ဓမ္မတာလာချိန် ရက်ကြာနေသလား ?

ဘယ်လိုကုသသင့်သလဲ ?

အရင်ဆုံးလုပ်သင့်တာကတော့ ရောဂါအခံတစ်ခုခုကြောင့် ဟုတ်၊ မဟုတ်ဆိုတာ သိရအောင် ဆရာဝန်နဲ့ တိုင်ပင်ပြသပေးပါ။ ဓမ္မတာရက်ကြာတာဟာ ကိုယ့်ရဲ့နေ့စဥ်ဘဝကို ထိခိုက်နိုင်ပြီး အိပ်ရေးပျက်တာတွေကို ဖြစ်စေနိုင်ပါတယ်။ သွေးဆင်းများတဲ့အခါ သံဓာတ်အားနည်း​ခြင်းလည်း ဖြစ်လာနိုင်ပါတယ်။ ဒါကြောင့် အတတ်နိုင်ဆုံး ဆရာဝန်နဲ့  ပြသပေးသင့်သလို ရောဂါလက္ခဏာကို သက်သာစေမယ့် အောက်ပါအိမ်တွင်းနည်းလမ်းတွေကိုလည်း ပြုလုပ်ပေးနိုင်ပါတယ်။

   ●  စိတ်ဖိစီးမှုများခြင်းဟာ ဟော်မုန်းမညီမျှမှုကို ဖြစ်စေတာကြောင့် စိတ်ဖိစီးမှုကင်းဝေးအောင် ယောဂကျင့်ပါ။ တရားထိုင်ပါ။ အသက်ရှူလေ့ကျင့်ခန်းလုပ်ပါ။
   ●  လေ့ကျင့်ခန်းပုံမှန်လုပ်ပါ။
   ●  တာရှည်ခံအစားအစာများ၊ အာဟာရတန်ဖိုးမရှိသော အစားအစာများကို ချင့်ချိန်စားသုံးပြီး လတ်ဆတ်တဲ့ အသီးအနှံ၊ ဟင်းသီးဟင်းရွက်၊ အစေ့အဆံနဲ့ အဆီမပါအသားတို့ကို များများစားပေးပါ။
   ●  ရေများများသောက်ပါ။
   ●  ရေနွေးအိတ်ကပ်ပေးခြင်း (သို့) ရေနွေးစိမ်ခြင်းဟာ ဓမ္မတာကိုက်ခဲခင်းကို သက်သာစေသလို ဓမ္မတာကြာချိန်ကို လျှော့ချပေးဖို့လည်း ကူညီပေးနိုင်ပါတယ်။
   ●  နှမ်းကြတ်စေ့လက်ဖက်ရည်ဟာ အီစတိုဂျင်ပမာဏကို ထိန်းညှိပေးတာကြောင့် ဓမ္မတာလာချိန်မှာ သောက်သုံးပေးရင် သွေးဆင်းများခြင်းအတွက် အထောက်အကူဖြစ်စေပါတယ်။
   ●  စတီးရွိုက်မပါဝင်တဲ့ အကိုက်အခဲပျောက်ဆေးများကို သောက်သုံးပေးပါ။ ဒီဆေးဝါးတွေဟာ သွေးဆုံးရှုံးမှုကို ၂၀% ကနေ ၄၉% ထိ လျှော့ချပေးနိုင်တယ်လို့ လေ့လာမှုတွေအရ သိရပါတယ်။

www.drmyanmar.com