ECG ရိုက်တယ်ဆိုတာ ဘာလဲ ... ဘယ်ချိန်မှာ ECG ရိုက်ဖို့ လိုအပ်လဲ ... နှလုံးရောဂါမဖြစ်အောင် ဘယ်လို ကာကွယ်သင့်လဲ

          ECG (Electrocardiogram) ဆိုတာ သင် ငြိမ်သက်စွာ အနားယူနေစဉ် သင့်နှလုံးရဲ့ လျှပ်စစ်နိုးကြားမှုကို တိုင်းတာခြင်း ဖြစ်ပါတယ်။

          နှလုံးခုန်သည့် အရေအတွက်၊ နှလုံးခုန်နှုန်း ပုံမှန် ရှိ/မရှိ၊ သွေးတိုးခြင်းကြောင့် နှလုံးကြီးခြင်း၊ နှလုံးကြွက်သားပုပ်ခြင်း စသော နှလုံးဆိုင်ရာပြဿနာများကို ECG ရိုက်ခြင်းဖြင့် အဖြေရှာနိုင်ပါတယ်။

          ရင်တုန်ခြင်း၊ ရင်ဘတ်အောင့်ခြင်း၊ သွေးတိုးရောဂါရှှိသူများနှင့် အဝလွန်နေသူများအနေဖြင့် မဖြစ်မနေ ECG ဖြင့် စမ်းသပ်ဖို့ လိုအပ်ပါတယ်။

>>    ဘယ်လိုအနေအထားတွင် ECG ရိုက်သင့်လဲ?

●        နှလုံးရောဂါမျိုးရိုးရှိသူများ

●        သွေးတိုးရောဂါရှိသူများ

●        ဆီးချိုရောဂါရှိသူများ

●        ရင်တုန်ခြင်း၊ ရင်ဘတ်အောင့်ခြင်း၊ အသက်ရှူကြပ်ခြင်း စသည့်လက္ခဏာရှိသူများ   

>>    နှလုံးရောဂါ မဖြစ်ပေါ်အောင် ဘယ်လိုကာကွယ်သင့်သလဲ?

          နှလုံးရောဂါ ဖြစ်ပေါ်နိုင်သော အလားအလာများ ရှိ/မရှိ ဆန်းစစ်ပါ။ ဒါတွေကတော့ အသက်အရွယ်၊ လူမျိုး၊ ကိုလက်စထရောများခြင်း၊ သွေးတိုးရောဂါ၊ ဆီးချိုရောဂါ၊ ဆေးလိပ်သောက်ခြင်း၊ အဝလွန်ခြင်း စသည့်အချက်များရှိပါက စမ်းသပ်စစ်ဆေးမှုများ ပြုလုပ်သင့်ပါတယ်။

          အောက်ပါအချက်များကို လိုက်နာခြင်းဖြင့် နှလုံးရောဂါ ဖြစ်နိုင်ချေ နည်းပါးနိုင်ပါတယ်။

●        ဆေးလိပ်ဖြတ််ပါ။

●        ကိုယ်လက်လှုပ်ရှားမှု ရှိပါစေ။

●        သွေးတိုးရောဂါကို ပုံမှန်ကုသပါ။

●        အဆီအဆိမ့်များကို ရှောင်ပြီး အသီးအရွက် များများစားပါ။

●        အဝလွန်နေသူများ ကိုယ်အလေးချိန် လျှော့ချပါ။

●        ဆီးချိုရောဂါကို ပုံမှန်ကုသပါ။

●        အရက် လျှော့သောက်ပါ။

●        စိတ်ဖိစီးမှု လျှော့ချပါ။

●        ကိုလက်စထရော မတက်အောင် ထိန်းသိမ်းပါ။

●        ပုံမှန် ကျန်းမာရေးစစ်ဆေးမှု medical check-up ပြုလုပ်ပါ။

          တကယ်လို့ သင့် သွေးပေါင်ချိန်၊ ကိုလက်စထရော၊နှင့် သွေးတွင်းအချိုဓာတ်ဟာ မြင့်မားနေပါက ဆရာဝန်နှင့် မဖြစ်မနေ ပြသတိုင်ပင်သင့်ပါတယ်။ ဆေး ပုံမှန်သောက်ခြင်းအပြင် အထက်ပါအချက်များကို လိုက်နာခြင်းဖြင့် နှလုံးရောဂါ မဖြစ်ပေါ်အောင် အချိန်မီ ထိန်းသိမ်းဖို့ သတိပေး တင်ပြလိုက်ပါတယ်။

လေပြေနုသွေး (ဆေး-၂) (www.drmyanmar.com)