PCOS လို့ခေါ်တဲ့ သားဥအိမ်အရည်အိတ်တည်ရောဂါစုအကြောင်း
အမျိုးသမီးတွေမှာ ဖြစ်တတ်တဲ့ ဟော်မုန်းမညီမျှတဲ့ရောဂါတစ်မျိုးပါ။ ဒီရောဂါရှိတဲ့အမျိုးသမီးတွေမှာ ဓမ္မတာမမှန်တာ၊ အမျိုးသားဟော်မုန်းတွေ များနေတာမျိုး ဖြစ်တတ်ပါတယ်။ သားဥအိမ်မှာ အရည်အိတ်ငယ်လေးတွေ အများကြီးဖြစ်လာပြီး သားဥမကြွေနိုင်တော့မျိုး ဖြစ်တတ်ပါတယ်။ ဘာကြောင့်ဖြစ်ရတယ်ဆိုတာ ရေရေရာရာမသိသေးပေမယ့် စောစောသိပြီး စောစောကုတဲ့အခါ ဆီးချို၊ နှလုံးလိုမျိုး ရောဂါတွေကနေ ကာကွယ်နိုင်ပါတယ်။
Dolfenal 1
>> ရောဂါလက္ခဏာများ
အပျိုဖော်ဝင်ခါစအချိန်မှာ ဖြစ်လေ့ရှိပေမယ့် တချို့မှာတော့ ဖြစ်တာနောက်ကျတတ်တာမျိုးလည်း ရှိပါတယ်။
အောက်ပါလက္ခဏာ ၃ ချက်ထဲက ၂ ချက်ရှိရင် ဒီရောဂါရှိတယ်လို့ ဆိုနိုင်ပါတယ်။
● ဓမ္မတာမမှန်ခြင်း (ဥပမာအားဖြင့် တစ်နှစ်ကို ဓမ္မတာ ၉ ကြိမ်နဲ့အောက်သာလာပြီး တစ်ခါနဲ့တစ်ခါကြား ၃၅ ရက်ကျော်ခြားကာ ပုံမမှန်သွေးဆင်းအရမ်းများတာမျိုး ဖြစ်တတ်ပါတယ်။)
● အမျိုးသားဟော်မုန်းများနေခြင်း (ဥပမာအားဖြင့် မျက်နှာနဲ့ကိုယ်ခန္ဓာမှာ အမွေးတွေ အများကြီးပေါက်လာတာ၊ ဝက်ခြံဆိုးဆိုးရွားရွားပေါက်တာ၊ အမျိုးသားတွေလို ထိပ်ပြောင်လာတာမျိုး ဖြစ်တတ်ပါတယ်။)
● သားဥအိမ်မှာအရည်အိတ်ငယ်များ တည်နေခြင်း
Dolfenal 2
>> နောက်ဆက်တွဲတွေအနေနဲ့
● ကလေးမရနိုင်ခြင်း
● ကိုယ်ဝန်ဆောင်ချိန် ဆီးချိုတက်ခြင်း၊ သွေးတိုးခြင်း
● ကလေးပျက်ကျခြင်း၊ စောမွေးခြင်း
● အသည်းအဆီဖုံးခြင်း
● ဆီးချို၊ သွေးတိုးနဲ့ သွေးတွင်းကိုလက်စထရော တက်တတ်တဲ့ ဇီဝကမ္မ ကမောက်ကမရောဂါစုများ ဖြစ်တတ်ခြင်း
● စိတ်ကျရောဂါ၊ စိတ်ပူပန်လွန်ကဲရောဂါများ ဖြစ်တတ်ခြင်း
● ပုံမမှန်သားအိမ်သွေးဆင်းခြင်း
● သားအိမ်ကင်ဆာဖြစ်ခြင်း စတာတွေဖြစ်နိုင်ပါတယ်။
ဒါကြောင့် ဓမ္မတာကမောက်ကမဖြစ်နေရင်၊ ကလေးမရနိုင်ရင်၊ အမျိုးသားဟော်မုန်းများတဲ့လက္ခဏာတွေဖြစ်တဲ့ အမွေးများပေါက်လာခြင်း၊ ဝက်ခြံထွက်လာခြင်း၊ အမျိုးသားတွေလို ထိပ်ပြောင်ခြင်း စတာတွေ ဖြစ်လာခဲ့ရင် ဆရာဝန်နဲ့ ပြသကြည့်သင့်ပါတယ်။
Dr. Mya Phoo Ngon (www.drmyanmar.com)
Related News And Articles
ဆီးစပ်ကိုက်တာ၊ စိတ်အပြောင်းအလဲမြန်တာ၊ ပင်ပန်းနွမ်းနယ်တာတွေအပြင် ဓမ္မတာလာချိန်မှာ နောက်ထပ်ကြုံရတဲ့ ဒုက္ခတစ်ခုက အစားအသောက်တွေကို အလွန်အမင်း စားချင်တာပါပဲ။ အထူးသဖြင့်တော့ ရေခဲမုန့်၊ ဒိုးနတ်၊ ကိတ်မုန့်တို့လို ချိုလွန်းတဲ့အစားအသောက်တွေ၊ ဆီကြော်စာတွေနဲ့ အအီအဆိမ့်တွေကို စားချင်လေ့ရှိကြပါတယ်။ ဒီအစားအသောက...
Mefenamic acid ဆိုတာကတော့ ဓမ္မတာကိုက်ခဲမှုတွေကို သက်သာစေတဲ့ အကိုက်အခဲပျောက်ဆေး ဖြစ်ပါတယ်။ ဓမ္မတာအတွက်သာမက ခန္ဓာကိုယ်မှာဖြစ်တဲ့ အပျော့စားကနေ အလယ်အလတ် နာကျင်မှုတွေကို သက်သာစေဖို့အတွက် သုံးစွဲလို့ရပါတယ်။ ဘယ်လောက်ကြာကြာ သောက်ရမလဲဆိုတာကတော့ ဘာရည်ရွယ်ချက်အတွက် သောက်သုံးတာလဲဆိုတဲ့အပေါ် မူတည်ပါတယ်။