ကိုဗစ်ဖြစ်နေတဲ့မေမေတို့ ကလေးနို့တိုက်လို့ရသလား

Category

ကိုယ်၀န်ဆောင်နှင့်ကျန်းမာရေး

ကိုရိုနာဗိုင်းရပ်စ်ပိုးဟာ မိခင်နို့ရည်ထဲမှာ မပါပါဘူး။ ဒါကြောင့် မိခင်နို့ဆက်တိုက်လို့ရတယ်လို့ ပညာရှင်တွေက ဆိုပါတယ်။ ဒါပေမဲ့ အမေမှာရှိတဲ့ ကိုဗစ်ရောဂါပိုးဟာ စကားပြော၊ ချောင်းဆိုး၊ နှာချေတာကထွက်လာတဲ့ အမှုန်အမွားလေးတွေကတစ်ဆင့် ကလေးဆီကို ကူးနိုင်ပါတယ်။

မိခင်နို့ဟာ ကလေးအတွက် အကောင်းဆုံးအာဟာရဖြစ်သလို ကလေးကို ရောဂါဘယတွေကနေလည်း ကာကွယ်ပေးနိုင်ပါတယ်။ အမေ နေမကောင်းဖြစ်နေရင်တောင် အမေ့နို့ကိုညှစ်ပြီး တခြားတစ်ယောက်ယောက်ကို တိုက်စေနိုင်ပါတယ်။

Obimin 1

>> မိခင်နို့ကို ဆက်တိုက်ဖို့၊ ဒါမှမဟုတ် ဘူးနဲ့ညှစ်တိုက်ဖို့ ရည်ရွယ်ထားရင်တော့ ရောဂါပိုးမကူးစေဖို့ -
● ကလေးကို မချီခင်နဲ့ ထိကိုင်အပြီးမှာ လက်ကို သေချာဆေးကြောပါ။
● နို့တိုက်နေစဉ် နှာခေါင်းစည်းတပ်ပါ။
● နို့ညှစ်ကိရိယာတွေ၊ နို့ဘူးတွေကိုမကိုင်တွယ်ခင် လက်ဆေးပါ။ အသုံးပြုပြီးရင်လည်း ပစ္စည်းအစိတ်အပိုင်းတိုင်းကို ပြန်လည်ဆေးကြောပေးပါ။
● အိမ်မှာ မဖျားမနာနေတဲ့တစ်ယောက်ယောက်ကို မိခင်နို့ထည့်ထားတဲ့နို့ဘူးနဲ့ ကလေးကို နို့တိုက်ခိုင်းပါ။
● ကလေးနဲ့တတ်နိုင်သလောက် မထိမတွေ့မိအောင်နေပေးပါ။
● နှာချေချောင်းဆိုးရင် တစ်ရှူးနဲ့အုပ်ပြီး သေချာစွန့်ပစ်ပါ။
● နို့တိုက်မနေတဲ့အချိန်မှာ ကလေးနဲ့ ၆ ပေအကွာမှာနေပါ။

Obimin 2

>> အကယ်၍
● ဖျားတာ
● ချောင်းဆိုးတာ
● အသက်ရှူကြပ်တာ
● လည်ချောင်းနာ၊ နှာပိတ်၊ နှာစေးစတဲ့ တုပ်ကွေးလက္ခဏာတွေဖြစ်တာ
● ချမ်းတုန်တာ
● ကြွက်သားနာကျင်တာ
● ခေါင်းကိုက်တာ
● အနံ့အရသာပျောက်တာ
● ပျို့အန်တာ
● ဝမ်းသွားတာ
● ပင်ပန်းနွမ်းနယ်တာ စတဲ့ လက္ခဏာတွေဖြစ်လာပြီဆိုရင် ဆရာဝန်နဲ့ ချက်ချင်းဆက်သွယ်ပါ။

ကလေးမှာ ဖျားတာ၊ အသက်ရှူကြပ်တာ စသဖြင့် ဖျားနာနေတဲ့ လက္ခဏာတွေတွေ့ရရင်လည်း ဆရာဝန်နဲ့ အမြန်ဆုံး ဆက်သွယ်ပေးပါ။

Dr. Mya Phoo Ngon (www.drmyanmar.com)

BMI တွက်ရန်

ကိုယ်၀န်ပတ်တွက်ရန်

ဆရာဝန်ကြီးများ၏ဆောင်းပါးများ