ကိုဗစ်ကြောင့် ရာသီစက်ဝန်းပြောင်းလဲမှုများ ကြုံတွေ့ရနိုင်သလား
ကိုဗစ်ကာလတစ်လျှောက် စစ်တမ်းများနင့် လေ့လာချက်တွေအရ ကိုဗစ်ကြောင့် အမျိုးသမီးတွေရဲ့ ရာသီစက်ဝန်းကို ပြောင်းလဲမှုအနည်းငယ် ဖြစ်ပေါ်နိုင်တယ်လို့ သိရှိရပါတယ်။
>> တွေ့ရှိရတဲ့ပြောင်းလဲမှုတွေကတော့ -
● ရာသီနည်းသွားခြင်း
● ရာသီပိုများလာခြင်း
● ရာသီမမှန်ခြင်း
● ရာသီထိန်ခြင်းတို့ပဲ ဖြစ်ပါတယ်။
Dolfenal 1
အခုကာလထိတော့ ကိုဗစ်ကြောင့် ရာသီစက်ဝန်း ပြောင်းလဲမှုတွေကို လေ့လာမှုအနည်းငယ်သာ ပြုလုပ်ရပါသေးတယ်။ ဖြစ်နိုင်ချေရှိတာကတော့ ကိုဗစ်ဗိုင်းရပ်စ်ကြောင့် ကိုယ်ခန္ဓာအစိတ်အပိုင်းတွေမှာ ထိခိုက်မှုဖြစ်ပေါ်ခြင်း သို့မဟုတ် ကိုဗစ်ကြောင့် ဟိုမုန်းအပြောင်းအလဲတွေဖြစ်ခြင်းကြောင့် ဖြစ်တယ်လို့ ယူဆကြပါတယ်။
၂၀၂၀ ခုနှစ်က လေ့လာချက်တစ်ခုအရ အမျိုးသမီးတို့ရဲ့သားအိမ်နံရံအတွင်းနံရံဟာ ကိုဗစ်ပိုး တိုက်ခိုက်နိုင်ခြင်း ကင်းဝေးတယ်လို့ တွေ့ရှိရပါတယ်။
● ကိုဗစ်ကူးစက်ခံရမှု ပြင်းထန်သောဖြစ်စဉ်တွေမှာ ရာသီလာချိန် ၃၇ ရက်ခန့်တောင် ကြာမြင့်တာမျိုးလည်း တွေ့ရှိခဲ့ပါတယ်။ လေ့လာချက်များအရ ကူးစက်ခံရသူ ၃၇၇ အနက် ၅၀ (၂၈ ရာနှုန်း) ဟာ ပုံမှန်လာနေကျထက် ရာသီလာချိန်ရက် ပိုကြာကြတာ တွေ့ရပါတယ်။
● ကူးစက်ခံရသူ ၈၄ ရာနှုန်း - ၉၉ရာနှုန်းလောက်ကတော့ တစ်လ သို့မဟုတ် နှစ်လလောက် ရာသီထိန်တတ်ကြပါတယ်။
Dolfenal 2
>> အကျဉ်းချုပ်ပြောရမယ်ဆိုပါက -
● အချို့သောအမျိုးသမီးတွေမှာ ကိုဗစ်ပိုး ကူးစက်ခံရခြင်းကြောင့် ရာသီနည်းခြင်း၊ ရာသီရက်ကြာချိန် ပြောင်းလဲခြင်းတို့ကို ရင်ဆိုင်ရနိုင်ပါတယ်။
● အတွေ့အများဆုံးကတော့ ရာသီသွေးပမာဏနည်းသွားခြင်းနှင့် ရာသီလာချိန်ရက်ကြာခြင်းတို့ ဖြစ်ပါတယ်။
● ကိုဗစ်ကူးစက်ခံရသူနှင့် မကူးစက်ခံရသူများမှာ လိင်ဆိုင်ရာဟော်မုန်းပမာဏ မတူညီတာမျိုးတော့ မရှိပါဘူး။
● အချို့ကိုဗစ်ကူးစက်ခံရသူများဟာ ပိုးဝင်ပြီး ၁ လ သို့မဟုတ် ၂ လလောက်မှ ရာသီပြန်လာတာမျိုး ရှိတတ်ပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
သွေးအားနည်းရောဂါတွေထဲမှာ အဖြစ်အများဆုံးကတော့ သံဓာတ်ချို့တဲ့ခြင်းကြောင့်ဖြစ်တဲ့ သွေးအားနည်းခြင်းပဲ ဖြစ်ပါတယ်။ သံဓာတ်ချို့တဲ့သွေးအားနည်းရောဂါဟာ ဆယ်ကျော်သက်အရွယ် အမျိုးသမီးတွေမှာ အတွေ့ရများတတ်ပါတယ်။
အမျိုးသမီးတွေဟာ ဓမ္မတာမတိုင်ခင် တစ်ပတ်၊ ဒါမှမဟုတ် နှစ်ပတ်အလိုလောက်ကစပြီး ဓမ္မတာမတိုင်ခင် ဖြစ်လေ့ရှိတဲ့ ရောဂါလက္ခဏာအစုအဝေး (PMS - Premenstrual syndrome) လို့ခေါ်တဲ့ ကိုယ်ကျန်းမာရေးနဲ့ စိတ်ကျန်းမာရေးပြဿနာတွေကို ခံစားရလေ့ရှိပါတယ်။ PMS လက္ခဏာတွေဖြစ်တဲ့ ခေါင်းကိုက်ခြင်း၊ စိတ်အပြောင်းအလဲမြန်ခြင်း၊ လေထိ...