ကြုံရပလေ - ၂
"ဒုန်း ဂလုံး ဂလုံး " ဒီတွန်းလှည်းသံ ကြားလျှင် လူနာသစ် လာပြီမှန်း သိကြသည်။
"မွေးလူနာ အစ်မ မွေးခန်းထဲ ထည့်လိုက်မယ်နော် "
"ဟဲ့ နေပါဦး ငါစမ်းဦးမယ်လေ"
" မဟုတ်ဘူး အစ်မရဲ့ ဟိုဟာလေ... "
" ဘာလဲ "
အလုပ်သမားက အသံနှိမ့်ကာ
"ကလေးက ခေါင်းထွက်နေပြီ အဲ့တာ ဘယ်လိုမှ ဆက်မွေး လို့မရလို့ အတင်းဆွဲလိုက်တာ ခေါင်းပြတ်သွားလို့တဲ့ "
"ဘုရားရေ ဘယ်လိုကြီးလဲ "
"ကလေးက အစတည်းက အသက်မရှိတာ နဲ့တူတယ် အစ်မရဲ့ ကလေးအမေကို မပြောရဲသေးလို့ ဒီအတိုင်းခေါ်လာတာ "
"ဟေ ! ငါကြည့်ပါဦးမယ်"
အသက်နှစ်ဆယ် ကျော်ပုံမရသော လူနာ အမျိုးသမီးလေးမှာ ချေွးသီးချေွးပေါက်ကျကာ ပျော့ခွေနေပြီ
"ဘယ်လိုဖြစ်တာလဲ သမီး"
" ဟိုလေ ကလေး မလှုပ်တာတော့ တစ်ပတ်လောက်ရှိပြီ မနက်ကမှ ဗိုက်နာလာလို့ အပြင်မှာမွေးတာ မရလို့ ဒီကိုလာတာ ဆရာမ "
"ကိုယ်ဝန်အပ်ထားလား အာထရာဆောင်း ကော ရိုက်ထားသေးလား" ဆိုတော့ "ဟင့်အင်း" တဲ့ ...
အောက်ပိုင်းစမ်းကြည့်တော့ တကယ်ပင် ကလေးခေါင်းက ပြတ်လုလု ကလေးကတော့ ဆုံးတာ ကြာပြီထင် အရောင်ပင် ပြောင်းနေပြီ ။ ဒီဗိုက် ဒီလူနာပုံစံနှင့် မွေးလို့မရနိုင် အရေးပေါ် ခွဲရန် ပြင်ရသည် ။
ကလေးခေါင်းထွက်ပြီးတာတောင် သာမာန်ထက်ပိုပူနေသေးသော ဗိုက်ကို ဖွင့်လိုက်ရာ တွေ့နေကျ ကလေးအသားကို မတွေ့ရဘဲ ရေဗူပေါင်းလုံးကဲ့သို့ အလုံးကြီးကို တွေ့လိုက်ရသည် ။
"ဆရာ အဲ့တာဘာကြီးလဲ"
"ကလေးက ဆုံးတာကြာပြီ ဖြစ်မယ် ဒါ ပုတ်ပြီး လူသေတွေ ဖောသလို ဖောနေတာလေ ဒီဗိုက်ကြီး ခံနေမှတော့ ဘယ်မွေးလို့ရမလဲ" တဲ့
သူမ မှာတော့ အံ့သြတကြီးပင် ...
ကလေးအမေ ဘာမှ မဖြစ်တာပဲ ကံကောင်းသည် ဆိုရမည် ။
"သမီးရယ် ကိုယ်ဝန်ဆောင် ဆိုတာ ကလေးတိုးတာကို သတိထားရတယ် ကလေးတိုးတာ နည်းသွားရင် ရေဆင်း သွေးဆင်းရင် ဆေးရုံ ဆေးခန်း ချက်ချင်း ပြဖို့လိုတယ်ဆိုတာ မသိဘူးလားကွယ် " ဆိုတော့
သမီးမှ မသိတာတဲ့ လေ ...
Khin Cho
Related News And Articles
ပုံမှန်ရာသီစက်ဝန်းတစ်ခုမှာ ဓမ္မတာလာချိန်ဟာ (၃) ရက်ကနေ (၇) ရက်အထိပဲ ရှိရပါမယ်။ (၇) ရက်ထက် ပိုကြာနေတာကို ဓမ္မတာရက်ရှည်တယ်၊ ဒါမှမဟုတ် ဓမ္မတာသွေးဆင်းများတယ်လို့ ခေါ်ပါတယ်။ ဘာကြောင့်ဖြစ်ရတာလဲ၊ ကုသဖို့နည်းလမ်း ဘာတွေရှိသလဲဆိုတာ ဒီဆောင်းပါးကနေတစ်ဆင့် ဝေမျှပေးချင်ပါတယ်။
ရာသီသွေးဆင်း နည်းလား၊ များလားဆိုတာကို သိဖို့ဆိုရင် ပုံမှန် ဘယ်လောက်ဆင်းလေ့ရှိလဲ ဆိုတာကို သိထားဖို့ လိုပါတယ်။ တစ်လတစ်ခါ သားအိမ်နံရံလေးတွေ ကြွေကျပြီးတော့ ရာသီသွေး ဆင်းစေပါတယ်။ အမျိုးသမီးတစ်ယောက်က ပုံမှန်အားဖြင့် ၂၁-၃၅ ရက်တစ်ကြိမ် သွေးဆင်းလေ့ရှိပြီး တစ်ကြိမ်လာရင် ၂ ရက်ကနေ ၇ ရက်အထိ ကြာတတ်ပါ...