တဲ့။
♦    အလေးမ၊ ထိုင်ထ၊ အိပ်ထမတင် လေ့ကျင့်ခန်းတွေက ကြွက်သားတွေကို လေ့ကျင့်ပေးတာ ဖြစ်တဲ့အတွက် အတော်ထိရောက်တဲ့ ဗိုက်ချလမ်းစဉ်ပါ။ ကြွက်သားများလေ အဆီနည်းလာလေ နဂိုထက် ပိုမိုကျစ်လျစ်လာလေ ဖြစ်ပါတယ်။
    တကယ်တော့ ဘယ်နည်းနဲ့ပဲ ဗိုက်ချချ ဝမ်းဗိုက်အဆီချခြင်းဖြင့် သွေးတိုး၊ ဆီးချို၊ နှလုံးရောဂါတွေကို ထိရောက်စွာ ကာကွယ်လိုက်နိုင်မှာမို့ ကောင်းမွန်သင့်တော်တဲ့ ကျန်းမာရေးတိုးတက်မှု အရွေ့တစ်ခုဆီကို တက်လှမ်းနိုင်တာ ဖြစ်ပါတယ်။

ဂျီပီငှက် (ဆေး/မန်း) (www.drmyanmar.com)