ခြေထောက်အရွတ်ရောင်တယ်ဆိုတာ ဘာလဲ

>>  လက္ခဏာတွေက
နာတာ၊ ရောင်တာ၊ တောင့်တင်းနေတာမျိုးက အဖြစ်များဆုံး ဖြစ်ပါတယ်။ နာတာကတော့ အရွတ်ရောင်တာရဲ့ ပထမဆုံးလက္ခဏာ ဖြစ်ပါတယ်။ အချိန်ကြာတာနဲ့အမျှ သက်သာလာပေမယ့် ခြေထောက်ကို အသုံးပြုတာ ကြာတာနဲ့ ပြန်ပေါ်လာတ်ပါတယ်။
အနားယူတာတောင်မှ မသက်သာဘဲ ရောင်တာ၊ နာတာက ရှိနေတုန်းပဲဆိုရင် ဆရာဝန်နဲ့ ပြသသင့်ပါတယ်။
ရောဂါကို တိတိကျကျ သိရအောင်၊ ဘယ်လောက်ထိဆိုးလဲ ဆုံးဖြတ်နိုင်အောင် လိုအပ်ရင် ဓာတ်မှန်၊ သံလိုက်ဓာတ်မှန် ရိုက်ရနိုင်ပါတယ်။ အရိုးကျိုးတာ၊ အရွတ်စုတ်ပြဲတာမျိုး ရှိလာရင်တော့ ကုသမှုကလည်း မတူတော့ပါဘူး။
အရွတ်ရောင်တာရဲ့ ကုသမှုကတော့ ရောဂါအခြေအနေပေါ် မူတည်ပြီး အနားယူတာ၊ ဆေးထိုးတာကနေ ခွဲစိတ်တာအထိ ကွာခြားပါတယ်။ ပျောက်ကင်းဖို့ကတော့ ဖြည်းဖြည်းချင်း အချိန်ယူရပါတယ်။ ဆရာဝန်စကားကို နားမထောင်ဘဲ ခြေထောက်ကို ကောင်းကောင်းအနားမပေးရင် ပျောက်ကင်းဖို့က ပိုပြီးအချိန်ကြာတတ်ပါတယ်။

Dr. Htar (www.drmyanmar.com)