အဆစ်တွေ ဒဏ်မဖြစ်စေဖို့
အဆစ်ကလေးတွေဟာ အရွယ်အစား၊ ပုံစံမျိုးစုံနဲ့ ရှိတတ်ပြီး လှုပ်ရှားနိုင်ဖို့ ကူညီပေးပါတယ်။ စဉ်းစားကြည့်ပါ။ တကယ်လို့ အရိုးနှစ်ခုကြား ဆက်ထားတဲ့ အဆစ်ကလေးတွေသာ မရှိခဲ့ရင် လူ့ခန္ဓာကိုယ်ဟာ တောင့်တင်းနေပြီး လှုပ်ရှားနိုင်မှာ မဟုတ်ပါဘူး။ သူတို့ ထိခိုက်ဒဏ်ရာ ရတဲ့အခါမှာလည်း နာကျင်မှုကို ခံစားရတတ်ပါတယ်။ ဒဏ်ရာရ အများဆုံးကတော့ ဒူး၊ ပခုံး၊ ခြေကျင်းဝတ်နဲ့ ကျောရိုးဆစ်တွေပဲ ဖြစ်ပါတယ်။
>> အဆစ်ကလေးတွေ အမြဲကျန်းမာနေအောင် ဘယ်လိုထားမလဲ?
သင့်တစ်နေ့တာ လှုပ်ရှားနေတဲ့ပုံက အရေးကြီးဆုံးပါပဲ။ အစားအသောက်၊ လေ့ကျင့်ခန်း၊ ကျန်းမာရေးနဲ့ ညီညွတ်တဲ့ နေထိုင်မှုပုံစံတွေကလည်း အရေးပါပါတယ်။ ဒါ့အပြင် ပစ္စည်းတွေကို မတဲ့အခါမှာလည်း သတိထားရပါတယ်။ ပြီးတော့ များများလှုပ်ရှားပေးရပါမယ်။
Alaxan IA (1)
>> ဘယ်လို ဒဏ်ဖြစ်တတ်လဲ?
အဆစ်ပေါ်ကို ပုံမှန်မဟုတ်တဲ့ ဖိအားသက်ရောက်တဲ့အခါမှာ ဒဏ်ဖြစ်သွားတတ်ပါတယ်။ တစ်ချို့အဆစ်တွေက တစ်ခါတည်းနဲ့ အရမ်းဆိုးတဲ့ ဒဏ်ရာရသွားနိုင်ပါတယ်။ ဥပမာ - ခြေကျင်းဝတ်ပါ။ ခြေကျင်းဝတ်ရဲ့ အဆစ်ကို ဘေးနှစ်ဖက်မှာ အရွတ်တွေက သိုင်းထားပါတယ်။ တကယ်လို့ ခြေကျင်းဝတ်က အတွင်းဘက်ကို အရမ်းလည်သွားခဲ့ရင် တစ်ဖက်က အရွတ်က ပြဲပြီး နီရဲရောင်ရမ်း နာကျင်စေပြီး တစ်ခါတလေ အရိုးကျိုးတဲ့ အထိ ဖြစ်နိုင်ပါတယ်။
တခြားအဆစ်တွေကတော့ ခဏခဏ ဖိအားတွေ ခံရပြီးရင် ဒဏ်ဖြစ်လာတတ်ပါတယ်။
>> ခဏခဏ ဒဏ်မဖြစ်အောင် ဘယ်လိုကာကွယ်မလဲ?
● ပစ္စည်းတစ်ခုကို မတဲ့အခါ အကြီးဆုံးကြွက်သားကိုပဲ အသုံးပြုပါ။ ဒါဆိုရင် ကြွက်သားအသေး၊ အဆစ်အသေးပေါ် ဖိအားသက်ရောက်တာ နည်းသွားစေပါတယ်။
● တစ်ခုခု လုပ်တဲ့အခါမှာ ကိုယ်ရဲ့ပုံစံကို အမျိုးမျိုး ပြောင်းပေးပါ။ ပုံစံတစ်မျိုးထဲနဲ့ အကြာကြီး မနေပါနဲ့။ ကြွက်သားတွေကို ပင်ပန်းစေတဲ့အပြင် အဆစ်တွေကိုလည်း ဖိအားအကြာကြီး သက်ရောက်စေပါတယ်။
● အလုပ်လုပ်နေတဲ့အချိန်မှာ အဆစ်တွေကို သဘာဝပုံစံအတိုင်း ထားပြီး အလုပ်လုပ်ပါ။
Alaxan IA (2)
>> အရာဝတ္ထုတွေကို ဘယ်လိုမ မလဲ?
● ကြမ်းပြင်ပေါ်က ပစ္စည်းကိုမရင် ကျောရိုးကို ဖြောင့်ဖြောင့်ထားပြီး ခြေထောက်ကို ကွေးပြီးမပါ။ ခါးကုန်းပြီး မတာ၊ ကျောက ကြွက်သားကို အသုံးပြုပြီး မတာမျိုး မလုပ်ပါနဲ့။
● ပစ္စည်းကို ခန္ဓာကိုယ်နဲ့ ကပ်ထားပါ။
● တံတောင်ဆစ်ကို ကွေးထားပါ။
● ခေါင်းကို မတ်ထားပြီး လည်ပင်းကို မတ်မတ်ထားပါ။
Dr. Htar (www.drmyanmar.com)
Related News And Articles
အရိုးနှစ်ခုကြားမှာရှိတဲ့ အရိုးနုလေးဟာ အဆစ်တွေ လှုပ်ရှားတဲ့အခါ အရိုးနှစ်ခုကြားမှာဖြစ်လာတဲ့ ပွတ်တိုက်မှုကို လျှော့ချပေးခြင်းဖြင့် အဆစ်တွေ ကျန်းမာနေအောင် လုပ်ဆောင်ပေးပါတယ်။
အရိုးနုလေး ကျန်းမာနေရင် အထိုင်အထ၊ လမ်းလျှောက်တာ၊ ထမင်းဟင်းချက်တာ၊ ခေါင်းဖြီးတာ စသဖြင့် နေ့စဥ်သွားလာလှု...
ဒီကနေ့ တစ်နေ့တာကို ဖြတ်သန်းဖို့အတွက် မနက်အစောတည်းက အားအင်ကုန်ခမ်းနေပြီလား။ ဒါဆိုရင်တော့ အခုပြောပြမယ့် နည်းလမ်းကောင်းလေးတွေနဲ့ မိမိတို့ရဲ့အားအင်ကို မြှင့်တင်လိုက်ကြရအောင်နော်။
၁။ မနက်စာ စားပါ။
ဆီတိုင်ကီထဲ ဆီမရှိဘဲ ကားမမောင်းသင့်သလို မနက်စာ မစားဘဲနဲ့ အလုပ်မလုပ်သင့်ပါဘူး။ သုတေ...