ကျန်းမာရေးနဲ့အညီ ဝိတ်ချကြမယ်

အစားလျှော့စားဖို့မလိုဘဲ ဝိတ်ကျမယ်ဆိုရင် စိတ်ဝင်စားကြရဲ့လား? ဝိတ်ချနေသူတွေအနေနဲ့ အစားနည်းနည်းပဲ စားတာတောင် ထင်သလောက် ဝိတ်မကျတာမျိုး၊ တစ်ခါတလေကျရင် ပိုလို့တောင် ဝိတ်တက်လာတာမျိုးကို ကြုံဖူးကြမှာပါ။ ဝိတ်တက်၊ မတက်ဆိုတာ ကိုယ်စားလိုက်တဲ့ အစားအသောက်ပမာဏထက် ကယ်လိုရီပမာဏနဲ့ ပိုပြီးသက်ဆိုင်ပါတယ်။ မိမိတို့တွေဟာ ဝိတ်ချနေတယ်ဆိုရင်တော့ အစားလျှော့စားမယ့်အစား ကိုယ်စားမယ့် အစားအသောက်အမျိုးအစားတွေကို ပြောင်းလဲကြည့်ကြဖို့ အကြံပြုလိုပါတယ်။

●  ဆန်းဒဝစ်ချ်ကို အသားနဲ့ချိစ်များများထည့်ပြီး အာလူးကြော်နဲ့ တွဲစားမယ့်အစား ဆလပ်ရွက်၊ သခွားသီး၊ ခရမ်းချဉ်သီးတို့ကို များများထည့်ပြီး အသီးအရွက်သုပ် (သို့) အသီးအနှံတွေနဲ့ တွဲစားတာမျိုး
●  ဟင်းသီးဟင်းရွက်တွေကို ဆီနဲ့ကြော်မယ့်အစား ရေလုံပြုတ်စားတာ၊ မီးကင်စားတာမျိုး
●  အသားစွပ်ပြုတ်အစား ဟင်းသီးဟင်းရွက်စွပ်ပြုတ်
●  မလိုင်ပြည့်နွားနို့အစား အဆီထုတ်နွားနို့
●  အဆာပြေသရေစာအတွက်ဆို အသင့်စားမုန့်တွေအစား အခွံမာသီး၊ အသီးအနှံနဲ့ အဆီနည်းတဲ့ဒိန်ချဉ်
●  အချိုရည်နဲ့ အရက်ဘီယာတွေအစား ရိုးရိုးရေ၊ ဒါမှမဟုတ် sparkling water

ဒီလိုမျိုး ကယ်လိုရီများတဲ့ အစားအသောက်တွေကို ကယ်လိုရီနည်းတဲ့ အစားအသောက်တွေနဲ့ အစားထိုးစားသောက်ကြည့်လိုက်ပါ။ ဒါဆိုရင်တော့ ဗိုက်လည်းပြည့်၊ လှလည်းလှလာမယ့်အပြင် ကျန်းမာရေးထိခိုက်မှာကိုလည်း စိတ်ပူစရာ မလိုတော့ပါဘူးနော်။

www.drmyanmar.com