ပျိုပျိုမေတို့ ဓမ္မတာမလာခင် လက္ခဏာတွေသက်သာစေဖို့

အလိုလိုနေရင်း စိတ်တို စိတ်ရှုပ်တာ၊ ဒေါသကြီးလာတာတွေ ဖြစ်လာတဲ့အခါ အမျိုးသမီးတွေဟာ ရာသီလာခါနီးပြီလားဆိုတာ အရင်ဆန်းစစ်ကြည့်မိတတ်ပါတယ်။

>>  ဓမ္မတာမလာခင်လက္ခဏာတွေ ဆိုတာကတော့ -
●  ဓမ္မတာစက်ဝန်းရဲ့ နောက်ပိုင်း ၁၄ ရက် (ဓမ္မတာမလာခင်အချိန်) မှာ ဖြစ်တတ်တဲ့လက္ခဏာတွေပါ။
●  ဓမ္မတာစလာပြီဆိုတာနဲ့ တစ်ရက်၊ နှစ်ရက်လောက်အတွင်း ပျောက်သွားတတ်ပါတယ်။

>>  ရောဂါလက္ခဏာတွေကို မှတ်တမ်းချရေးထားသင့်ပါတယ်။
ကိုယ့်ကို အဓိကပြဿနာပေးနေတဲ့ လက္ခဏာတွေကို မှတ်သားထားဖို့လိုပါတယ်။ ဒီလိုမှတ်သားထားခြင်းဖြင့် ဒီလိုလက္ခဏာတွေကိုဖြစ်စေဖို့ ဘာတွေက လှုံ့ဆော်သလဲဆိုတာကို သိနိုင်ပါတယ်။ ဆရာဝန်အနေနဲ့လည်း ဒီလက္ခဏာတွေကို သက်သာစေဖို့ ဘယ်နည်းနဲ့ ကုသရမယ်ဆိုတာကို ပိုမိုသေချာသိရှိစေပါတယ်။
●  ဘယ်လိုလက္ခဏာတွေဖြစ်တယ်
●  ဘယ်လောက်ထိဆိုးတယ်
●  ဘယ်လောက်ကြာကြာဖြစ်တယ်
●  ဘယ်လိုကုထုံးတွေကို တုံ့ပြန်မှုရှိတယ်ဆိုတာတွေကို မှတ်သားထားဖို့ လိုပါတယ်။
ဒီလက္ခဏာတွေကို ကုသပေးဖို့ နည်းအမျိုးမျိုး သုံးကြည့်နိုင်ပါတယ်။ တချို့နည်းတွေက အလုပ်ဖြစ်ပေမယ့် တချို့နည်းတွေက အလုပ်ဖြစ်မှာမဟုတ်ပါဘူး။ မှတ်တမ်းမှတ်ရာ လုပ်ထားခြင်းအားဖြင့် ဘယ်နည်းတွေက သက်သာစေတယ်ဆိုတာကို သိရှိစေပါတယ်။