ကလေးမွေးပြီးမေမေတို့ သံဓာတ်အားဆေး ဆက်သောက်သင့်သလား ?
ကိုယ်ဝန်ဆောင်ကာလမှာ သံဓာတ်အားဆေးသောက်ဖို့လိုအပ်တာကို လူတိုင်းသိကြပေမယ့် ကလေးမွေးဖွားပြီးတဲ့အခါ သံဓာတ်အားဆေး ဆက်သောက်ဖို့ကို မေ့လျော့တတ်ကြပါတယ်။ ကိုယ်ဝန်ဆောင်ကာလ စတုတ္ထသုံးလပတ်လို့ခေါ်တဲ့ မွေးဖွားပြီးကာလမှာလည်း သံဓာတ်ကို လိုအပ်နေပါသေးတယ်။
Obimin 2022 IA 1
ကလေးမွေးဖွားနေချိန်မှာ သွေးဆုံးရှုံးမှုရှိလို့ မေမေတို့အနေနဲ့ မွေးဖွားပြီးကာလမှာ သံဓာတ်အားနည်းလေ့ရှိတာ သဘာဝပါပဲ။ ဒါဟာ ကိုယ်ဝန်ဆောင်ချိန်မှာ သံဓာတ်အားဆေးမသောက်ခဲ့တဲ့ မေမေတို့မှာ ပိုပြီးအဖြစ်များပါတယ်။ လေ့လာမှုတွေအရ ရိုးရိုးမွေးသူတွေမှာ ကိုယ်ဝန်ဆောင်ချိန် သံဓာတ်အားဆေးသောက်သူ ၁၄% နဲ့ ကိုယ်ဝန်ဆောင်ချိန် သံဓာတ်အားဆေးမသောက်သူ ၂၄% ဟာ သံဓာတ်အားနည်းပြီး သွေးအားနည်းရောဂါဖြစ်နိုင်ခြေရှိတယ်လို့ သိရပါတယ်။ ဒီအချက်ကြောင့်ပဲ ကမ္ဘာ့ကျန်းမာရေးအဖွဲ့အစည်း (WHO) ကနေ ကလေးမွေးဖွားပြီးသူတွေအနေနဲ့ တစ်နေ့ကို သံဓာတ် (၁၀-၃၀) မီလီဂရမ် မှီဝဲပေးသင့်တယ်လို့ အကြံပြုထားပါတယ်။ နို့တိုက်မိခင်တွေအနေနဲ့လည်း တစ်နေ့ကို သံဓာတ် (၁၄) မီလီဂရမ် ရရှိအောင် မှီဝဲပေးသင့်ပါတယ်။
Obimin 2022 IA 2
ဒါကြောင့် မေမေတို့အနေနဲ့ ကလေးမွေးဖွားပြီး သုံးလလောက်အထိတော့ သံဓာတ်ပါတဲ့ အားဆေးကို ဆက်သောက်ပေးဖို့ အကြံပြုလိုပါတယ်။ ဒါမှသာ မိခင်ရော၊ ကလေးပါ သံဓာတ်အားနည်းခြင်းကြောင့်ဖြစ်တဲ့ နောက်ဆက်တွဲဆိုးကျိုးတွေကို မခံစားရမှာ ဖြစ်ပါတယ်။
Related News And Articles
အာဟာရပညာရှင်အများစုကတော့ နွားနို့ဟာ ကိုယ်ဝန်ဆောင်မိခင်တွေအတွက် အသင့်တော်ဆုံးနို့အမျိုးအစားလို့ ဆိုကြပါတယ်။ ဘာလို့ဆို နွားနို့မှာ မိခင်နဲ့ကလေးအတွက် လိုအပ်တဲ့ အာဟာရဓာတ်တွေ (အထူးသဖြင့် ကယ်လ်ဆီယမ်၊ ဗီတာမင်ဒီနဲ့ ပရိုတင်းဓာတ်) ကြွယ်ဝစွာပါဝင်လို့ ဖြစ်ပါတယ်။ ဒါပေမဲ့ နွားနို့သောက်တဲ့အခါ သန့်စင်ထား...
အသီးအနှံတွေဟာ ကျန်းမာရေးနဲ့ညီညွတ်ပေမယ့် တချို့အသီးတွေကတော့ ကိုယ်ဝန်ဆောင်မေမေတို့ စားသုံးဖို့ မသင့်တော်တာမျိုး ရှိပါတယ်။ ဘယ်လိုအသီးတွေဖြစ်မလဲဆိုတာ လေ့လာကြည့်ကြရအောင်နော်။