ကလေးငယ်တွေနဲ့ ပြင်းထန်အဆုတ်ရောင်ရောဂါ
အိမ်ကကလေးငယ်လေးတွေ နှာစေးချောင်းဆိုးရင်ကြပ်တဲ့အခါ စိတ်ပူရတဲ့မေမေဖေဖေတို့အတွက် သတိပြုစရာပြင်းထန်အဆုတ်ရောင်ရောဂါအကြောင်း မျှေ၀လိုက်ပါတယ်။
နမိုးနီးယားလို့ခေါ်တဲ့အဆုတ်ရောင်ရောဂါခံစားရရင်……
• ဖျားမယ်
• အစာမစားဘူး
• မောမယ်
• ချောင်းဆိုးမယ်
• အသက်ရှုတိုင်းနာကျင်တယ်ငိုမယ်
• အဖျားကတပတ်ကနေ၁၀ရက်ထိကြာလာမယ်
Nutroplex 1
အဆုတ်ရောင်ရောဂါဟုတ်၊ မဟုတ်သိရှိဖို့ ရင်ဘတ်ဓာတ်မှန်ရိုက်ကူးစစ်ဆေးရပါတယ်။ အရင်ဆုံးဆရာဝန်က သေချာစမ်းသပ်စစ်ဆေးပါမယ်။ အဆုတ်ရောင်ရင် ပဋိဇီဝဆေးနဲ့အမြန်ထိထိရောက်ရောက်ကုသရပါတယ်။ နို့်မဟုတ်ရင် သွေးဆိပ်တက်တာ၊ အဆုတ်နဲ့ဦးနှောက်ပြည်တည်တာ၊ ဦးနှောက်ရောင်ရောဂါကနေသေဆုံးတဲ့အထိဖြစ်နိုင်တာတွေကို သတိချပ်နိုင်ကြပါစေ။ ကာကွယ်ဆေးထိုးပြီး ကာကွယ်လို့ရပါတယ်။ ကလေးဆရာဝန်နဲ့ တိုင်ပင်ပြီးထိုးထားလိုက်ပါ။ အသက်တစ်နှစ်အောက်ကလေးတွေ အသက်ရှူမြန်တာ၊ ခက်တာ၊ မောတာ၊ အစားမဝင်တာတွေ၊ အဖျားရက်ကြာတာတွေရှိတဲ့အခါ ဆေးရုံတက်ဖို့လိုအပ်ပါတယ်။
Nutroplex 2
• ရင်ကြပ်နေတဲ့ကလေးကိုဆရာဝန်ပြသဖို့မနှေးပါနဲ့
အဖျားကြာနေရင် အဆုတ်ရောင်နေတတ်တာကို ခေါင်းထဲမှာအမြဲတွေးထားပါ။
အသက်ရှူမြန်နေတာကလေးကမလနိးရင်ဆေးရုံဆေးခန်းချက်ချင်းပြသပါ။
• အစားမဝင်တာက ကောင်းတဲ့လက္ခဏာ မဟုတ်ပါဘူး။ ရောဂါပြင်းထန်တာကြောင့် အစာမဝင်တာမျိုးဖြစ်ခဲ့ရင် ဆေးရုံတက်ပြီးကုသရမယ့်အနေအထားလည်း ရောက်ချင်ရောက်နေတတ်ပါသေးတယ်။
• လိုအပ်လို့ ဓာတ်မှန်ရိုက်ခိုင်းတဲ့အခါ ရိုက်ဖြစ်အောင်ရိုက်ပါ။ ဆေးပေးပြီးဓာတ်မှန်ရိုက်ခိုင်းတဲ့အခါ ပြန်မလာကြတော့ပါဘူး။ တကယ်တော့ မလိုအပ်ဘဲ ဓာတ်မှန်ညွှန်ကြားတာ ရှားပါတယ်။ အဆုတ်ရောင်ရောဂါ ထိထိရောက်ရောက်ကုသမှုနဲ့ လိုအပ်သမျှစစ်ဆေးဖို့ ဓာတ်မှန်အကူအညီလိုအပ်လာတတ်တာမို့ ဆရာဝန်ညွှန်ကြားရိုက်ခိုင်းတဲ့အခါ ရိုက်ပြီးချက်ချင်းပြန်ပြသပါ။
ဂျီပီငှက် (ဆေး/မန်း) (www.drmyanmar.com)
Related News And Articles
မေမေတို့သိထားတဲ့အတိုင်း ဘေဘီလေးတွေရဲ့ အသားအရေဟာ နူးညံ့ပြီး ထိခိုက်လွယ်တာကြောင့် ရေချိုးဆပ်ပြာကို သေချာရွေးချယ်ပြီး၊ ရေချိုးပြီးတဲ့အခါ အသားအရေကို သေချာထိန်းသိမ်းပေးသင့်ပါတယ်။ ဒီလိုလုပ်ပေးခြင်းဖြင့် ဘေဘီလေးရဲ့အသားအရေကို နူးညံ့ချောမွေ့စေပြီး ဓာတ်မတည့်မှုကင်းဝေးကာ ကျန်းမာတဲ့အသားအရေကို ရရှိစေပါတယ်။...
ဘေဘီလေးတွေဟာ မွေးခါစမှာ ကိုယ်ခံအားစနစ်ဟာ ကောင်းစွာမဖွံ့ဖြိုးသေးတာကြောင့် ရောဂါပိုးကူးစက်လွယ်၊ မကြာခဏ ဖျားနာလွယ်တတ်ကြပါတယ်။ ဒါပေမယ့် အသက်ကြီးလာတာနဲ့အမျှ ကိုယ်ခံအားစနစ်ဟာလည်း ပိုမိုဖွံ့ဖြိုးလာပါတယ်။ ငယ်ငယ်က မိခင်နို့ကနေရရှိတဲ့ ပဋိဇီဝပစ္စည်းတွေကြောင့် ကိုယ်ခံစွမ်းအား ကောင်းမွန်နေပေမယ့် ခန္ဓာကိုယ်ဖွံ...