သခွားသံပရာရေအေးသောက်ပြီး ဝိတ်ချကြမယ်

          အခုခေတ်မှာ Detox လို့ခေါ်တာတွေ ခေတ်စားနေပါတယ်။ Detox drink ဆိုတာ ဘာလဲ။ ခေတ်မီသွားအောင် ဖတ်ကြည့်ကြစို့ ...။

          အရောင်၊ အနံ့၊ အရသာကင်းတဲ့ ရေထဲကို သဘာဝသစ်သီးတွေ လှီးထည့်ပြီး အနံ့ အရသာတစ်မျိုး ဖန်တီးထားတဲ့ရေပါပဲ။

          ကိုယ်အလေးချိန်ကျဖို့ အကောင်းဆုံး သစ်သီးစိမ်ရေလေးတစ်ခုနဲ့ မိတ်ဆက်ပေးပါမယ်။ သခွားသံပရာရေအေး ဖြစ်ပါတယ်။

●        သခွားသီးတစ်လုံးကို ရေစင်အောင် ဆေးပါ။ အော်ဂဲနစ်သခွားဆို ပိုကောင်းပါတယ်။ ဆယ်စိတ်ခန့် စိတ်ပါ။ မပါးမထူလေး စိတ်ပါ၊ ပြီးရင် ဖန်ဘူးလေးထဲကို ထည့်ပါ။

●        သံပရာသီးကို ရေစင်အောင် ဆေးပြီး  အလုံးလိုက် လှီးချလိုက်ပါ။ အခုနက သခွားသီး ထည့်တဲ့ဘူးထဲကို ထည့်ပါ။

●        ရေသန့်သန့်နှစ်ခွက် ဖန်ဘူးလေးထဲကို လောင်းထည့်ပါ။

●        နောက်ဆုံးကတော့ ပူစီနံရွက်လေးပါ။ နှစ်ရွက်ခန့် ခြွေထည့်ပေးပါ။

●        အဖုံး လုံအောင်ပိတ်ပြီး ဖန်ဘူးလေးကို ရေခဲသေတ္တာထဲမှာ တစ်ည သိပ်ထားပါ။

●        မနက်ရောက်တဲ့အခါ ဇွန်းသန့်သန့်လေးသုံးပြီး သံပရာစိတ်လေးတွေကို ဖယ်ထုတ်ပါ။ ခါးလာမှာမို့လို့ပါ။

●        ပြီးရင် သခွားရေအေးကို စတင်သောက်သုံးနိုင်ပါပြီ၊ ထပ်ထပ်ဖြည့်ပါ။ သုံးရက်တိတိ မကြာခဏဖြည့်ပြီး ရေသောက်သလို သောက်နိုင်ပါတယ်။ အတိုင်းအဆမရှိ မိမိနှစ်သက်သလောက် သောက်သုံးပါ။

●        သုံးရက်ပြည့်ရင် သွန်ပြီး အသစ်ထပ်လုပ်ပါ။

          တစ်ပတ်တိတိ သောက်သုံးခြင်းဖြင့် အင်မတန် ကျန်းမာရေးနဲ့ ညီညွတ်မျှတပြီး ကိုယ်အလေးချိန် ကျဆင်းစေပါတယ်။

          အဆီတွေကို ချေဖျက်ပေးတဲ့အတွက် မကြာခဏ ဝမ်းသွားတတ်ပါတယ်။ ဒီတော့ တစ်ပတ်ခြား သောက်ပြီး ဝိတ်ချကြည့်နိုင်ပါတယ်။

>>    သခွားသံပရာရေအေး သောက်လို့ ဘာအကျိုးကျေးဇူးရမလဲ?

●        ဗီတာမင်စီ

●        အင်တီအောက်ဆီးဒင့်

●        သဘာဝရေဓာတ်တွေ ပြည့်ပြည့်ဝဝ ရရှိပါတယ်

●        အသားအရေ လှစေတယ်

●        ကိုယ်တွင်းအဆိပ်ဓာတ်တွေ သန့်စင်စေတယ်

●        ကိုယ်အလေးချိန် ကျစေတယ်

●        အဆီတွေကိုချေဖျက်ပေးတယ်

●        အစားစားချင်စိတ် လျော့နည်းစေတယ်

●        သွေးပေါင် ပုံမှန်ညှိပေးပါတယ်။

ဂျီပီငှက် (ဆေး/မန်း) (www.drmyanmar.com)