ကဖင်းဓာတ်နဲ့ သင့်ကျန်းမာရေး

      ယခုခေတ်မှာ ကော်ဖီ သောက်သုံးမှု တစ်ကျော့ပြန် ခေတ်စားလာတာနဲ့အမျှ ကော်ဖီသောက်ခြင်းဟာလည်း ယဉ်ကျေးမှုတစ်ခု ဖြစ်လာပါတယ်။ ကော်ဖီကို သာမန်လောက်ပဲ နှစ်သက်သူများရှိသလို မသောက်ရ မနေနိုင်အောင် စွဲလမ်းသူများလည်း ရှိပါတယ်။ တစ်နေ့ကို တစ်ခွက်နဲ့ တင်းတိမ်သူများသလို တစ်နေ့ကို ၄-၅ ခွက်ခန့် သောက်သုံးသူတွေလည်း မနည်းပါဘူး။

>>    ကဖင်းဓာတ်ဆိုတာ ဘာလဲ
      ဓာတုပစ္စည်းတစ်မျိုးဖြစ်ပြီး ကိုယ်ခန္ဓာပေါ် သက်ရောက်မှုများပေးတဲ့ ဆေးတစ်လက်လို့လည်း သတ်မှတ်နိုင်ပါတယ်။ ဦးနှောက်နဲ့အာရုံကြောစနစ်ကို နှိုးဆွပေးတဲ့ စွမ်းအားကို ပိုင်ဆိုင်ထားပါတယ်။
      ကဖိန်းဓာတ်ကို အောက်ပါအပင်များတွင် တွေ့ရပါတယ်။
●    ကော်ဖီစေ့
●    လက်ဖက်ရွက်
●    ကိုလာစေ့
●    ကိုကိုးစေ့ (ချောကလက်)
    ကဖိန်းဓာတ်အနည်းအများပေါ် မူတည်ပြီး အာရုံကြောစနစ်ကို အောက်ပါအတိုင်း သက်ရောက်နိုင်ပါတယ်။

>>    ကဖိန်းပမာဏ အနည်းငယ်က -
●    ပိုမိုနိုးကြားစေခြင်း
●    နှလုံးခုန်မြန်စေခြင်း
●    သွေးပေါင်တက်စေခြင်း
●    ဆီးရွှင်စေခြင်း
●    အစာအိမ်အက်စစ် ပိုများစေခြင်း

>>    ကဖိန်းပမာဏ များပါက -
●    စိ်တ်သောကများခြင်း၊ ဂဏာမငြိမ်ဖြစ်ခြင်း
●    ညအိပ်မပျော်ခြင်း
●    နှစ်ခြိုက်စွာ အိပ်ပျော်ဖို့ ခက်ခဲတတ်ခြင်းတို့ ဖြစ်စေနိုင်ပါတယ်။
    နေ့စဉ်ကော်ဖီအသောက်များပါက အိပ်မပျော်ခြင်း၊ အစာအိမ်ရောဂါနဲ့ စိုးရိမ်ပူပန်မှုလွန်ကဲခြင်း/စိတ်ဓာတ်ကျခြင်းတို့ကိုပါ ဖြစ်စေတတ်ပါတယ်။

>>    သင် သိပါသလား
●    ကော်ဖီသောက်ပြီး ၅-၃ဝ မိနစ်အတွင်း သင့်ဦးနှောက်နဲ့ ခန္ဓာကိုယ်ကို စတင်သက်ရောက်မှုရှိပါပြီ။
●    ကျောက်ခေတ်ကတည်းကပင် ကဖင်းဓာတ်ကို အသုံးပြုခဲ့ကြပါတယ်။
●    ၂ရဝဝဘီစီကတည်းကပင် လက်ဖက်ရည် သောက်ခဲ့ကြပါတယ်။
●    အမေရိကန်နိုင်ငံအလယ်ပိုင်းတွင် ကော်ဖီကို ရှေးရာစုနှစ်များစွာကပင် သောက်ခဲ့ကြတာပါ။
●    ရှေးနှစ်ပေါင်း ၃ဝဝ ကတည်းကပင် ကဖင်းဓာတ်ရဲ့ ကျန်းမာရေးကောင်းကျိုးများကို ဆရာဝန်များ ရှာဖွေခဲ့ကြရာမှာ ကော်ဖီသောက်ခြင်းကြောင့် ကင်ဆာနဲ့ အခြားကျန်းမာရေးဆိုးကျိုးများ မဖြစ်စေနိုင်သော်လည်း ကော်ဖီအသောက်များခြင်းကြောင့် ညအိပ်မပျော်ခြင်းနဲ့ စိတ်တိုလွယ်ခြင်းတို့ ဖြစ်စေနိုင်ပါတယ်။
●    လူငယ်အများစု သောက်လေ့ရှိသော ကိုလာနဲ့ အားဖြည့်အချိုရည်တွေကိုတော့ ရှောင်ရှားသင့်ပါတယ်။ ကဖင်းဓာတ်အပြင် သကြားဓာတ်လည်း လွန်ကဲစွာပါလို့ ဖြစ်ပါတယ်။
●    ကဖင်းဓာတ်ကို အပင်ပေါင်း ၆ဝ လောက်ရဲ့ အရွက်၊ အသီးနဲ့ အစေ့တွေမှာ တွေ့ရပြီး အချို့ဒေသတွေမှာတော့ ကဖင်းပါသော အပင်မှအရွက်တွေကို ၀ါးစားကြသူများလည်း ရှိပါတယ်။
●    ကဖင်းဓာတ်လွန်ကဲပါက အိပ်စက်မှုပြဿနာများ ဖြစ်စေနိုင်တဲ့အတွက် ငယ်ရွယ်လွန်းသူတွေ မသောက်သင့်ပါဘူး။ ကော်ဖီကြောင့် အလုပ်လုပ်နိုင်စွမ်းကို မြင့်တက်စေသလို ကော်ဖီ လွန်ကဲစွာသောက်ပါကလညး် ကျန်းမာရေးကို ထိခိုက်စေမှာမို့ မျှတစွာ သောက်သုံးသင့်ကြောင်း အကြံပေး တင်ပြလိုက်ပါတယ်။

လေပြေနုသွေး (ဆေး-၂) (www.drmyanmar.com)