ကလေးတွေ ချောင်းဆိုးနေတာ စိုးရိမ်ရလား

●  ချောင်းခြောက်ကိုမှ ဆက်တိုက် ရှတတဆိုးတာ
ချောင်းဆိုးတာက ကျယ်ကျယ်လောင်လောင် ရှတတဆိုရင် လေအိုးတွေ၊ လေပြွန်တွေ တောက်လျှောက် ရောင်တာမျိုးကြောင့် ဖြစ်နိုင်ပါတယ်။ ဒါလည်း ဗိုင်းရပ်စ်ကြောင့် ဖြစ်တာပါ။
ညရောက်ရင် ပိုဆိုးတယ်၊ အသက်ရှူသံ ဆူဆူညံညံတွေ ကြားရမယ်။ ဖျားတာ၊ နှာစေး နှာပိတ်တာ၊ အစာမျိုရခက်တာ၊ အသံဝင်နေတာမျိုးနဲ့လည်း တွဲတတ်ပါတယ်။ ဆရာဝန်နဲ့ပြမှသာ ရောဂါကို သေချာသိရမှာပါ။

●  ချောင်းက ဆက်တိုက်ကို ခွတ်ခွတ်နဲ့ဆိုးနေရင်တော့ ကြက်ညှာချောင်းဆိုး ဖြစ်နိုင်ပါတယ်။ အသက်ရှူခက်တာ၊ မျက်နှာနီတာ၊ ခရမ်းရောင်ဖြစ်တာမျိုးတွေ တွေ့ရတတ်ပြီး ချောင်းဆိုးအပြီးမှာ အန်တတ်ပါတယ်။ နှာစေးတာ၊ နှာချေတာနဲ့ အဖျားငွေ့ငွေ့လည်း ရှိတတ်ပါတယ်။
ကူးစက်တတ်ပြီး အန္တရာယ်ရှိပါတယ်။ အသက် ၂ လမှာ ထိုးရတဲ့ ကာကွယ်ဆေး ထိုးထားရင် ကာကွယ်နိုင်ပါတယ်။ ကြက်ညှာလို့ ထင်တာနဲ့ ဆရာဝန်နဲ့ ချက်ချင်းပြပါ။

●  အသက်ရှူမြန်တာ၊ အသက်ရှူပြင်းတာနဲ့ တွဲလာရင်
နမိုးနီးယားခေါ်တဲ့ အဆုတ်ရောင်တာက ကလေးတွေမှာ ရှားပေမယ့် ဖြစ်တတ်ပါတယ်။
လက္ခဏာတွေကတော့ ကလေးအသက်ပေါ် မူတည်ပြီး ကွဲပြားတတ်ကြပါတယ်။ အသက်ရှူမြန်တာ၊ ပြင်းတာအပြင် နှာစေး၊ ဖျား၊ နှာခေါင်းလေးတွေ ရှုံပွပွဖြစ်တာ၊ ညီးသံပါတာ၊ အန်တာ၊ နို့မစို့တာ၊ ဗိုက်နာတာတွေနဲ့ လာပါတယ်။
အရမ်းဆိုးရင် နှုတ်ခမ်း၊ လက်သည်းလေးတွေ ပြာလာတတ်ပါတယ်။ ဆေးရုံဆေးခန်း ချက်ချင်းသွားဖို့ လိုအပ်ပါတယ်။

Dr. Htar (www.drmyanmar.com)