ကလေးငယ်များ ချောင်းဆိုးခြင်းအတွက် အိမ်တွင်းနည်းလမ်းကောင်းများ

>>  ချောင်းဆိုးပျောက်ဆေးများ
ချောင်းဆိုးခြင်းကြောင့် ချွဲသလိပ်များ ဖြစ်ပေါ်ရာကနေ ထိုချွဲသလိပ်တွေဟာ နှာပိတ်ခြင်းနဲ့အတူ ရင်ကြပ်ခြင်းကိုပါ ဖြစ်ပေါ်စေပါတယ်။ ဒါကြောင့် သလိပ်ထွက်သော ချောင်းဆိုးခြင်းများအတွက် ချွဲကိုပျော်စေပြီး ချောင်းဟပ်ထုတ်ရတာ လွယ်စေတဲ့ Expectorant လို့ခေါ်သော  ချောင်းဆိုးပျောက်ဆေးများကို ဆရာဝန် ညွှန်ကြားချက်အတိုင်း သောက်သုံးရမှာ ဖြစ်ပါတယ်။
ချွဲသလိပ်မထွက်သော ချောင်းခြောက်ဆိုးခြင်းများအတွက်ကတော့ ခန္ဓာကိုယ်ရဲ့ ချောင်းဆိုးခြင်းကို လှုံ့ဆော်ပေးသော (cough reflexes) တွေကို ပိတ်ပေးတဲ့ Dextromethorphan ပါသော ချောင်းဆိုးပျောက်ဆေးများကို အသက်အရွယ်အလိုက် တိုက်သင့်တဲ့အချိုးအစားကို ဆရာဝန်နဲ့တိုင်ပင်ကာ တိုက်ကျွေးနိုင်ပါတယ်။

>>  အသက်ရှူလမ်းကြောင်းပွင့်စေသော ဆေးအမျိုးအစား (Decongestants)
●  အအေးမိခြင်းကြောင့် နှာခေါင်းနဲ့တကွ အသက်ရှူလမ်းကြောင်းတစ်လျှောက်ရှိ သွေးကြောများနဲ့ တစ်သျှူးများ ဖောင်းကားလာခြင်းကြောင့် နှာခေါင်းပိတ်ခြင်းနဲ့အတူ အသက်ရှူကြပ်ခြင်းတို့ ဖြစ်ပေါ်စေပါတယ်။
●  ဒီအတွက်ကိုတော့ ဆားရည်လို့ အလွယ်ခေါ်ကြတဲ့ နှာခေါင်းအစက်ချဆေးရည်များနဲ့ စပရေးဘူးများကို အသုံးပြုခြင်းဖြင့် သက်သာစေနိုင်ပါတယ်။