ဆီးချိုရောဂါရှိသူတွေမှာ မှန်မှန်ကန်ကန် နေထိုင်စားသောက်ကြဖို့ လမ်းညွှန်
ဆီးချိုရောဂါ ခံစားနေရရင် ဝိတ်လျှော့ဖို့ကတော့ ပထမဦးစားပေး စဉ်းစားရမယ့်အရာ ဖြစ်ပါတယ်။
ကိုယ်အလေးချိန် သိသိသာသာ ကျဆင်းသွားခြင်းကြောင့် ဆီးချို ပျောက်ကင်းဖို့တောင် အထောက်အကူပြုနိုင်ကြောင်း သိခဲ့ကြပါပြီ။
စားသမျှ အစားတွေထဲမှာ ဂလူးကို့စ်အဖြစ် ပြောင်းသွားမယ့် ကာဗွန်ဟိုက်ဒရိတ်ဆိုတိုင်း ကြောက်စရာတော့ မဟုတ်ပါဘူး။ ကောင်းမွန်ကျန်းမာတဲ့ ကာဗွန်ဟိုက်ဒရိတ်ဓာတ်ကို -
● ဆန်လုံးညို
● အသီးအနှံတွေ
● ပဲအမျိုးမျိုး
● ဒိန်ချဉ်တို့ကနေ ရရှိနိုင်ပါတယ်။
ပေါင်မုန်ဖြူ စားသုံးခြင်းနဲ့ ဖြူအောင်ဖွပ်ထားတဲ့ဆန်တွေကို လုံးဝဖြတ်တောက်ပစ်တာ အကောင်းဆုံးပါ။
ဆားလျှော့စားတာက သွေးပေါင်ကောင်းစေသလို ဆီးချိုနဲ့သွေးတိုး ပေါင်းစပ်လို့ဖြစ်တဲ့ အန္တရာယ် အခြေအနေ အတော်များများကို ရှောင်ပြီး ဖြစ်စေပါတယ်။
Diabetone 1
အမဲသား၊ ဆိတ်သားတေ ွ ရှောင်ကြဉ်ပြီး ကျန်းမာတဲ့အသားဓာတ် အစားထိုးကြည့်ကြရအောင်။
● ပဲအမျိူးမျိုး
● ကြက်ဥ၊ ဘဲဥ
● ငါး
● ကြက်သား
● နေကြာစေ့၊ ကွာစေ့လှော်
ပဲအမျိုးမျိုး စားသုံးခြင်းဖြင့် အသားဓာတ် လုံလောက်စွာ ရရှိနိုင်သလို အဆီများတဲ့ ငါးမြင်း၊ ငါးတန် ငါးတွေဟာလည်း ကျန်းမာတဲ့အဆီဓာတ် ဆောင်ကြဉ်းပေးနိုင်ပါတယ်။
Diabetone 2
အချိုဓာတ် အရမ်းများတဲ့အသီးတွေကလွဲပြီး ကျန်တဲ့သစ်သီးတွေကို စားပေးလို့ရပါတယ်။
ဒီလိုစားတဲ့အခါမှာလည်း ဖျော်ရည်လုပ်သောက်တာမျိုးမဟုတ်ဘဲ လတ်လတ်ဆတ်ဆတ် စိတ်စားပေးဖို့ လိုပါတယ်။
>> ကောင်းမွန်သင့်တော်တဲ့ အဆီဓာတ်တွေဆိုတာ -
● အစေ့အဆံတွေ
● ထောပတ်သီး
● သံလွင်ဆီ
● နေကြာဆီ
● အဆီများတဲ့ငါးတွေကနေ ရတာပါ။
အဆာပြေစားတတ်တဲ့အကျင့်ရှိနေရင် ဘီစကစ်နဲ့ အာလူးချောင်းတွေအစား ဒိန်ချဉ်နဲ့ အသီးတွေကို ရွေးချယ်ပါ။
အရက်ကြိုက်နေရင်တော့ ဆီးချိုဆေးတွေနဲ့ အဆင်ပြေမယ် မထင်ပါဘူး။ အစာမရှိဘဲ အရက်သောက်နေရင် သွေးချို ပိုကျတတ်လို့ပါ။
ကိုယ်လက်လှုပ်ရှားမှု မှန်မှန်ကန်ကန်လုပ်တဲ့အပြင် အပေါ်က အစားအစာတွေကို ဂရုတစိုက် စားသူတွေဟာ ပုံမှန်အတိုင်း အသက်ရှည်ရှည် နေထိုင်သွားနိုင်မှာ ဖြစ်ပါတယ်။
ဂျီပီငှက် (ဆေး/မန်း) (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...