ကြည်လင်ရှင်းသန့်နေတဲ့ အသားအရေလေး ပိုင်ဆိုင်ဖို့

(Zawgyi)

1.    မိတ်ကပ်မဖျက်ဘဲ မအိပ်ရ
       အိပ်ရာမဝင်ခင်မှာ မိတ်ကပ်ဖျက်ဖို့ ဘယ်တော့မှမမေ့ပါနဲ့။ ညဘက်အိပ်ချိန်မှာ အရေပြားက လေဝင်လေထွက်ကောင်းနေဖို့ လိုပါတယ်။ မိတ်ကပ်တွေလိမ်းထားတဲ့အခါမှာ လေဝင်လေထွက် မကောင်းတော့ဘဲနဲ့ ချွေးပေါက်တွေမှာ ပိတ်မိပြီးတော့ အမဲစက်တွေ၊ ဆားဝက်ခြံတွေ ဖြစ်လာစေပါတယ်။ makeup remover မရှိဘူးဆိုရင် သံလွင်ဆီ အနည်းငယ်ကို ဂွမ်းစလေးပေါ်မှာတင်ပြီးတော့ မျက်နှာကို ညင်သာစွာ ပွတ်ပေးခြင်းအားဖြင့် မိတ်ကပ်နဲ့ အညစ်အကြေးတွေကို သန့်စင်စေပါတယ်။
       မျက်နှာကို scrub နဲ့ တစ်ပတ်ကို အနည်းဆုံး တစ်ကြိမ်၊ နှစ်ကြိမ်လောက်ပွတ်ပြီး မျက်နှာသစ်ပေးတာက အရေပြားကို ပိုကြည်စေပါတယ်။

2.    နေရောင်ခြည်နဲ့ အရေပြား
      နေရောင်ခြည်နဲ့ ထိတွေ့တဲ့အခါမှာ အရေးအကြောင်းတွေ၊ အစက်အပြောက်တွေနဲ့ တခြားအရေပြားပြဿနာတွေကို ဖြစ်စေနိုင်တဲ့အတွက် အရေပြားကိုနေရောင်ခြည်နဲ့ထိတွေ့မှုကနေ တတ်နိုင်သလောက် ကာကွယ်ပေးဖို့ လိုပါတယ်။ အပြင်ထွက်တိုင်း အနည်းဆုံး SPF 15 ပါတဲ့ နေကာခရင်မ်ကိုလိမ်းပြီးမှ ထွက်ပါ။
       အပြင်မှာ မိုးအုံ့လို့၊ နေမထွက်လို့ဆိုပြီးတော့ နေကာခရင်မ် မလိမ်းဘဲနေတာမျိုး မလုပ်ပါနဲ့။

3.    ကိုယ်စားတဲ့ အစားအစာတွေကို ဂရုစိုက်ပါ။
       ကိုယ် ဘာတွေစားလဲဆိုတာကို အမှုမဲ့အမှတ်မဲ့မထားဘဲနဲ့ သေချာမှတ်ထားပါ။ လတ်ဆတ်တဲ့သစ်သီးတွေ၊ အစိမ်းရောင်အရွက်တွေ၊ အသားဓာတ်နဲ့ ဗီတာမင်တွေ အလုံအလောက် စားပေးပါ။ ဗီတာမင် C ကြွယ်ဝပြီးတော့ အဆီနဲ့သကြားနည်းတဲ့ အစားအစာတွေက အရေပြားကို တောက်ပစေပါတယ်။
       အရမ်းပူစပ်တဲ့ အချဉ်ဖောက်ထားတဲ့ အစားအစာတွေ၊ ဆားများတဲ့ အစားအစာတွေနဲ့ အကြော်တွေ မစားပါနဲ့။

4.    ချွေးထွက်စေတဲ့လှုပ်ရှားမှု ရှိပါစေ။
       လေ့ကျင့်ခန်း ပုံမှန်လုပ်ပါ။ ပြေးခြင်း၊ အနှေးပြေးခြင်း၊ ယောဂ စတာတွေက ခန္ဓာကိုယ် သွေးလှည့်ပတ်မှုကို ကောင်းစေပြီးတော့ တစ်ကိုယ်လုံးရဲ့ သန့်စင်တဲ့လုပ်ငန်းစဉ်တွေကို ပိုကောင်းစေပါတယ်။ လေ့ကျင့်ခန်း လုပ်ပြီးတဲ့အခါမှာ မျက်နှာလေးတွေ ပိုပြီးကြည်လင်တောက်ပလာတာကို သတိပြုမိမှာပါ။
       လေ့ကျင့်ခန်းမလုပ်ခင်နဲ့ လုပ်ပြီးတဲ့အချိန်တွေမှာ အသားအရေကို ဘာမှဂရုမစိုက်ဘဲ ပစ်ထားတာ မလုပ်ပါနဲ့။ လေ့ကျင့်ခန်းမလုပ်ခင်မှာ တိုနာလေး ပွတ်ထားပါ။ လေ့ကျင့်ခန်းလုပ်ပြီးရင် အရေပြားစိုစွတ်မှုကို ထိန်းထားနိုင်ဖို့ Bio-Oil လို အဆီလေး တစ်မျိုးမျိုး လိမ်းပေးထားပါ။

5.    အိပ်ရေးဝဝအိပ်ပါ။
      ညတိုင်း ၈ နာရီပြည့်အောင်အိပ်ဖို့ အတတ်နိုင်ဆုံးကြိုးစားပါ။ အိပ်ချိန်မပြည့်ရင် အရေပြားကလည်း ပင်ပန်းနွမ်းနယ်ပြီးတော့ အရေးအကြောင်းတွေ၊ မျက်အိတ်တွဲတာတွေ ဖြစ်တတ်ပါတယ်။ ပြီးတော့ မျက်နှာပေါ်ကို ပျားရည်လေး တစ်ပတ်ကို ၂ ကြိမ်၊ ၃ ကြိမ်လောက် လိမ်းပေးခြင်းအားဖြင့် အရေပြားကို နူးညံ့စေပါတယ်။
       မအိပ်ခင်မှာ မျက်နှာသစ်ပြီးတော့ moisturizer လေးလိမ်းဖို့ ဘယ်တော့မှမပျင်းပါနဲ့။ အသားအရေ ခြောက်သွေ့တဲ့သူတွေဆိုရင် အရက်ပြန်မပါတဲ့ အပျော့စား မျက်နှာသစ်ဆေးတွေ သုံးပါ။ moisturizer တွေ အများကြီးသုံးတာ၊ ရေနွေးနဲ့ သစ်တာတွေက အရေပြားကို အရမ်းခြောက်စေလို့ မလုပ်ပါနဲ့။

6.    ရေဓာတ် ပြည့်ဝအောင်နေပါ။
       တစ်နေ့ကို ရေ ၈ ဖန်ခွက်လောက် အနည်းဆုံး သောက်ပေးပါ။ ပြီးတော့ ဖရဲသီး၊ သခွားသီး၊ လိမ္မော်သီး၊ စတော်ဘယ်ရီသီး စတဲ့ သစ်သီးနဲ့ ဟင်းသီးဟင်းရွက်တွေ များများစားပေးပါ။

7.    ဝက်ခြံကို သေချာဂရုစိုက်ပါ။
       မျက်နှာကို ရေနွေးနွေးလေးနဲ့ တစ်နေ့ သုံးကြိမ် သစ်ပါ။ ဝက်ခြံထွက်တတ်တဲ့သူတွေမှာ alpha hydroxyl acid/ beta hydroxyl acid စတာတွေပါတဲ့ မျက်နှာသစ်ဆပ်ပြာသုံးပြီး ညင်သာစွာ ပွတ်ပြီးသစ်ပါ။ မျက်နှာသစ်ပြီးရင် benzoyl peroxide ပါတဲ့ lotion လေး လိမ်းပေးပါ။
    ဝက်ခြံညှစ်တာက ဝက်ခြံကို ပိုရောင်၊ နီပြီးတော့ အမာရွတ်ထင်စေတဲ့အတွက် မညှစ်ပါနဲ့။ rose water လေးနဲ့ မျက်နှာသစ်ပြီးတော့ အေးနေတဲ့ green tea bag လေးကို ၁၀ မိနစ်လောက် တင်ထားပေးပါ။ မျက်မှန်တွေ၊ နေကာမျက်မှန်တွေ တပ်တဲ့သူတွေမှာလည်း ဒါတွေကို မကြာခဏ ဆေးကြောသန့်စင်ပေးပါမှ မျက်လုံးနဲ့ နှာခေါင်းဝန်းကျင်က ချွေးပေါက်လေးတွေ မပိတ်အောင် ကာကွယ်နိုင်မှာပါ။

8.    မျက်နှာပေါင်းတင်ပေးပါ။
       Spa သွားပြီးပေါင်းတင်မှ ပေါင်းတင်တာ မဟုတ်ပါဘူး။ မီးဖိုချောင်ထဲမှာ အလွယ်တကူရှိနေတဲ့ ငှက်ပျောသီးတို့၊ နနွင်းတို့၊ ကြက်ဥတို့နဲ့လည်း ပေါင်းတင်နိုင်ပါတယ်။

9.    Skin care နေ့တိုင်းလုပ်ပါ။
       မျက်နှာကို ဆီလေးလိမ်းပြီးတော့ ညင်သာစွာ ပွတ်တိုက်ပေးတာကလည်း အရမ်းကောင်းပါတယ်။ ကိုယ့်ရဲ့အသားအရေ အမျိုးအစားအပေါ် မူတည်ပြီးတော့ မုန်ညင်းဆီ၊ အုန်းဆီ၊ အယ်မွန်သီးဆီ စသည်ဖြင့် ရွေးချယ်အသုံးပြုလို့ ရပါတယ်။

10.    ကျန်းမာရေးနဲ့အညီ နေထိုင်ပါ။
        တတ်နိုင်သမျှ စိတ်ဖိစီးမှုနည်းအောင် နေပါ။ စိတ်ဖိစီးမှုတွေ များလာရင် ဝက်ခြံတွေပိုပေါက်လာတာကို သတိထားမိမှာပါ။ စိတ်ဖိစီးမှုဖြစ်တဲ့အခါမှာ ခန္ဓာကိုယ်က cortisol နဲ့ တခြားဟော်မုန်းတွေ ထွက်တဲ့အတွက် အဆီပိုပြန်စေပါတယ်။ ဒီတော့ စိတ်ဖိစီးမှု ပြေလျော့စေဖို့အတွက် အသက်ရှူလေ့ကျင့်ခန်း၊ ယောဂ၊ တရားထိုင်တာ စသည်ဖြင့် တစ်ခုခုလုပ်ပါ။
        တစ်နေ့ကို ၅ မိနစ်လောက် အချိန်ပေးပြီးတော့ မျက်နှာလေ့ကျင့်ခန်း လုပ်ပေးပါ။ မေးစေ့မှာအကြောင်းတွေ ပေါ်လာတဲ့အထိ အောက်နှုတ်ခမ်းကို ထော်လိုက်ပါ။ ပြီးတော့ မေးစေ့ကို ရင်ဘတ်ဆီကို ငုံ့ချပါ။ နောက်လေ့ကျင့်ခန်းတစ်မျိုးကတော့ အပေါ်မျက်နှာကြက်ကို မော့ကြည့်ပြီးတော့ နှုတ်ခမ်းကို စူထားတာပါ။ ဒါတွေက မျက်နှာကြွက်သားတွေကို တင်းစေပြီးတော့ အရေပြားကို တင်းတင်းရင်းရင်းလေး ဖြစ်စေပါတယ်။

11.    ပြုံးပါ။
        ပျော်ပျော်နေပါ။ ပြုံးပါ။ ပြုံးတဲ့အခါမှာ မျက်နှာမှာရှိတဲ့ ကြွက်သားတွေရဲ့ tone ကို ထိန်းထားပေးပါတယ်။ ပြုံးတဲ့သူတွေက အသက် ၁၀ နှစ်လောက် ပိုငယ်တယ်လို့တောင် ထင်ရပါတယ်။

Dr. Mya Myo Myo Swe (www.drmyanmar.com)