ချောင်းဆိုးတဲ့အခါ ဆီးထွက်ကျလေ့ရှိတဲ့ အကြောင်းရင်းများ
ချောင်းဆိုးတဲ့အခါ (သို့) ရယ်တဲ့အခါမှာ ဆီးထွက်ကျခြင်းက ဖိအားကြောင့်ဖြစ်တဲ့ ဆီးမထိန်းနိုင်ခြင်းတစ်မျိုးပဲ ဖြစ်ပါတယ်။ ဒါဟာ ဆီးသွားတဲ့အချိန်မှာ ထိန်းချုပ်ပေးတဲ့ကြွက်သားတွေ အားနည်းသွားလို့ဖြစ်ပြီး အဖြစ်များတဲ့ဖြစ်ရပ်ပဲ ဖြစ်ပါတယ်။
ချောင်းဆိုးခြင်း၊ နှာချေခြင်း (သို့) ရယ်ခြင်းစတဲ့ ခန္ဓာကိုယ်ကို အားစိုက်လှုပ်ရှားလိုက်တဲ့ အပြုအမူ တစ်ခုခုကြောင့် ဆီးထွက်ကျနိုင်သလို အောက်ပါ ကိုယ်လက်လှုပ်ရှား လုပ်တဲ့အချိန်တွေမှာလည်း ဖြစ်နိုင်ပါတယ်။
• လေ့ကျင့်ခန်းလုပ်ခြင်း
• လေးလံသောပစ္စည်းများ မ,ခြင်း
• ခုန်ခြင်း
• လိင်ဆက်ဆံခြင်း
အောက်ပါတို့ကြောင့်လည်း ခန္ဓာကိုယ်အောက်ပိုင်းမှာရှိတဲ့ ကြွက်သားတွေနဲ့ ဆီးလမ်းကြောင်းတစ်ဝိုက်က ကြွက်သားတွေ ထိခိုက်မိခြင်း၊ အားနည်းသွားခြင်းတွေဖြစ်ပြီး ဆီးမထိန်းနိုင် ဖြစ်စေနိုင်ပါတယ်။
• ကိုယ်ဝန်ဆောင်စဉ်
• ကလေးမွေးစဉ်
• အဝလွန်ခြင်း
• အချို့သောဆေးဝါးများကို ဆွဲသောက်ရခြင်း
Dr. Mya Myo Myo Swe (www.drmyanmar.com)