ကျန်းမာတဲ့စားသောက်ပုံ အလေ့အကျင့်ကို ပြုစုပျိုးထောင်ခြင်း

Category

ကလေးများနှင့်ကျန်းမာရေး

ငယ်ရွယ်စဉ်ကတည်းက လေ့ကျင့်ပေးမှသာလျှင် ကျန်းမာတဲ့အလေ့အကျင့်တွေဟာ စွဲမြဲမှာ ဖြစ်ပါတယ်။ ကလေးတွေကို လေ့ကျင့်ပေးသင့်တဲ့ အလေ့အကျင့်တွေကတော့
● ဟိုဟာ မကျွေး၊ ဒီဟာ မကျွေး၊ ဟိုဟာ မစားရ၊ ဒီဟာ မစားရ မလုပ်သင့်ပါဘူး။
● အိမ်မှာ ကျန်းမာရေးနဲ့ညီညွတ်တဲ့ မုန့်တွေ၊ အစားအသောက်တွေကို အဆင်သင့် ဆောင်ထားပါ၊ ကလေးတွေက အလွယ်တကူ ရနိုင်တဲ့မုန့်ကို စားတတ်ကြပါတယ်။
● ဟိုအစားအသောက်က ကောင်းတယ်၊ ဒီအစားအစာက မကောင်းဘူးလို့ ပြောမယ့်အစား သူတို့ကြိုက်တဲ့အရာလေးတွေနဲ့ ပြောပြပြီး ဆွဲဆောင်ပါ။ ဥပမာ - အသီးအနှံတွေ အသီးအရွက်တွေက အသားအရေ လှစေတယ်၊ ပဲစားရင် ဘောလုံးဆော့တဲ့နေရာမှာ ပိုပြီးကြံ့ခိုင်စေတယ် ဆိုတာမျိုးပေါ့။
● ကလေးက ကျန်းမာရေးနဲ့ ညီညွတ်တဲ့ အစားအသောက်ကို ရွေးချယ်ခဲ့ရင် ချီးကျူးပေးပါ။
● ကျန်းမာရေးနဲ့ ညီညွတ်မှုမရှိတဲ့မုန့်တွေ စားတယ်ဆိုရင်လည်း ဆူပူမနေဘဲ မသိချင်ယောင်ဆောင်နေလိုက်ပါ၊ ကျန်းမာရေးနဲ့ ညီညွတ်တဲ့ မုန့်၊ အစားအသောက်နဲ့ အစားထိုးပေးကြည့်ပါ။
● ဆုပေးတဲ့အနေနဲ့ မုန့်ပေးတာမျိုး မလုပ်ပါနဲ့။
● မိသားစု အားလုံးအတူ ဝိုင်းဖွဲ့ပြီး ညစာစားတဲ့ အလေ့အကျင့်မျိုး လုပ်ပါ။ ဒီလို ကလေးတွေဟာ ဆယ်ကျော်သက်အရွယ်မှာ ပိုပြီးပြဿနာနည်းတဲ့ ကလေးတွေ ဖြစ်လာပါတယ်။

Ceelin 1

● အစားအသောက်တွေကို ထမင်းစားပွဲကို ရောက်မှ ပြင်ဆင်တာထက် မီးဖိုချောင်မှာ ပြင်ဆင်ပါ၊ ဒါမှ တစ်ယောက်ကို ဘယ်လောက်၊ ဘာတွေထည့်ရမလဲဆိုတာ သေချာပြင်ဆင်နိုင်မှာပါ။
● ကလေးကို ရွေးချယ်ခွင့်ပေးပါ၊ ဘာစားချင်လဲ မေးပါ၊ ဥပမာ - ပန်းကန်ထဲမှာ ရှိတာအကုန် ၃ လုတ်စီလောက် စားကြည့်ခိုင်းပါ။ ပြီးရင် အမှတ်လေးတွေ ပေးခိုင်းပြီး အမှတ်များတဲ့ အစားအစာကို များများထည့်ပေးတာမျိုး လုပ်ပါ။
● ကိုယ်အလေးချိန် တိုးစေချင်တာဖြစ်ဖြစ်၊ လျှော့စေချင်တာဖြစ်ဖြစ် ဘယ်လို ကျွေးရမလဲဆိုတာ ဆရာဝန်နဲ့ တိုင်ပင်ပါ။
ဒီနေ့ခေတ်လို အသင့်စား အစားအစာတွေ၊ ကျန်းမာရေးနဲ့ မညီညွတ်တဲ့ အစားအစာတွေ ပေါများနေတဲ့ ခေတ်ကြီးမှာ သင့်ကလေးကို ငယ်စဉ်တည်းက အစားအသောက်ကို ရွေးချယ်စားသောက်ပုံ မှန်ကန်အောင် လေ့ကျင့်ပေးထားမှသာ ဘဝတစ်လျှောက်လုံးအတွက် အဆင်ပြေမှာ ဖြစ်ပါတယ်။

Dr. Htar (www.drmyanmar.com)

Ceelin 2

(Zawgyi)

ငယ္႐ြယ္စဥ္ကတည္းက ေလ့က်င့္ေပးမွသာလွ်င္ က်န္းမာတဲ့အေလ့အက်င့္ေတြဟာ စြဲၿမဲမွာ ျဖစ္ပါတယ္။ ကေလးေတြကို ေလ့က်င့္ေပးသင့္တဲ့ အေလ့အက်င့္ေတြကေတာ့
● ဟိုဟာ မေကြၽး၊ ဒီဟာ မေကြၽး၊ ဟိုဟာ မစားရ၊ ဒီဟာ မစားရ မလုပ္သင့္ပါဘူး။
● အိမ္မွာ က်န္းမာေရးနဲ႔ညီၫြတ္တဲ့ မုန႔္ေတြ၊ အစားအေသာက္ေတြကို အဆင္သင့္ ေဆာင္ထားပါ၊ ကေလးေတြက အလြယ္တကူ ရႏိုင္တဲ့မုန႔္ကို စားတတ္ၾကပါတယ္။
● ဟိုအစားအေသာက္က ေကာင္းတယ္၊ ဒီအစားအစာက မေကာင္းဘူးလို႔ ေျပာမယ့္အစား သူတို႔ႀကိဳက္တဲ့အရာေလးေတြနဲ႔ ေျပာျပၿပီး ဆြဲေဆာင္ပါ။ ဥပမာ - အသီးအႏွံေတြ အသီးအ႐ြက္ေတြက အသားအေရ လွေစတယ္၊ ပဲစားရင္ ေဘာလုံးေဆာ့တဲ့ေနရာမွာ ပိုၿပီးႀကံ့ခိုင္ေစတယ္ ဆိုတာမ်ိဳးေပါ့။
● ကေလးက က်န္းမာေရးနဲ႔ ညီၫြတ္တဲ့ အစားအေသာက္ကို ေ႐ြးခ်ယ္ခဲ့ရင္ ခ်ီးက်ဴးေပးပါ။
● က်န္းမာေရးနဲ႔ ညီၫြတ္မႈမရွိတဲ့မုန႔္ေတြ စားတယ္ဆိုရင္လည္း ဆူပူမေနဘဲ မသိခ်င္ေယာင္ေဆာင္ေနလိုက္ပါ၊ က်န္းမာေရးနဲ႔ ညီၫြတ္တဲ့ မုန႔္၊ အစားအေသာက္နဲ႔ အစားထိုးေပးၾကည့္ပါ။
● ဆုေပးတဲ့အေနနဲ႔ မုန႔္ေပးတာမ်ိဳး မလုပ္ပါနဲ႔။
● မိသားစု အားလုံးအတူ ဝိုင္းဖြဲ႕ၿပီး ညစာစားတဲ့ အေလ့အက်င့္မ်ိဳး လုပ္ပါ။ ဒီလို ကေလးေတြဟာ ဆယ္ေက်ာ္သက္အ႐ြယ္မွာ ပိုၿပီးျပႆနာနည္းတဲ့ ကေလးေတြ ျဖစ္လာပါတယ္။
● အစားအေသာက္ေတြကို ထမင္းစားပြဲကို ေရာက္မွ ျပင္ဆင္တာထက္ မီးဖိုေခ်ာင္မွာ ျပင္ဆင္ပါ၊ ဒါမွ တစ္ေယာက္ကို ဘယ္ေလာက္၊ ဘာေတြထည့္ရမလဲဆိုတာ ေသခ်ာျပင္ဆင္ႏိုင္မွာပါ။
● ကေလးကို ေ႐ြးခ်ယ္ခြင့္ေပးပါ၊ ဘာစားခ်င္လဲ ေမးပါ၊ ဥပမာ - ပန္းကန္ထဲမွာ ရွိတာအကုန္ ၃ လုတ္စီေလာက္ စားၾကည့္ခိုင္းပါ။ ၿပီးရင္ အမွတ္ေလးေတြ ေပးခိုင္းၿပီး အမွတ္မ်ားတဲ့ အစားအစာကို မ်ားမ်ားထည့္ေပးတာမ်ိဳး လုပ္ပါ။
● ကိုယ္အေလးခ်ိန္ တိုးေစခ်င္တာျဖစ္ျဖစ္၊ ေလွ်ာ့ေစခ်င္တာျဖစ္ျဖစ္ ဘယ္လို ေကြၽးရမလဲဆိုတာ ဆရာဝန္နဲ႔ တိုင္ပင္ပါ။
ဒီေန႔ေခတ္လို အသင့္စား အစားအစာေတြ၊ က်န္းမာေရးနဲ႔ မညီၫြတ္တဲ့ အစားအစာေတြ ေပါမ်ားေနတဲ့ ေခတ္ႀကီးမွာ သင့္ကေလးကို ငယ္စဥ္တည္းက အစားအေသာက္ကို ေ႐ြးခ်ယ္စားေသာက္ပုံ မွန္ကန္ေအာင္ ေလ့က်င့္ေပးထားမွသာ ဘဝတစ္ေလွ်ာက္လုံးအတြက္ အဆင္ေျပမွာ ျဖစ္ပါတယ္။

Dr. Htar (www.drmyanmar.com)

BMI တွက်ရန်

ကိုယ်၀န်ပတ်တွက်ရန်

ဆရာဝန်ကြီးများ၏ဆောင်းပါးများ