စမတ်ဖုန်းခေတ်မှာ အဖြစ်များလာတဲ့ ဇက်ကြောတက်ခြင်း
ယေဘုယျအားဖြင့်တော့ ဇက်ကြောတက်တာဟာ အသက်ကြီးမှ ဖြစ်လေ့ရှိတဲ့ပြဿနာပါ။ ဒါပေမဲ့ နည်းပညာတိုးတက်လာတဲ့ ယနေ့ခေတ်ကြီးမှာ လူကြီးတွေသာမက လူငယ်တွေနဲ့ ကလေးတွေပါ ဇက်ကြောတက်လာတာကို တွေ့နေရပါတယ်။ ဒီလိုဖြစ်ရတဲ့ တရားခံက စမတ်ဖုန်းကြောင့်ဆိုရင် မမှားနိုင်ပါဘူးနော်။
>> စမတ်ဖုန်းသုံးတဲ့အခါ ဘာကြောင့် ဇက်ကြောတက်ရတာလဲ?
စမတ်ဖုန်းသုံးတိုင်းတော့ ဇက်ကြော မတက်ပါဘူး။ အဓိကကတော့ သုံးပုံသုံးနည်း မမှန်ကန်လို့ပါ။ အများစုဟာ ဖုန်းသုံးတဲ့အခါ ခေါင်းကိုငုံ့ပြီး သုံးလေ့ရှိကြပါတယ်။ ခေါင်းငုံ့တဲ့အခါ လည်ပင်းရဲ့သဘာဝကောက်ကြောင်း ပြောင်းသွားပြီးတော့ လည်ပင်းကြွက်သားတွေကို ဒဏ်ဖြစ်စေပါတယ်။
Alaxan IA (1)
လည်ပင်းနဲ့ဦးခေါင်း တစ်တန်းတည်း မတ်မတ်ရှိနေချိန်ဆိုရင် ဦးခေါင်းဟာ လည်ပင်းကြွက်သားတွေအပေါ် (၁၀-၁၂) ပေါင် အလေးချိန် သက်ရောက်နေပါတယ်။ ခေါင်းငုံ့လိုက်လို့ ဦးခေါင်းဟာ လည်ပင်းရှေ့ကို တစ်လက်မတိုးသွားတိုင်း ကြွက်သားပေါ်ကို အလေးချိန်နှစ်ဆပိုပြီး သက်ရောက်စေပါတယ်။ ဒါကြောင့် စမတ်ဖုန်းကို ပုံစံမမှန်ဘဲ အချိန်ကြာကြာ အသုံးပြုတဲ့အခါ ဇက်ကြောတက်ရတာပါ။
>> ဇက်ကြောတက်တဲ့အခါ သက်သာအောင် ဘယ်လိုလုပ်ရမလဲ?
● လည်ပင်းတစ်ဝိုက် နာကျင်တဲ့နေရာကို ရေခဲ၊ ဒါမှမဟုတ် ရေနွေးအိတ်ကပ်ပေးပါ။
● လည်ပင်းကြွက်သားတွေကို အကြောလျှော့ပေးတဲ့ လေ့ကျင့်ခန်းတွေ လုပ်ပါ။
● နာကျင်မှုသက်သာအောင် အကိုက်အခဲပျောက်ဆေးကို ဆေးညွှန်းအတိုင်း သောက်သုံးပါ။
Alaxan IA (2)
>> စမတ်ဖုန်းသုံးနေသူတွေမှာ ဇက်ကြောမတက်အောင် ဘယ်လိုကာကွယ်ရမလဲ?
ယနေ့ခေတ်ကြီးမှာ စမတ်ဖုန်းတွေဟာ အလုပ်အကိုင်၊ ပညာရေးနဲ့ ဖျော်ဖြေရေးအစီအစဉ်တွေမှာ အရေးပါလာတာကြောင့် ဖုန်းကို လုံးဝမသုံးဘဲနေဖို့ဆိုတာ မဖြစ်နိုင်တဲ့ကိစ္စကြီးပါ။ ဒါကြောင့် ဘေးကင်းကင်းနဲ့ ဖုန်းသုံးဖို့ဆိုရင် -
● အချိန်အကြာကြီး ဆက်တိုက်သုံးတာမျိုး မလုပ်ဘဲ ခဏသုံးပြီးတိုင်း ခဏနားပေးပါ။
● ခေါင်းငုံ့ကြည့်မယ့်အစား ဖုန်းကို မျက်လုံးနဲ့ တစ်ပြေးညီထားပြီး ကြည့်ပေးပါ။
● ဖုန်းသုံးချိန်မှာသာမက ကျန်တဲ့အချိန်တွေမှာလည်း ခေါင်းကို မတ်မတ်ထားပါ။
Dr. Aye Hsu Mon (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...