ရာသီလာချိန် ပူလောင်အိုက်စက်တတ်တာ ပုံမှန်ပဲလား?
တချို့အမျိုးသမီးတွေ ရာသီလာချိန်ဆို အထူးသဖြင့် မျက်နှာ၊ လည်ပင်းနဲ့ ကိုယ်ခန္ဓာအပေါ်ပိုင်းမှာ ပူလောင်အိုက်စက်ပြီး ချွေးတဒီးဒီးကျတာမျိုး ဖြစ်ဖူးကြမှာပါ။
Dolfenal 2022 IA 1
ဒီလိုဖြစ်တာ ပုံမှန်ပဲလား? ဘာကြောင့် ဖြစ်ရတာလဲ?
အဓိကကတော့ ဟော်မုန်းအပြောင်းအလဲကြောင့် ဖြစ်ရတာပါ။ အကြမ်းဖျင်းပြောရရင် အမျိုးသမီးအများစုဟာ ဒီလိုလက္ခဏာတွေကို သွေးဆုံးချိန်ရောက်မှသာ ခံစားရလေ့ရှိကြပါတယ်။ ဒါပေမယ့် ဓမ္မတာလာတဲ့ အသက်အရွယ်မှာလည်း ဖြစ်နိုင်တယ်ဆိုတာကို မမေ့သင့်ပါဘူး။
• အသက် ၄၀ နောက်ပိုင်းမှာဖြစ်ရင် သွေးဆုံးခါနီးလက္ခဏာကို ခံစားရတာကြောင့်ဖြစ်ပြီး သိပ်စိုးရိမ်စရာ မလိုပါဘူး။
• အသက်ငယ်ရွယ်စဥ်မှာဖြစ်ရင်တော့ ရာသီမှန်တယ်၊ တခြားဘာလက္ခဏာမှ ကြီးကြီးမားမားမရှိဘူးဆို အဆင်ပြေပါတယ်။
• အသက် ၃၅ နဲ့ ၄၀ ကြားမှာဖြစ်ရင်တော့ အရွယ်မတိုင်ခင်သွေးဆုံးချင်တာများ ဖြစ်နေမလားလို့ သတိထားသင့်ပါတယ်။
• တခြားအကြောင်းတွေကတော့ ရောဂါပိုးတွေ၊ သိုင်းရိုက်ဂလင်းပြဿနာတွေ၊ စိတ်ဖိစီးမှုတွေနဲ့ ဆေးဝါးတချို့ရဲ့ ဘေးထွက်ဆိုးကျိုးတွေကြောင့် ဖြစ်နိုင်ပါတယ်။
Dolfenal 2022 IA 2
ဘယ်လိုကုသရမလဲ?
နေထိုင်စားသောက်မှုပုံစံ ပြောင်းလဲပေးသင့်သလို လိုအပ်ရင် ဆရာဝန်နဲ့တိုင်ပင်ပြီး ဟော်မုန်းဆေးဝါးတွေနဲ့ ကုသမှုခံယူတာမျိုး လုပ်ပေးသင့်ပါတယ်။ နေထိုင်စားသောက်မှုပုံစံကိုတော့ ဒီလိုလေး ပြောင်းလဲကြည့်လိုက်ပါနော်။
• ကဖင်း၊ အရက် (အထူးသဖြင့် ဝိုင်နီ)၊ အပူအစပ်၊ နှစ်ချို့ဒိန်ခဲနဲ့ ချောကလက်တို့ကို ချင့်ချိန်စားသောက်ပါ။
• ပဲပိစပ်ထုတ်ကုန်တွေ စားသုံးပေးပါ။
• ဆေးလိပ်ဖြတ်ပါ။
• လေ့ကျင့်ခန်းလုပ်ပါ။
• စိတ်အပန်းပြေအောင် အသက်ရှူလေ့ကျင့်ခန်း၊ ယောဂနဲ့ တရားထိုင်တာမျိုး လုပ်ကြည့်ပါ။
• ရေအေးအေးလေး သောက်ပါ။
• ချောင်ချောင်ချိချိ အဝတ်အစားကို ဝတ်ဆင်ပါ။
အကယ်၍ ဒါတွေလုပ်လို့မှ မသက်သာရင်၊ ပူအိုက်တာ အရမ်းဆိုးပြီး မကြာခဏဖြစ်နေရင်၊ နေ့စဥ်အလုပ်တွေ မလုပ်နိုင်လောက်အောင် အနှောင့်အယှက်ဖြစ်ရင် ဆရာဝန်နဲ့တိုင်ပင်ပြီး ကုသမှုခံယူသင့်ပါတယ်။ ဒါ့အပြင် စားမဝင်အိပ်မပျော်တာ၊ ဖျားတာ၊ ဝိတ်ကျသွားတာ၊ အကျိတ်ရောင်တာတွေ ရှိလာရင်လည်း ပြသသင့်ပါတယ်နော်။
Related News And Articles
Endometriosis သည် သားအိမ်အတွင်းသားတစ်ရှူးများ သားအိမ်အပြင်သို့ နယ်ကျွံရောက်ရှိနေသောရောဂါဖြစ်ပါတယ်။ Boston Children’s Hospital မှာရှိတဲ့ Young Women’s Health Center ရဲ့အဆိုအရ (ဥပမာ - ရေကူးခြင်း၊ လမ်းလျှောက်ခြင်း၊ တစ်နေ့မှာ တစ်နာရီလောက် မပြင်းထန်တဲ့ လေ့ကျင့်ခန်းတွေ ပုံမှန်လုပ်သွားပါက) Endom...
ပုံမှန်အားဖြင့် သားအိမ်၏အတွင်းသားများဟာ သနေ္ဓအောင်ပြီးတဲ့ မမျိုးဥအတွက် ပြင်ဆင် ထားလေ့ရှိပါတယ်။ သနေ္ဓအောင်သွားတဲ့မမျိုးဥဟာ သားအိမ်ရဲ့ အတွင်းသားမှာသွားပြီး သနေ္ဓတည်ပါတယ်။ အကယ်၍ မမျိုးဥဟာ သနေ္ဓမအောင်ဘူးဆိုရင်တော့ သားအိမ်ရဲ့ အတွင်းသားဟာ ကြွေကျပြီး ရာသီသွေးအဖြစ် စီးဆင်းသွားပါတယ်။ အချို့သောသူမျ...