သွေးဆုံးပြီးနောက် ရာသီလာခြင်း
အမေး : ကျွန်မက အသက် 50 အရွယ် သွေးဆုံးပြီး အမျိုးသမီးတစ်ယောက်ပါ။ သွေးဆုံးတာ 3 နှစ်လောက်ရှိပြီးမှ အရင်လက ရုတ်တရက် သွေးပြန်ဆင်းလာပါတယ်။ ဘာဖြစ်တာလဲ သိပါရစေရှင့်။
အဖြေ : သွေးဆုံးတယ် ဆိုတာဟာ ရာသီစက်ဝန်း ရပ်တန့်သွားတာဖြစ်ပြီး 12 လတိတိ ဓမ္မတာ မလာတော့တဲ့အခါ သွေးဆုံးတယ်လို့ ဆိုနိုင်ပါတယ်။
သွေးဆုံးပြီးနောက် သွေးပြန်ဆင်းတယ် ဆိုတာဟာ ပုံမှန် မဟုတ်ပါဘူး။ ဆရာဝန်နဲ့ ပြသသင့်ပါတယ်။
ဥပမာအားဖြင့် သွေးဆုံးပြီးနောက် သွေးပြန်ဆင်းခြင်းဟာ -
● သားအိမ်ကင်ဆာများ
● သားအိမ်ခေါင်းကင်ဆာ၊ မိန်းမကိုယ်ကင်ဆာ
● သားအိမ်ပါးခြင်း၊ မိန်းမကိုယ် ခေါင်းပါးခြင်း
● သားအိမ် အသားလုံး
● သားအိမ် ပိုးဝင်ခြင်း
● ဟော်မုန်းဆေးများနဲ့ Tamoxifen ဆေး
● ထိခိုက်ဒဏ်ရာရခြင်း
● ဆီးလမ်းကြောင်း သို့မဟုတ် စအိုမှာ သွေးထွက်ခြင်း
● သားအိမ်ထူခြင်း စတာတွေကြောင့် ဖြစ်တတ်ပါတယ်။
ဒါကြောင့် သွေးပြန်ဆင်းတယ် ဆိုတာဟာ စိုးရိမ်ရပါတယ်။ ဆရာဝန်နဲ့ အမြန်ပြသသင့်ပါတယ်။
Dr. Emerald (www.drmyanmar.com)
Related News And Articles
Endometriosis သည် သားအိမ်အတွင်းသားတစ်ရှူးများ သားအိမ်အပြင်သို့ နယ်ကျွံရောက်ရှိနေသောရောဂါဖြစ်ပါတယ်။ Boston Children’s Hospital မှာရှိတဲ့ Young Women’s Health Center ရဲ့အဆိုအရ (ဥပမာ - ရေကူးခြင်း၊ လမ်းလျှောက်ခြင်း၊ တစ်နေ့မှာ တစ်နာရီလောက် မပြင်းထန်တဲ့ လေ့ကျင့်ခန်းတွေ ပုံမှန်လုပ်သွားပါက) Endom...
ပုံမှန်အားဖြင့် သားအိမ်၏အတွင်းသားများဟာ သနေ္ဓအောင်ပြီးတဲ့ မမျိုးဥအတွက် ပြင်ဆင် ထားလေ့ရှိပါတယ်။ သနေ္ဓအောင်သွားတဲ့မမျိုးဥဟာ သားအိမ်ရဲ့ အတွင်းသားမှာသွားပြီး သနေ္ဓတည်ပါတယ်။ အကယ်၍ မမျိုးဥဟာ သနေ္ဓမအောင်ဘူးဆိုရင်တော့ သားအိမ်ရဲ့ အတွင်းသားဟာ ကြွေကျပြီး ရာသီသွေးအဖြစ် စီးဆင်းသွားပါတယ်။ အချို့သောသူမျ...