ရာသီလာစဉ်တွင် လိုက်နာသင့်တဲ့ကိစ္စများ

(Unicode)

    ရာသီလာချိန်မှာ ကျွန်မတို့ အမျိုးသမီးတွေရဲ့ ကိုယ်ခန္ဓာတွင်းမှာ ပြောင်းလဲမှုများစွာ ဖြစ်ပေါ်တယ်ဆိုတာ သိကြပြီးဖြစ်ပါလိမ့်မယ်။
    ဒါကြောင့် ရာသီလာစဉ်တွင် လိုက်နာသင့်တဲ့ကိစ္စလေးတွေကို သိရှိခြင်းဖြင့် ဝေဒနာများကို အနည်းနဲ့အများ လျော့ပါးစေမှာဖြစ်ပါတယ်။

(၁)     ကောင်းစွာ အနားယူပါ
    ရာသီလာစဉ်မှာ မဟိုမုန်းတွေဟာ အနည်းဆုံး အခြေအနေကို ရောက်ရှိနေပါတယ်။ ဒါတင်မကသေးပါဘူး။ ကိုယ်ခံအားလည်းကျဆင်းနေတတ်ပြီး ပင်ပန်းနွမ်းနယ်နေ တတ်ပါတယ်။ ဒီလိုအချိန်မျိုးမှာဆိုရင် PMS လို့ခေါ်တဲ့ ရာသီမလာမီ ခံစားရသော ဝေဒနာများလည်း ပြန်လည်ဆိုးရွားလာတတ်တာမို့ ကောင်းကောင်း အနားယူပေးသင့်ပါတယ်။

(၂)     အစာ ပုံမှန်စားပါ
    ရာသီလာတဲ့အချိန်မှာ စိတ်တိုလွယ်တာမျိုး၊ စိတ်တက်လိုက်ကျလိုက် ဖြစ်တာမျိုးကို ခံစားဖူးကြပါလိမ့်မယ်။ ဒီအခါမျိုးမှာ ဘေးဖြစ်စေတဲ့ အစားအစာတွေကို ရှောင်ပြီး ကောင်းမွန်သောအစာများကို မှန်ကန်စွာ စားသုံးခြင်းဖြင့် စိတ်ဖိစီးမှုများကို လျော့ပါးအောင်လုပ်နိုင်ပါတယ်။
    မှန်ကန်တဲ့အစားအစာတွေထဲမှာ အမျှင်ဓာတ်ကြွယ်ဝသော အစာအုပ်စုဖြစ်တဲ့ ပဲအမျိုးမျိုး၊ အစိမ်းရောင်အသီးအရွက်များကို စားပေးခြင်းဖြင့် ဝမ်းမှန်စေပြီး ရာသီလာစဉ် ကိုက်ခဲခြင်းကိုပါ သက်သာစေနိုင်ပါတယ်။ အစိမ်းရောင်အရွက်တွေမှာ ဗီတာမင်ကေ ကြွယ်ဝစွာပါဝင်တဲ့အတွက် ရာသီသွေး စီးဆင်းမှုများခြင်းကိုပါ ကာကွယ်ပေးမှာ ဖြစ်ပါတယ်။
    နောက်ထပ် စားပေးသင့်တာကတော့ Omgea 3 ဖက်တီးအက်စစ် ကြွယ်ဝတဲ့ အစားအစားတွေပါပဲ။ ဆယ်မွန်ငါး ၊ နှမ်းကြတ်စေ့၊ သစ်အယ်သီးစသော အစေ့အဆံတွေကို စားပေးသင့်ပါတယ်။ ဒါတွေကို စားခြင်းဖြင့် ရာသီလာစဉ် ခံစားရသော ဝေဒနာတွေကို သက်သာစေပါလိမ့်မယ်။

(၃)     ရေနွေးအိတ် ကပ်ပါ
    ရေနွေးကန်စိမ်ခြင်း သို့မဟုတ် နာကျင်သော ဗိုက်အောက်ပိုင်းကို ရေနွေးအိတ်ကပ်ခြင်း ပြုလုပ်နိုင်ပါတယ်။ ရေနွေးအိတ် ကပ်နေစဉ်တွင် ပက်လက်အိပ်ပြီး ခြေထောက်ကို နံရံပေါ်သို့ မြှောက်ပေးထားနိုင်ပါတယ်။

(၄)     သန့်သန့်ရှင်းရှင်းနေပါ
    မှိုပိုးပေါက်ဖွားတာမျိုး မဖြစ်ရအောင် လစဉ်သုံးပစ္စည်းကို 4-6 နာရီကြာတိုင်း အချိန်မှန်မှန်လဲပါ။ မိန်းမကိုယ်ကို ရေ (သို့) အပျော့စား မိန်းမကိုယ် သန့်စင်ဆေးရည်ဖြင့် နေ့စဉ် သန့်ရှင်းရေးလုပ်ပါ။

လေပြေနုသွေး (ဆေး-၂) (www.drmyanmar.com)