ကူးစက်တတ်သော ခဏတာလေပြွန်ရောင်ခြင်း

♦       ဘယ်လိုအခြေအနေဆိုရင် ဆရာ၀န်သွားပြမလဲ?

          ခေတ္တလေပြွန်ရောင်ခြင်းက ရက်သတ္တပတ် အတော်ကြာရင် သူ့အလိုလို ပြန်ပျောက်သွားလေ့ ရှိပါတယ်။ နေမကောင်းတာ အရမ်းဆိုးပြီး အောက်ပါလက္ခဏာတွေ ခံစားရရင်တော့ နီးစပ်ရာ ဆေးရုံ၊ ဆေးခန်းကို ချက်ချင်းသွားပြပါ။

•        ကိုယ်အပူချိန် 100.4ºF (38ºC) အထက်

•        သုံးပတ်ထက် ပိုပြီးချောင်းဆိုးခြင်း

•        ရင်ကြပ်ခြင်း၊ အသက်ရှူမြန်ခြင်းကြောင့် လုပ်နေကျအလုပ်တွေတောင်မှ မလုပ်နိုင်တော့ခြင်း

•        ပါးစပ်၊ နှာခေါင်းတို့မှ သွေးပါသော အချွဲသလိပ်များထွက်ခြင်း

          လေပြွန်ရောင်ခြင်းကနေပြီး အဆုတ်ရောင်တဲ့အထိ ဖြစ်နိုင်တဲ့အတွက် စိုးရိမ်ရတဲ့ လက္ခဏာတွေ တွေ့ရင် (သို့) ရောဂါလက္ခဏာတွေက ကြာသင့်တဲ့အချိန် ပိုကြာနေရင် ဆရာ၀န်နဲ့ ပြသဖို့ အရေးကြီးပါတယ်။

          မကြာခဏ လေပြွန်ရောင်နေရင်လည်း နာတာရှည် လေပြွန်ရောင်ခြင်း ဖြစ်သွားနိုင်တဲ့အတွက် ဆရာ၀န် သေချာပြပါ။

♦       ကုထုံးများ

          ဗိုင်းရပ်ကြောင့် ဖြစ်တာဆိုရင် များများအနားယူပြီး အရည်ဓာတ် များများသောက်ရင် ရပါတယ်။ ဗိုင်းရပ်စ်ကြောင့်ဖြစ်တဲ့ လေပြွန်ရောင်ခြင်းတွေအတွက် ပဋိဇီ၀ဆေးတွေက အသုံးမ၀င်ပါဘူး။

♦       သိမှတ်စရာ

          ကာလတိုလေပြွန်ရောင်ခြင်းက အဖြစ်များတဲ့ ရောဂါတစ်မျိုးဖြစ်ပြီး သူ့ဘာသာပဲ ပြန်ပျောက်တတ်ပါတယ်။ ဘက်တီးရီးယားကြောင့် ဖြစ်တာဆိုရင်တော့ ကုသမှု သေချာခံယူခြင်းဖြင့် နောက်ဆက်တွဲဆိုးကျိုးတွေနဲ့ အဆုတ်ရောင်ခြင်းမဖြစ်အောင် ကာကွယ်နိုင်ပါတယ်။

Dr. Mya Myo Myo Swe (www.drmyanmar.com)