ဓမ္မတာလာစဥ်မှာ စိတ်ကျန်းမာရေးကောင်းမွန်စေရန် ကူညီပေးနိုင်တဲ့ နည်းလမ်းများ
အမျိုးသမီးတွေဟာ ဓမ္မတာမတိုင်ခင် တစ်ပတ်၊ ဒါမှမဟုတ် နှစ်ပတ်အလိုလောက်ကစပြီး ဓမ္မတာမတိုင်ခင် ဖြစ်လေ့ရှိတဲ့ ရောဂါလက္ခဏာအစုအဝေး (PMS - Premenstrual syndrome) လို့ခေါ်တဲ့ ကိုယ်ကျန်းမာရေးနဲ့ စိတ်ကျန်းမာရေးပြဿနာတွေကို ခံစားရလေ့ရှိပါတယ်။ PMS လက္ခဏာတွေဖြစ်တဲ့ ခေါင်းကိုက်ခြင်း၊ စိတ်အပြောင်းအလဲမြန်ခြင်း၊ လေထိုးလေအောင့်ခြင်းတွေကို အမျိုးသမီးလေးယောက်မှာ သုံးယောက်က ခံစားကြရပါတယ်။
Dolfenal 2022 IA 1
Premenstrual Dysphoric Disorder (PMDD) ဆိုတာကတော့ PMS နဲ့ ဆင်တူပေမယ့် သူ့ရဲ့လက္ခဏာတွေဟာ ပိုမိုပြင်းထန်ပါတယ်။ စိုးရိမ်မှုလွန်ကဲခြင်း၊ စိတ်ဓာတ်ကျခြင်း၊ စိတ်တင်းကြပ်မှုများခြင်း အစရှိတဲ့ စိတ်ကျန်းမာရေးပြဿနာတွေ ဖြစ်နိုင်ပြီး အမျိုးသမီးတွေရဲ့ နေ့စဥ်ဘဝကိုတောင် ထိခိုက်နိုင်ပါတယ်။ ဒါကြောင့် အမျိုးသမီးတို့အတွက် ဓမ္မတာကာလမှာ စိတ်ကျန်းမာရေးကောင်းမွန်စေဖို့ နည်းလမ်းတွေကို ဝေမျှပေးချင်ပါတယ်။
Dolfenal 2022 IA 2
♦ နေထိုင်စားသောက်မှုပုံစံပြောင်းလဲခြင်း - လေ့ကျင့်ခန်းပုံမှန်လုပ်ခြင်း၊ အာဟာရမျှတစုံလင်အောင် စားသောက်ခြင်း၊ အိပ်ရေးဝဝ အိပ်စက်ပေးခြင်းဟာ စိတ်ခံစားချက်တည်ငြိမ်စေရန် ကူညီပေးပြီး ရောဂါလက္ခဏာတွေကို သက်သာစေပါတယ်။ စိတ်တည်ငြိမ်အောင် ကျင့်ကြံခြင်း၊ ယောဂကျင့်ခြင်း၊ တရားထိုင်ခြင်းတို့နဲ့ တွဲဖက်လုပ်ဆောင်ပေးရင် ပိုပြီးအကျိုးရှိနိုင်ပါတယ်။
♦ အာဟာရဓာတ်များဖြည့်စွက်မှီဝဲခြင်း - မဂ္ဂနီဆီယမ်၊ ဗီတာမင် B6၊ အိုမီဂါ-3 စတဲ့ အာဟာရဓာတ်တွေဟာ ဓမ္မတာမတိုင်ခင် ဖြစ်လေ့ရှိတဲ့ ရောဂါလက္ခဏာတွေကို သက်သာစေပါတယ်။
♦ ဆေးဝါးကုသမှုခံယူခြင်း - ရောဂါလက္ခဏာ ပြင်းထန်သူများအနေနဲ့ ဆရာဝန်နဲ့ တိုင်ပင်ပြသပြီး လိုအပ်ပါက ဟော်မုန်းဆေးဝါးတွေ၊ စိတ်ကျရောဂါကုဆေးဝါးတွေကို သောက်သုံးပေးသင့်ပါတယ်။
♦ စိတ်ကျန်းမာရေးအထောက်အကူ ရယူခြင်း - စိတ်ကျန်းမာရေးနဲ့ပတ်သက်ပြီး ကျွမ်းကျင်သူများထံမှ အကူအညီရယူခြင်းဟာလည်း PMDD လက္ခဏာတွေအတွက် အကျိုးကျေးဇူးရှိပါတယ်။ Cognetive behaviour Therapy ဆိုတဲ့ စိတ်ရောဂါကုထုံးဟာ ဓမ္မတာကာလမှာ အမျိုးသမီးတို့ ကြုံတွေ့နေရတဲ့ စိတ်ပိုင်းဆိုင်ရာနဲ့ ကိုယ်ပိုင်းဆိုင်ရာ ကျန်းမာရေးပြဿနာတွေကို ရင်ဆိုင်ကျော်ဖြတ်ဖို့ ထိရောက်စွာကူညီပေးနိုင်ပါတယ်။
Related News And Articles
ဓမ္မတာလာချိန်ဆိုရင် လုပ်သင့်တာတွေ၊ စားသင့်တာတွေကိုပဲ အဓိကဦးစားပေးပြောကြတော့ ရှောင်ကြဥ်သင့်တာတွေကို မေ့လျော့နေတတ်ကြပါတယ်။ ဒီဆောင်းပါးမှာတော့ ဓမ္မတာလာချိန်မှာ ရှောင်ကြဥ်သင့်တဲ့ အစားအသောက်တွေအကြောင်းကို အနည်းငယ် ဝေမျှပေးချင်ပါတယ်။
သွေးဆုံးပြီးချိန်မှာ ကျန်းမာသွက်လက်စွာ နေထိုင်ဖို့ဆိုရင် အာဟာရစုံလင်စွာ စားသောက်ဖို့နဲ့ လေ့ကျင့်ခန်းပုံမှန်လုပ်ဖို့ လိုအပ်ပါတယ်။
အာဟာရနဲ့ပတ်သက်လာရင် သွေးဆုံးပြီးအမျိုးသမီးတွေအနေနဲ့ ငယ်ငယ်ကနဲ့မတူတာက ကယ်လ်ဆီယမ်ဓာတ်ကို ပိုမိုလိုအပ်လာတာပါပဲ။ အရင်တုန်းက တစ်နေ့ကို (၁၀၀၀) မီလီဂရမ် လိုအပ်ပေမယ့် သွ...
