သွေးဆုံးပြီးအမျိုးသမီးများနှင့် ကိုယ်အလေးချိန်တိုးလာခြင်း
အသက်အရွယ်ကြီးတာလာနှင့်အမျှ အမျိုးသမီးတွေဟာ မလိုလားအပ်တဲ့နေရာမှာ အဆီစုတဲ့ပြဿနာကို ရင်ဆိုင်လာကြရပါတယ်။ အထူးသဖြင့် သွေးဆုံးပြီးအမျိုးသမီးတွေမှာ အီစထရိုဂျင်ဟော်မုန်းပမာဏ နည်းပါးလာတာကြောင့် ၀မ်းဗိုက်မှာ အဆီစုလာလေ့ရှိပါတယ်။ အ၀လွန်မျိုးရိုးရှိသူတွေမှာ ပိုပြီးအဖြစ်များပါတယ်။
၀မ်းဗိုက်မှာအဆီစုလာတာကြောင့် မလိုလားအပ်တဲ့ ကျန်းမာရေးပြဿနာတွေဖြစ်လာစေပါတယ်။ ခါးအတိုင်းအတာ 35 လက်မထက်ပိုပါက နှလုံးရောဂါ၊ ဆီးချိုရောဂါ၊ လေဖြတ်ခြင်း၊ ကင်ဆာရောဂါနှင့် အရွယ်မတိုင်မီသေဆုံးခြင်းတို့ကို မြင့်မားစေပါတယ်။
၀ိတ်ကျဆေးဝါးများကိုမရွေးချယ်မီ ကိုယ်အလေးချိန်ကျဆင်းစေရန် ဘေးကင်းလုံခြုံတဲ့ နည်းလမ်း (2)ခုကတော့ ကျန်းမာရေးနှင့်ညီညွတ်တဲ့ အစားအသောက်များစားသောက်ခြင်းနှင့် လေ့ကျင့်ခန်းပြုလုပ်ခြင်းပဲ ဖြစ်ပါတယ်။ အနည်းဆုံးတစ်နေ့လျှင် နာရီ၀က်နဲ့သီးတင်းတစ်ပတ်လျှင် ငါးရက်ခန့် လေ့ကျင့်ခန်းပြုလုပ်ခြင်းက ကျန်းမာတဲ့ကိုယ်အလေးချိန်ကို ထိန်းထားနိုင်မှာဖြစ်ပါတယ်။ ဒါပေမယ့် လေ့ကျင့်ခန်းဘယ်လောက်လုပ်လုပ် အစားအသောက်မဆင်ခြင်ဘူးဆိုရင်တော့ လေ့ကျင့်ခန်းလုပ်တာကအကျိုးမရှိပါဘူး။
Dr. Htet Htet Aung
Related News And Articles
သွေးအားနည်းရောဂါတွေထဲမှာ အဖြစ်အများဆုံးကတော့ သံဓာတ်ချို့တဲ့ခြင်းကြောင့်ဖြစ်တဲ့ သွေးအားနည်းခြင်းပဲ ဖြစ်ပါတယ်။ သံဓာတ်ချို့တဲ့သွေးအားနည်းရောဂါဟာ ဆယ်ကျော်သက်အရွယ် အမျိုးသမီးတွေမှာ အတွေ့ရများတတ်ပါတယ်။
အမျိုးသမီးတွေဟာ ဓမ္မတာမတိုင်ခင် တစ်ပတ်၊ ဒါမှမဟုတ် နှစ်ပတ်အလိုလောက်ကစပြီး ဓမ္မတာမတိုင်ခင် ဖြစ်လေ့ရှိတဲ့ ရောဂါလက္ခဏာအစုအဝေး (PMS - Premenstrual syndrome) လို့ခေါ်တဲ့ ကိုယ်ကျန်းမာရေးနဲ့ စိတ်ကျန်းမာရေးပြဿနာတွေကို ခံစားရလေ့ရှိပါတယ်။ PMS လက္ခဏာတွေဖြစ်တဲ့ ခေါင်းကိုက်ခြင်း၊ စိတ်အပြောင်းအလဲမြန်ခြင်း၊ လေထိ...