လမ်းလျှောက်တတ်ခါစ ကလေးငယ်များတွင်ဖြစ်သော အသက်ရှူပြဿနာများအတွက် အိမ်တွင်းကုထုံးများ

1.      အရည်များများ တိုက်ပါ။

          ချွဲပျော်ပြီး ရောဂါပိုး၀င်ခြင်းကြောင့်ဖြစ်တဲ့ ရေဓာတ် ခန်းခြောက်ခြင်းတွေကို ကာကွယ်နိုင်ဖို့အတွက် ရေနဲ့ ဖျော်ရည် အပါအ၀င် အရည်များများ ပိုတိုက်ပေးပါ။ အရည်က ဗိုင်းရပ်စ်ပိုးကို မသတ်နိုင်ပေမယ့် မအီမသာဖြစ်ခြင်းကို လျော့ကျစေပြီး အဖြစ်များတဲ့ နောက်ဆက်တွဲဆိုးကျိုးတွေကို ကာကွယ်စေပါတယ်။

2.      ရေငွေ့ပေးစက် သုံးပါ။

          ကလေး အခန်းထဲမှာ ရေငွေ့ပေးစက် ထား,ထားပေးပါ။ ရေငွေ့ပေးစက်တွေက လေကို စိုစွတ်စေပြီး နေမကောင်းတဲ့ကလေးကို သက်သောင့်သက်သာ ပိုဖြစ်စေပါတယ်။ ဒါ့အပြင် ရာသီအပြောင်းအလဲကြောင့် ဓာတ်မတည့်ခြင်း ကဲ့သို့သော ရောဂါပိုးကြောင့်မဟုတ်တဲ့ အသက်ရှူလမ်းကြောင်း ရောဂါတွေအတွက် အထောက်အကူ ဖြစ်စေပါတယ်။

3.      ပျားရည်

          ချောင်းဆိုး၊ ရင်ကျပ်ခြင်းတွေ သက်သာစေဖို့အတွက် ကလေးကို လက်ဖက်ရည်ဇွန်းတစ်၀က် တိုက်ပါ။ ဒါပေမဲ့ ပျားရည်မှာ အသက်တစ်နှစ်အောက် ကလေးတွေကို အန္တရာယ်ဖြစ်စေနိုင်တဲ့ ဘက်တီးရီးယားပိုး အနည်းငယ် ပါ၀င်တဲ့အတွက် အသက်တစ်နှစ်အောက် ကလေးတွေကို လုံး၀မတိုက်ရပါဘူး။