ဆယ်ကျော်သက်အမျိုးသမီးများနဲ့ သွေးအားနည်းရောဂါ

ဒီအသက်အရွယ်မှာ အတွေ့ရများတဲ့ အကြောင်းရင်းကတော့ အပျိုဖော်ဝင်ချိန် သွေးဆင်းများခြင်း၊ ခန္ဓာကိုယ်ကြီးထွားချိန်မှာ သံဓာတ်ကို ပိုမိုလိုအပ်ခြင်း၊ အသားငါးမစားခြင်း၊ အစာအိမ်နဲ့အူလမ်းကြောင်းမှာ သွေးယိုစိမ့်မှုရှိခြင်းတို့ကြောင့် ဖြစ်နိုင်ပါတယ်။

သံဓာတ်ချို့တဲ့တာ သိပ်မဆိုးရင်တော့ ရောဂါလက္ခဏာမပြတတ်ပါဘူး။ ဒါပေမယ့်  အရမ်းဆိုးလာရင်တော့ ခေါင်းမူး၊ ခေါင်းကိုက်၊ မောခြင်း၊ ရင်တုန်ခြင်း၊ ဖြူဖတ်ဖြူရော်ဖြစ်ခြင်း အစရှိတဲ့ လက္ခဏာတွေ ဖြစ်လာနိုင်ပါတယ်။ မကုသဘဲထားရင် ကိုယ်ခံအားစနစ် ထိခိုက်ပြီး အလွယ်တကူ ရောဂါပိုးကူးစက်နိုင်ပါတယ်။ အရမ်းဆိုးလာရင်တော့ နှလုံးနဲ့အဆုတ်တို့ပါ ထိခိုက်ပျက်စီးနိုင်ပါတယ်။