ကလေးငယ်တွေမှာ တွေ့ရတတ်တဲ့ ခြေဖျားထောက်ပြီး လမ်းလျှောက်ခြင်းအကြောင်း

>>  ကလေးတွေ ခြေဖျားထောက်လျှောက်ရခြင်းရဲ့ အကြောင်းအရင်းများ
ပုံမှန်ဆိုရင်တော့ ကလေးတွေမှာ ခြေဖျားထောက်လျှောက်တာဟာ အရမ်းကြီးစိုးရိမ်စရာမလိုတဲ့အထဲမှာ ပါပါတယ်။ ဒါပေမဲ့ ဒီလိုလျှောက်တာဟာ ကလေး အသက် ၃ နှစ် ကျော်လာတဲ့အထိ ဆက်လျှောက်နေမယ်ဆိုရင်တော့ အကြောင်းအရင်းကိုရှာဖို့ လိုပါပြီ။ ကလေးတွေ ခြေဖျားထောက်ပြီး လမ်းလျှောက်ရတဲ့ အကြောင်းအရင်းတွေကို ဖော်ပြပေးပါမယ်။

၁။  Achilles (အာခီးလီး) အရွတ်တိုနေခြင်း
ခြေဖနောင့်ရဲ့ကပ်ရပ် အပေါ်နားလေးမှာ Archilles ဆိုတဲ့အရွတ်ရ ှိပါတယ်။ ဒီအရွတ်က လမ်းလျှောက်တဲ့အခါ ကျုံ့ခြင်း၊ ဆန့်ခြင်းကို ပြုလုပ်ပြီး လမ်းလျှောက်တာ အဆင်ပြေစေဖို့ လုပ်ဆောင်ပေးပါတယ်။ မွေးရာပါ Archilles အရွတ်တိုနေတဲ့ကလေးတွေမှာ ဆိုရင်တော့ ခြေဖဝါးကို ရေပြင်ညီလျှောက်ဖို့ အဟန့်အတားဖြစ်စေပြီးတော့ ခြေဖျားထောက်လျှောက်တဲ့အကျင့် ဖြစ်စေပါတယ်။

၂။  Cerebral Palsy
Cerebral Palsy ဆိုတာကတော့ ဦးနှောက်ပိုင်းဆိုင်ရာ ချို့ယွင်းခြင်းတစ်မျိုး ဖြစ်ပါတယ်။ Spastic cerebral palsy ဆိုတဲ့ ရောဂါအမျိုးအစားဟာ ခန္ဓာကိုယ်မှာရှိတဲ့ ကြွက်သားတွေကို တောင့်တင်းနေစေတာ ဖြစ်ပါတယ်။ ဒါကြောင့် ခြေထောက်နဲ့ ခြေဖဝါးတစ်ဝိုက်မှာရှိတဲ့ ကြွက်သားတွေကို အလွန်တောင့်တင်းနေစေပြီး လမ်းလျှောက်တဲ့အခါ အခက်အခဲ ဖြစ်စေနိုင်ပါတယ်။ ဒီအခါမှာ ကလေးမှာ ခြေဖျားထောက်ပြီး လမ်းလျှောက်တဲ့အကျင့် ဖြစ်လာတာဖြစ်ပါတယ်။

၃။  အာရုံကြောရောဂါ
Periventricular Leukomalacia ရောဂါကတော့ အာရုံကြောထိခိုက်တဲ့ရောဂါတစ်မျိုးဖြစ်ပြီး လမစေ့ဘဲ မွေးဖွားတဲ့ကလေးတွေမှာ ဖြစ်လေ့ရှိပါတယ်။ ဒီရောဂါကလည်း လမ်းလျှောက်တာမှာ အခက်အခဲဖြစ်စေနိုင်ပြီး ခြေဖျားထောက် လမ်းလျှောက်ခြင်းကို ဖြစ်စေနိုင်ပါတယ်။

၄။  Spastic Hemiplegia
ဒီရောဂါကလည်း ခန္ဓာကိုယ်ကို တောင့်တင်းနေစေတဲ့ရောဂါဖြစ်ပြီး ကလေးတွေမှာ Archillies tendon ကို တောင့်တင်းနေစေတ်ပါတယ်။ ဒီလိုတောင့်တင်းနေတဲ့အခါ ခြေဖဝါးကို ရေပြင်ညီချပြီး လမ်းမလျှောက်နိုင်တော့ဘဲ ခြေဖျားထောက်ပြီးသာ လမ်းလျှောက်နိုင်တော့တာ ဖြစ်ပါတယ်။