ကိုယ်ဝန်ဆောင်မမဗိုက်တွေ ကြုံတွေ့ရလေ့ရှိတဲ့အခက်အခဲတွေကို ဘယ်လိုကာကွယ်ကြမလဲ

(၅)  အလွန်အမင်းဝလာခြင်း
အချို့သော မမဗိုက်တွေဟာ ကိုယ်ဝန်ဆောင်ချိန်မှာ ယခင်ကထက် ပိုမိုစားခြင်းကြောင့် တစ်ဟုန်ထိုး ဝဖြိုးလာတတ်ပါတယ်။ ဒီလိုဝလာတာနှင့်အမျှ သွေးတိုး၊ ဆီးချို၊ ကိုယ်ဝန်ဆိပ်တက်ခြင်းနှင့် ကိုယ်ဝန်ပျက်ကျခြင်းအပြင် ကလေးစောမွေးခြင်း၊ အသေမွေးခြင်းတို့ ဖြစ်နိုင်ချေ မြင့်မားလာပါတယ်။
**  ကာကွယ်နည်း
●   ကိုယ်ဝန်ဆောင်ချိန်မှာ လူကြီး 2 ယောက်စာ စားပေးဖို့ မလိုပါဘူး။ တစ်နေ့ကို 300 ကယ်လိုရီလောက် ပိုစားပေးရင် လုံလောက်ပါပြီ။ (ဥပမာ - ထမင်း "တရုတ်ပန်းကန်လုံး 1 လုံး" နှင့် ပဲဟင်းချို "တရုတ်ပန်းကန်လုံး 1 လုံး" စာ)
●   အဆီအဆိမ့်နှင့် အငန်တွေအစား အသားငါး၊ ဟင်းသီးဟင်းရွက်၊ သစ်သီးတို့ စုံလင်အောင် စားပေးပါ။ လမ်းလျှောက်ခြင်း၊ ယောဂကစားခြင်း စသဖြင့် ကိုယ်လက်လှုပ်ရှားမှုများ ပြုလုပ်ပေးပါ။

မေမေတို့ရေ ... ကိုယ်ဝန်ဆောင်ချိန်မှာ မိမိသာမက ရင်သွေးလေးပါ ကျန်းမာစေဖို့ အာဟာရပြည့်ဝအောင်စားပြီး အိပ်ရေး၀၀ အိပ်စက်ခြင်းအပြင် အပေါ်မှာ ပြောသွားတဲ့အချက်တွေလည်း လိုက်နာဖို့  မမေ့ကြနှင့်နော်။

လေပြေနုသွေး (ဆေး-၂) (www.drmyanmar.com)