မွေးစကလေးများရဲ့ ကိုယ်အလေးချိန် တိုးတက်လာပုံ ပုံမှန် ဟုတ်၊ မဟုတ်

>>  အာဟာရပြည့်ဝတဲ့ လက္ခဏာများ
(၁)  နို့စို့ပြီးလျှင် မငိုခြင်း
(၂)  ကောင်းစွာ အိပ်စက်ခြင်း
(၃)  နို့တိုက်ပြီးလျှင် ရင်သားများ ပျော့သွားခြင်း/ပေါ့သွားခြင်း
(၄)  တစ်နေ့လျှင် (၈-၁၂) ကြိမ်ခန့် နို့စို့ခြင်း
(၅)  ဆီးပုံမှန်သွားခြင်း
(၆)  ဆီးအရောင်က အဝါနုရောင်ရှိခြင်း
(၇)  သေးခံကို တစ်နေ့လျှင် (၆-၈) ကြိမ်ခန့် လဲပေးရခြင်း
(၈)  သေးခံအပြည့်စိုခြင်း
(၉)  ကိုယ်အလေးချိန် ပုံမှန်တိုးခြင်း

>>  အာဟာရမပြည့်ဝတဲ့ လက္ခဏာများ
(၁)  သေးခံတွင် အနည်းငယ်သာ စိုခြင်း
(၂)  နှုတ်ခမ်းနဲ့ အရေပြားများ ခြောက်သွေ့နေခြင်း
(၃)  အသားအရေများ လျော့ရဲနေခြင်း
(၄)  အမြဲလိုလို ငိုနေခြင်း/ဂျီကျနေခြင်း
(၅)  ဦးခေါင်းငယ်ထိပ် အရေပြား ချိုင့်ဝင်နေခြင်း

>>  ကလေး ကိုယ်အလေးချိန်ကို ပုံမှန်ဖြစ်အောင် ပြုစုစောင့်ရှောက်နည်း
(၁)  ကလေး ဆာတိုင်းတိုက်ပါ။
(၂)  နို့တိုက်တဲ့အခါ ကလေးနဲ့ ကောင်းစွာထိကပ်ပြီး တိုက်ပါ။
(၃)  ၆ လအထိ မိခင်နို့တစ်မျိုးတည်းသာ တိုက်ကျွေးသင့်ပါတယ်။
(၄)  မိခင်က အာဟာရပြည့်နေဖို့လည်း အရေးကြီးပါတယ်။ Breast pump (နို့ညှစ်ခွက်) သုံးခြင်းက နို့ဘယ်လောက်ထွက်လဲ သိနိုင်တဲ့အပြင် နို့ကိုလည်း ပိုထွက်အောင် လှုံ့ဆော်ပေးပါတယ်။
(၅)  ကလေးက နို့မစို့ချင်တော့တဲ့လက္ခဏာပြရင် (နို့သီးခေါင်းကို ထွေးထုတ်တာမျိုး၊ ခေါင်းကို တစ်ဖက်လှည့်သွားတာမျိုး) ဆက်မတိုက်ပါနဲ့။

ကလေးရဲ့ ကိုယ်အလေးချိန် တိုးခြင်း၊ လျော့ခြင်းဟာ မိဘတွေကို စိတ်ပူစေတဲ့အချက် ဖြစ်စေသော်လည်း အရမ်းပူပန်မိတာမျိုးမဖြစ်ဖို့လည်း အရေးကြီးပါတယ်။ ဆရာဝန်နဲ့ ပုံမှန်ပြသပြီး လမ်းညွှန်ချက်တွေကို လိုက်နာခြင်းဖြင့် ကျန်းမာပျော်ရွှင်တဲ့မိသားစုလေးကို ဖန်တီးနိုင်ပါတယ်။

ဒေါက်တာနေလွင်ထူး (www.drmyanmar.com)