သွေးဆုံးခါနီးအချိန်မှာ အရေပြားယားယံခြင်း
အမျိုးသမီးတွေရဲ့ ဘဝတစ်သက်တာတွင် အပျိုဖော်ဝင်ခြင်း၊ မိခင်ဘဝနှင့် သွေးဆုံးချိန် စသဖြင့် အရွယ်အဆင့်ဆင့်ကို ဖြတ်သန်းကြရပါတယ်။
သွေးဆုံးချိန်သို့ ရောက်ရှိသော အမျိုးသမီးတွေအနေနှင့် ဟော်မုန်းအပြောင်းအလဲများကြောင့် ဖြစ်သော -
1. စိတ်အတက်အကျမြန်ခြင်း၊
2. မျက်နှာနီမြန်းခြင်း၊
3. ညဘက်ချွေးပြန်ခြင်း၊
4. မိန်းမကိုယ်ခြောက်သွေ့ခြင်း
5. အရေပြားများယားယံခြင်းကို ခံစားရလေ့ရှိပါတယ်။
Menopace 1
>> ဘာကြောင့် အရေပြားယားယံတာလဲ?
သွေးဆုံးခါနီးအချိန်မှာ အမျိုးသမီးတွေရဲ့ အီစတိုဂျင်ဟိုမုန်းဟာ လျော့နည်းလာပါတယ်။ နောက်ဆက်တွဲအနေနှင့် ကော်လဂျင်ထုတ်လုပ်နှုန်းပါ ကျဆင်းလာတဲ့အတွက် အရေပြားဟာ ညစ်နွမ်းခြောက်သွေ့လာပါတယ်။
အရေပြားကထွက်သော သဘာဝအဆီတွေဟာလည်း အီစတိုဂျင်နည်းသွားတာနှင့်အမျှ ကျဆင်းလာတာမို့ အရေပြား ခြောက်သွေ့ခြင်းကို ဖြစ်စေပြီး ယားယံစေတာ ဖြစ်ပါတယ်။
Menopace 2
>> သွေးဆုံးချိန်မှာ အရေပြားယားယံခြင်းကို ဘယ်လိုကုသမလဲ?
(၁) Calamine ပါသော ဆေးများလိမ်းခြင်း
(၂) ဗီတာမင်စီ ပါဝင်သောဆေးများသောက်ခြင်း၊ ချဉ်သောအသီးအနှံများစားခြင်း
ဒီလိုလုပ်ကြည့်တာတောင် မသက်သာဘူးဆိုရင်တော့ ဆရာဝန်နှင့် သွားရောက်တိုင်ပင်ဆွေးနွေးသင့်ပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
တစ်ကိုယ်ရည် သန့်ရှင်းရေးဟာ လူတစ်ကိုယ်လုံး ကျန်းမာဖို့ အရမ်းကို အရေးကြီးတယ်နော်။ အနံ့အသက်တွေ ကင်းစင်ဖို့၊ ယားယံတာတွေ မဖြစ်စေဖို့ တစ်ကိုယ်ရည် သန့်ရှင်းရေးကို မဖြစ်မနေ ဂရုစိုက်ဖို့ လိုပါတယ်။ ဒီလိုဂရုစိုက်ခြင်းအားဖြင့် ဘတ်တီးရီးယား ပိုးမွှားတွေ မဝင်စေအောင် တားဆီးပေးနိုင်တယ်။ ဒီလို ဘက်တီးရီးယာ...
ယေဘူယျအားဖြင့် အမျိုးသမီးတွေ သွေးဆုံးပြီးချိန်မှာ သွေးပေါင်ချိန်လည်း မြင့်တက် လာလေ့ရှိကြပါတယ်။ ဒါက သွေးဆုံးပြီးချိန်မှာဖြစ်တဲ့ ဟော်မုန်းအပြောင်းအလဲကြောင့် သွေးတိုးရတယ်လို့ ဆရာဝန်အချို့က ယူဆကြပါတယ်။ အချို့ကတော့ ဟော်မုန်းအပြောင်းအလဲဆိုတာထက် ကိုယ်အလေးချိန် တက်လာလို့ဖြစ်နိင်တယ်လို့ ယူဆကြပါတ...