ဆီးချိုသွေးချိုရှိရင် ဒါတွေဆောင်ပြီး ဒါတွေရှောင်

>>  ရှောင်ရန်

၁။  ဆေးလိပ်မသောက်ပါနဲ့။
ဆေးလိပ်သောက်သူတွေဟာ ဆေးလိပ်မသောက်သူတွေထက် ၃၀-၄၀ ရာခိုင်နှုန်းလောက် ပိုပြီးဆီးချိုသွေးချိုဖြစ်နိုင်ခြေ ပိုများပါတယ်။ ဆေးလိပ်ဖြတ်လိုက်တဲ့အခါ ဒီဖြစ်နိုင်ခြေရာခိုင်နှုန်း ကျဆင်းသွားပြီး ဆေးလိပ်မသောက်တဲ့အချိန် ပမာဏကြာလာလေလေ ပိုကျလာလေလေ ဖြစ်ပါတယ်။ ဆေးလိပ်ဖြတ်တော့မယ်လို့ ဆုံးဖြတ်ပြီဆိုရင် ဆရာဝန်နဲ့ အကောင်းဆုံးနည်းလမ်းကို တိုင်ပင်ပါ။

၂။  ဆရာဝန်ကို မကြောက်ပါနဲ့။
ဆရာဝန်နဲ့မှန်မှန်ပြပြီး ဆေးကုသမှုခံယူခြင်းဖြင့် ကိုယ့်အခြေအနေကို အမြဲစောင့်ကြည့်နိုင်ပါတယ်။

၃။  မဖြစ်နိုင်ဘူးလို့ မတွေးပါနဲ့။
Gym သွားရမှာ မကြိုက်ဘူးဆိုရင် နေ့တိုင်း gym သွားနိုင်ဖို့ဆိုတာ မလွယ်ကူပါဘူး။ ဒီအစား ကိုယ်က လမ်းလျှောက်ရတာ ကြိုက်နှစ်သက်တယ်ဆိုရင် လမ်းလျှောက်လို့ရပါတယ်။ ကိုယ်စွဲမြဲလုပ်နိုင်မယ့် နည်းလမ်းတစ်ခုခုကို ရှာဖွေပါ။ အချိုနဲ့ကစီဓာတ်ကို လျှော့စားရမယ်ဆိုရင်လည်း နှစ်ပေါင်း ၅၀-၆၀ လောက် ထမင်းကို အားပြုစားလာရတဲ့အခါ မလွယ်ကူနိုင်ပါဘူး။ ဒါကို အစားထိုး စားသုံးနိုင်ဖို့ အာဟာရဆရာဝန်နဲ့ သေချာတိုင်ပင်ဆွေးနွေးဖို့ လိုအပ်ပါတယ်။

Dr. Mya Phoo Ngon (www.drmyanmar.com)