အမျိုးသားတွေရော သွေးဆုံးနိုင်သလား
ဓမ္မတာမလာတဲ့ အမျိုးသားတွေဟာ သွေးဆုံးစရာလားလို့ စဥ်းစားစရာပါပဲ။ ဒါပေမဲ့ အမျိုးသမီးတွေမှာ အသက်ကြီးလာတဲ့အခါ အီစထရိုဂျင်လျော့နည်းလာသလိုပဲ အမျိုးသားတွေဟာလည်း ကျားဟော်မုန်း (testosterone) လျော့နည်းလာပါတယ်။
Oligocare IA 1
အမျိုးသားတွေဟာ အသက် ၃၀ ကျော်လာရင် ဆယ်စုနှစ်တစ်ခုကြာပြီးတိုင်းမှာ ကျားဟော်မုန်းပမာဏဟာ ၁၀% နှုန်းနဲ့ ကျဆင်းလာပါတယ်။ ဒါဟာ အိုမင်းခြင်းဖြစ်စဥ်ကြောင့်ဖြစ်ပြီး ခန့်မှန်းခြေအားဖြင့် အသက် ၅၀ အရွယ်အမျိုးသားတွေရဲ့ ၃၀% လောက် ခံစားရလေ့ရှိပါတယ်။
အမျိုးသားတွေမှာ ခံစားရတဲ့ ဝေဒနာတွေကတော့ -
● လိင်စိတ်ဆန္ဒနည်းပါးလာခြင်း
● လိင်တံထောင်မတ်ဖို့ခက်ခဲခြင်း
● အားအင်မရှိခြင်း
● စိတ်ဓာတ်ကျခြင်း
● ဒေါသထွက်ခြင်း၊ စိတ်အပြောင်းအလဲမြန်ခြင်း
● ကြွက်သားအားနည်းခြင်း
● ကိုယ်ခန္ဓာမှာ အဆီများလာခြင်း
● အပူဒဏ်မခံနိုင်ခြင်း စတာတွေပဲ ဖြစ်ပါတယ်။
Oligocare IA 2
သေချာကုသမှုမခံယူဘူးဆိုရင် ကျားဟော်မုန်းနည်းတာဟာ နှလုံးနဲ့သွေးကြောကျန်းမာရေးကို ထိခိုက်စေပြီး၊ အရိုးပါးအရိုးပွရောဂါဖြစ်နိုင်ခြေကို မြင့်တက်စေပါတယ်။
ဒါကြောင့် အမျိုးသားတွေအနေနဲ့ အသက် ၃၀ ကျော်လာတဲ့အခါ လေ့ကျင့်ခန်းများများလုပ်တာ၊ စိတ်ဖိစီးမှုတွေကို လျှော့ချပေးတာ၊ အာဟာရစုံလင်စွာ စားသောက်တာမျိုး လုပ်ပေးသင့်သလို မျိုးပွားအင်္ဂါကျန်းမာရေးကို ကောင်းမွန်စေတဲ့ အာဟာရဓာတ်တွေပါဝင်တဲ့ ဖြည့်စွက်အားဆေးတွေကို မှီဝဲပေးသင့်ပါတယ်။
Dr. Aye Hsu Mon (www.drmyanmar.com)
Related News And Articles
ဆီးချိုသွေးချိုတိုင်းတာခြင်း
အသက် ၄၅ နှစ်ကျော်သောအမျိုးသားတိုင်းဆီးချိုသွေးချိုရောဂါ ရှိ၊ မရှိစစ်ဆေးသင့်ပါတယ်။ အထူးသဖြင့် အ၀လွန်သောအမျိုးသားများသည် သွေးတွင်းရှိ glucoseပမာဏတိုင်းတာခြင်း၊ HbA1c စစ်ဆေးမှုများ ပြုလုပ်ခြင်းတို့ လုပ်ဆောင်သင့်တယ်လို့ချီကာဂိုရှိ Loyola...
အမျိုးသားများဟာလည်း အမျိုးသမီးများကဲ့သို့ ရင်သားကင်ဆာဖြစ်နိုင်တယ်လို့ သုတေသီတို့က ဆိုပါတယ်။ အမေရိကန်နိုင်ငံတွင် တစ်နှစ်လျှင် ရင်သားကင်ဆာဖြစ်သော အမျိုးသားပေါင်း 2000 ကျော်ရှိပြီး ရင်သား ကင်ဆာကြောင့်သေဆုံးမှုမှာ 500 ကျော်တယ်လို့သိရပါတယ်။ အမျိုးသားတွေမှာ ရင်သားကင်ဆာဖြစ်နိုင်ချေ ရှိတာကိုအမျို...