ကိုယ့်ကလေးက အရပ်ရှည်မှာလား၊ ပုမှာလား?

သိပ္ပံနည်​းကျအရပ်​တွက်​နည်​းများကို အသုံးပြုပါ။

          က​လေးရဲ့ ကိုယ်​အ​လေးချိန်​နဲ့ အရပ်​၊ က​လေးမိဘများရဲ့ အရပ်​စတဲ့ အချက်​​တွေကို အသုံးပြုပြီးတွက်​ချက်​ကြတဲ့ နည်​းလမ်​းများဟာ အနည်​းငယ်​ရှုပ်​​ထွေး​ပေမယ်​့ ပိုမိုတိကျပါတယ်​။ Khamis-Roche ဆိုတဲ့ တွက်​ချက်​နည်​းကို တွင်​တွင်​ကျယ်​ကျယ်​အသုံးပြု​လေ့ရှိပါတယ်​။ ​နောက်​တစ်​နည်​းက​တော့ က​လေးရဲ့ ​ခြေ​ထောက်​အရှည်​ကို ကြည်​့ပြီး ကြီးထွားနှုန်​းနဲ့ အရပ်​ကို ခန်​့မှန်​းနည်​းပဲဖြစ်​ပါတယ်​။ ဒီတွက်​ချက်​နည်​းကို ၉နှစ်​မှ၁၃နှစ်​ကြား မိန်​းက​လေးများနဲ့ ၁၂နှစ်​မှ၁၆နှစ်​ကြား မိန်​းက​လေးများမှာ အသုံးပြု​လေ့ရှိပါတယ်​။ ဒါ​ပေမယ်​့ ဒီအသက်​အရွယ်​မှာ က​လေးရဲ့ အရပ်​ကို ခန်​့မှန်​းနိုင်​​နေပြီဖြစ်​တဲ့အတွက်​ သိပ်​​တော့အသုံးမဝင်​လှပါဘူး။

အစား​အ​သောက်​နဲ့ ​ဆေးဝါးများ

          အ​ထက်မှာ​ဖော်​ပြခဲ့တဲ့ နည်​းလမ်​းများဟာ က​လေးရဲ့အရပ်​ကို အနည်​းစပ်​ဆုံး ခန့်မှန်​းနိုင်​​ပေမယ်​့ က​လေးကြီးထွားမှုနှုန်​းကို ဟန်​့တား​နေတဲ့အရာများလည်​း ရှိ​နေနိုင်​ပါ​သေးတယ်​။ အစာအာဟာရပြည်​့ဝစွာ မစားသုံးခြင်​းဟာ က​လေးကို ကြီးထွားသင့်​သ​လောက်​ မကြီးထွားလာတာမျိုး ဖြစ်​​စေနိုင်​ပါတယ်​။ ဒါ့အပြင်​ က​လေးဘဝမှာ အဆစ်​အမြစ်​​ရောင်​​ရောဂါနဲ့ သိုင်​းရွိုက်​ဓာတ်​ ချို့တဲ့​ရောဂါများရှိ​နေပါက က​လေးအရပ်​ပုသွား​စေနိုင်​ပြီး ကြီးထွားမှု​ဟော်​မုန်​း ပုံမမှန်​ခြင်​းဟာလည်​း က​လေးကို ပုံမှန်​ထက်​ အရပ်​ရှည်​​စေ၊ ပု​စေနိုင်​ပါတယ်​။ ပန်​းနာရင်​ကြပ်​နဲ့ အူ​ရောင်​​ရောဂါ​တွေမှာ အသုံးပြုတဲ့ စတီးရွိုက်​​ဆေးလိုမျိုး ​ဆေး​တွေဟာလည်​း က​လေးကို ညှက်​​စေတတ်​ပါတယ်​။ ​လေ့လာစမ်​းသပ်​သူများက သ​နေ္ဓ​အောင်​​ဆေးများသုံးပြီး ​မွေးလာတဲ့က​လေးများဟာ ပုံမှန်​ထက်​ အရပ်​ပုတတ်​ပြီး ဖန်​ပြွန်​သ​နေ္ဓသားများဟာ ပုံမှန်​ထက်​ အရပ်​ပိုရှည်​တတ်​တယ်​လို့ ဆိုပါတယ်​။

Dr. Mya Phoo Ngon (www.drmyanmar.com)