ကလေးအသက်အရွယ်အလိုက်ရှိသင့်တဲ့အိပ်ချိန်ပုံစံများ
ကလေးရဲ့ပတ်ဝန်းကျင်ကို နေ့အချိန်မှာ အလင်းရောင်နဲ့လေဝင်လေထွက်ကောင်းအောင်ထားခြင်း၊ ညဘက်မှာ မှောင်မှောင်လေးထားခြင်းက ကလေးရဲ့ အိပ်စက်မှုပုံစံအတွက် ကောင်းမွန်တဲ့ အလေ့အကျင့်ပဲဖြစ်ပါတယ်။
သားဦးမွေးထားတဲ့ မိခင်အသစ်စက်စက်လေးတွေအတွက် အိပ်ရေးပျက်တဲ့ဒဏ်ကို တဖြည်းဖြည်းနဲ့ခံစားလာရပါလိမ့်မယ်။ ကလေးအိပ်တဲ့အချိန်မှာလည်း တခြားလုပ်စရာတွေလုပ်နေရတဲ့အတွက် ပင်ပန်းနွမ်းနယ်မှုတွေခံစားရပါတယ်။ ကလေးရဲ့ အိပ်ချိန်ပုံစံမှန်ပြီးသေချာသိမယ်ဆိုရင် အမေလည်း လိုက်ပြီးအိပ်လို့ရတဲ့အတွက် ကလေးရောအမေပါ ပိုပြီးအနားရကာ ပျော်ရွှင်ပြီး ကလေးနဲ့ကစားဖို့အချိန် ကလေးအကြောင်းပိုသိဖို့အချိန်တွေရလာပါလိမ့်မယ်။
ကလေးအသက်အရွယ်အလိုက်ရှိသင့်တဲ့အိပ်ချိန်ပုံစံလေးတွေကို ဖော်ပြပေးလိုက်ပါတယ်။
Ceelin 1
>> အသက် ၀-၃ လမှ ကလေးရဲ့ အိပ်ချိန်ပုံစံ
- ဒီအရွယ်ကလေးတွေက တစ်ရက်ကို ၁၈ နာရီလောက်အိပ်လေ့ရှိပါတယ်။
- ညဘက်ပဲဖြစ်ဖြစ်၊ နေ့ဘက်ပဲဖြစ်ဖြစ် တစ်ခါအိပ်ရင် ၃-၄ နာရီထက်ပိုမအိပ်ပါဘူး။
- အလင်းရောင်က ကလေးအိပ်တာကို အနှောင့်အယှက်ဖြစ်စေပါတယ်။
>> ၃-၆ လ ကလေးရဲ့ အိပ်ချိန်ပုံစံ
- ဒီအရွယ်ကလေးတွေကတော့ တစ်ရက်မှာ ၁၅ နာရီလောက်အိပ်လေ့ရှိပါတယ်။
- ညဘက်မှာ ၁၀ နာရီလောက်တစ်ရေးထဲအိပ်ပြီး နေ့လည်ဘက်တွေမှာတော့ ၃ ကြိမ်လောက် ခဏအိပ်တတ်ပါတယ်။
- အိပ်စက်ချိန်ပိုကြာပြီး အနားပိုရပါတယ်။
Ceelin 2
>> အသက် ၆-၉ လ အရွယ်ကလေးရဲ့အိပ်ချိန်ပုံစံ
- တစ်နေ့ကို ၁၃ နာရီလောက်အိပ်ဖို့ိလိုအပ်ပါတယ်။
- ၇-၁၀ နာရီလောက်ကြာအောင်တစ်ရေးထဲအိပ်နိုင်ပြီး ခဏနိုးလာပြီးရင်လည်း ပြန်သိပ်လို့ရပါတယ်။
- မနက်ပိုင်းမှာ ၁နာရီခွဲလောက်၊ နေ့လည်ပိုင်းမှာ ၁နာရီခွဲလောက်ပြန်အိပ်တတ်ပြီး အိပ်ချိန်ပိုမှန်လာပါတယ်။
>> အသက် ၉-၁၂ လအရွယ်ကလေးငယ်ရဲ့ အိပ်ချိန်ပုံစံ
- တစ်နေ့ကို ၁၂ နာရီလောက်အိပ်နိုင်ပါတယ်။
- ညဘက်မှာပိုပြီးအိပ်ပြီး နေ့ဘက်တွေမှာတော့ ခဏပဲမှေးပါတယ်။
Dr. Mya Myo Myo Swe (www.drmyanmar.com)
Related News And Articles
မေမေတို့သိထားတဲ့အတိုင်း ဘေဘီလေးတွေရဲ့ အသားအရေဟာ နူးညံ့ပြီး ထိခိုက်လွယ်တာကြောင့် ရေချိုးဆပ်ပြာကို သေချာရွေးချယ်ပြီး၊ ရေချိုးပြီးတဲ့အခါ အသားအရေကို သေချာထိန်းသိမ်းပေးသင့်ပါတယ်။ ဒီလိုလုပ်ပေးခြင်းဖြင့် ဘေဘီလေးရဲ့အသားအရေကို နူးညံ့ချောမွေ့စေပြီး ဓာတ်မတည့်မှုကင်းဝေးကာ ကျန်းမာတဲ့အသားအရေကို ရရှိစေပါတယ်။...
ဘေဘီလေးတွေဟာ မွေးခါစမှာ ကိုယ်ခံအားစနစ်ဟာ ကောင်းစွာမဖွံ့ဖြိုးသေးတာကြောင့် ရောဂါပိုးကူးစက်လွယ်၊ မကြာခဏ ဖျားနာလွယ်တတ်ကြပါတယ်။ ဒါပေမယ့် အသက်ကြီးလာတာနဲ့အမျှ ကိုယ်ခံအားစနစ်ဟာလည်း ပိုမိုဖွံ့ဖြိုးလာပါတယ်။ ငယ်ငယ်က မိခင်နို့ကနေရရှိတဲ့ ပဋိဇီဝပစ္စည်းတွေကြောင့် ကိုယ်ခံစွမ်းအား ကောင်းမွန်နေပေမယ့် ခန္ဓာကိုယ်ဖွံ...