ဆီးမထိန်းနိုင်သူတို့အတွက် ဆီးအိမ်လေ့ကျင့်ခန်း
ဆီးအိမ်လေ့ကျင့်ပေးရာမှာ ဒီအခြေခံအချက်တွေကို လိုက်နာပေးဖို့ လိုပါတယ်။
● ဆီးသွားတဲ့အချိန်တွေကို မှတ်ထားပါ။ ရက်ပိုင်းလောက် ဆီးသွားတိုင်း မှတ်ထားပေးပါ။ ဒီအချိန်တွေပေါ် မူတည်ပြီး ဆရာဝန်က ဆီးအိမ်လေ့ကျင့်ပေးဖို့ အချိန်ကို သတ်မှတ်ပေးပါလိမ့်မယ်။
● ဆီးသွားမှတ်တမ်းပေါ် မူတည်ပြီး ဆီးသွားတဲ့အချိန်အပိုင်းအခြားကို သတ်မှတ်ပါ။ ဆီးသွားတဲ့အချိန်အပိုင်းအခြားကို တိုးတိုးသွားပါ။ တဖြည်းဖြည်းချင်း ၁၅ မိနစ်စီ တိုးတိုးသွားပါ။ တစ်နာရီခြားတစ်ခါ သွားနေတယ်ဆိုရင် ၁ နာရီနဲ့ ၁၅ မိနစ် တိုးလိုက်တာမျိုးပေါ့။
● ၂ နာရီကနေ ၄ နာရီလောက်ခြားတဲ့အထိကို အိမ်သာသွားချိန်ကို ခြားခြားပေးလာပါ။ ဒီလိုခြားတာကလည်း အချိန်အတိုင်းအတာတစ်ခုပေးပြီး ဖြည်းဖြည်းချင်းတိုးပေးဖို့ လိုပါတယ်။
● ကိုယ့်အချိန်ဇယားအတိုင်း သေချာသွားပေးပါ။ မနက်ခင်း အိပ်ရာနိုးနိုးချင်း ဆီးသွားပါ။ ဒီ့နောက်ပိုင်းမှာတော့ ဆီးသွားချင်စိတ်ဖြစ်လာရင်တောင် အောင့်ထားပြီး သွားဖို့အချိန်တန်မှ သွားပေးပါ။ အာရုံလွှဲတာ၊ အသက်ရှူသွင်းရှူထုတ်စတဲ့ စိတ်ဖြေလျော့တဲ့နည်းလမ်းတွေကို သုံးပေးပါ။
အရမ်းထွက်ကျတော့မယ်လို့ထင်ရင် အိမ်သာ သွားပေးလိုက်ပါ။ ဒီတစ်ကြိမ်ပြီးရင်တော့ အချိန်ဇယားအတိုင်းပဲ ပြန်သွားပေးပါ။
ပထမ ၁ ကြိမ်၊ ၂ ကြိမ် မအောင်မြင်လို့ စိတ်ညစ်မသွားပါနဲ့။ အကြိမ်ကြိမ်လေ့ကျင့်ပါ။ တဖြည်းဖြည်းနဲ့ ထိန်းချုပ်နိုင်စွမ်း တက်လာမှာပါ။
Dr. Htar (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...