ရာသီဥတုအေးခြင်းနဲ့ အဆစ်အမြစ်ကိုက်ခဲခြင်း ဆက်စပ်မှုရှိသလား?
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ်မှုရှိပါတယ်။ ရာသီဥတုအေးတဲ့အခါ အဆစ်အမြစ်တွေ ပိုပြီးကိုက်ခဲရတာ အောက်ပါအချက် (၃) ချက်ကြောင့် ဖြစ်ရတာပါ။
Jointace 1
၁။ လေထုဖိအားကျဆင်းခြင်း
လေထုဖိအား ကျဆင်းတဲ့အခါ ခန္ဓာကိုယ်မှာရှိတဲ့တစ်သျှူးတွေက အနည်းငယ် ပွလာတတ်ပါတယ်။ အဲ့ဒီအခါ အဆစ်တွေပေါ်မှာ ဖိအားသက်ရောက်မှုပိုများတာကြောင့် အဆစ်တွေပိုကိုက်ရတာပါ။
၂။ အပူချိန်လျော့နည်းလာခြင်း
ပတ်ဝန်းကျင်အပူချိန် ကျဆင်းလာတဲ့အခါ အဆစ်ဘေးမှာရှိတဲ့ ကြွက်သားတွေ၊ တစ်သျှူးတွေဟာ တောင့်တင်းလာတတ်ပါတယ်။ ဒါကြောင့် လှုပ်ရှားရခက်ပြီး အဆစ်တွေ ပိုကိုက်ရခြင်း ဖြစ်ပါတယ်။
၃။ ကိုယ်လက်လှုပ်ရှားမှုနည်းခြင်း
ဆောင်းတွင်းဆို လူအများစုက အိပ်ရာထဲမှာပဲ ကွေးနေရတာကို ပိုသဘောကျကြပါတယ်။ ဒီတော့ လှုပ်ရှားမှုနည်းတော့ အဆစ်တွေတောင့်တင်းပြီး ပိုကိုက်ခဲရတာပါ။
Jointace 2
ဒီအချက် (၃) ချက်ကြောင့် ရာသီဥတုအေးတဲ့အခါ အဆစ်အမြစ်တွေ ပိုပြီးကိုက်ခဲရတာ ဖြစ်ပါတယ်။ အထူးသဖြင့်တော့ အဆစ်ရောင်ရောဂါရှိသူတွေမှာ ပိုပြီးဖြစ်နိုင်ပါတယ်။ ဒါကြောင့် အခုလို ဆောင်းတွင်းမှာ အဆစ်အမြစ်ကိုက်ခဲတာတွေ သက်သာစေဖို့အတွက် နွေးနွေးထွေးထွေးနေပါ။ လိုအပ်ပါက လက်အိတ်၊ ခြေအိတ်၊ အနွေးထည်တို့ ဝတ်ဆင်ပေးပါ။ လှုပ်လှုပ်ရှားရှားနေပါ။ ရေများများသောက်ပါ။ ရေနွေးနဲ့ ရေချိုးပါ။ အဆစ်အမြစ်ကိုက်တဲ့နေရာကို ရေနွေးအိတ်ကပ်တာမျိုး ပြုလုပ်ပေးပါ။
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
အသည်းဟာ ခန္ဓာကိုယ်ထဲဝင်လာတဲ့ အဆိပ်အတောက်တွေကို ဖယ်ရှားပေးခြင်း၊ သည်းခြေရည် ထုတ်လုပ်ပေးခြင်း၊ သွေးတွင်းသကြားဓာတ် ထိန်းညှိပေးခြင်း အစရှိတဲ့ လုပ်ဆောင်ချက်တွေကို တာဝန်ယူလုပ်ဆောင်ပေးနေတာကြောင့် ခန္ဓာကိုယ်အတွက် မရှိမဖြစ်အရေးပါတဲ့ အစိတ်အပိုင်းတစ်ခု ဖြစ်ပါတယ်။
ဒါကြောင့် မိမိတို့ဘ...