ဆီးလမ်းကြောင်း ပိုးဝင်တယ်ဆိုတာ ဘာလဲ

          ဆီးလမ်းကြောင်း ပိုးဝင်တယ်ဆိုတာ ဆီးလမ်းကြောင်းအောက်ပိုင်း ဆီးအိမ် ပိုးဝင်တာ၊ ဆီးကျိတ် ပိုးဝင်တာကနေ ကျောက်ကပ် ပိုးဝင်တာအထိကို ဖြစ်နိုင်ပါတယ်။ များသောအားဖြင့်တော့ ဘက်တီးရီးယားပိုးဝင်တာ များပါတယ်။ အဖြစ်များတဲ့ ရောဂါတစ်ခုဖြစ်ပြီး စောစောသိရင် ကုရတာ လွယ်ပါတယ်။

          E.coli လို့ခေါ်တဲ့ ဘက်တီးရီးယားပိုးက ဆီးလမ်းကြောင်း ပိုးဝင်တာရဲ့ ၉၀% လောက်ကို ဖြစ်စေနိုင်တတ်တယ်။ ဝမ်းလမ်းကြောင်းနဲ့ လိင်အင်္ဂါတွေကနေတစ်ဆင့် ဆီးအိမ်ကနေ ဆီးတွေကို စွန့်ထုတ်ပေးတဲ့ ဆီးလမ်းကြောင်းတို၊ ဒီကနေ ဆီးအိမ်၊ ဆီးအိမ်နဲ့ အပေါ်ကကျောက်ကပ်ကို ဆက်ထားတဲ့ ဆီးလမ်းကြောင်းရှည်အထိကို တက်သွားနိုင်ပါတယ်။

          Staphylococcus လိုမျိုး ဘက်တီးရီးယားပိုးမျိုးဆိုရင် သွေးထဲကနေတစ်ဆင့် ကျောက်ကပ်အထိကို ပြန့်နိုင်ပါတယ်။

>>    ကျောက်ကပ်ပိုးဝင်နိုင်တဲ့ အကြောင်းရင်းတွေကတော့ -

          ပုံမှန်ဆိုရင် ဘက်တီးရီးယားပိုးတွေကို ဆီးကနေတစ်ဆင့် စွန့်ထုတ်ပေးပါတယ်။ ဒါပေမဲ့ ကျောက်ကပ်ပိုးဝင်စေနိုင်တဲ့ ပြဿနာပေါင်း သောင်းခြောက်ထောင်ကတော့ -

●        ဆီးလမ်းကြောင်းကို ပိတ်ဆို့ထားတဲ့ လမ်းကြောင်းပြဿနာတွေ (လမ်းကြောင်းကျဉ်းနေခြင်း၊ လမ်းကြောင်းချဲ့ပစ္စည်းနဲ့ ပြန်ပိတ်နေခြင်း၊ ကျောက်နဲ့ ပိတ်နေခြင်း၊ ခွဲစိတ်မှုကြောင့် ကျဉ်းသွားခြင်း)

●        ဆီးကျိတ်ကြီးနေပြီး ဆီးလမ်းကြောင်းတိုကို ပိတ်ခြင်း

●        ဆီးအိမ်ကနေ ကျောက်ကပ်ထဲကို ဆီးပြန်ဝင်ခြင်း

●        ခုခံအားစနစ် ကျနေခြင်း (သွေးဖြူဥ လျော့နည်းနေခြင်း၊ ခုခံအားကျဆေး သောက်နေခြင်း၊ အိတ်ချ်အိုင်ဗီပိုး ရှိနေခြင်း၊ ကင်ဆာရှိနေခြင်း၊ အင်္ဂါအစိတ်အပိုင်း လဲထားခြင်း)

●        ကိုယ်ဝန်ဆောင်နေချိန်မှာ ကြီးလာတဲ့သားအိမ်ကြီးက ဆီးလမ်းကြောင်းရှည်ကို ဖိမိပြီး ဆီးမထွက်အောင် တားထားတာကြောင့် ဘက်တီးရီးယားပိုးတွေ ကျောက်ကပ်ထဲကို ဝင်သွားခြင်း

●        ဆီးချို မထိန်းနိုင်ခြင်း စတာတွေပါပဲ။

>>    ဒီလို ဆီးပိုးဝင်တဲ့ လက္ခဏာတွေကတော့ -

          ရောဂါလက္ခဏာ ပိုဆိုးလေလေ၊ ကျောက်ကပ်ထိဖို့ ပိုဖြစ်နိုင်လေလေပါပဲ။ ဆီးပိုးဝင်တဲ့ လက္ခဏာတွေကတော့ -

●        ရုတ်တရက် ချမ်းတုန်လာခြင်း

●        အဖျား ၁၀၀ ဒီဂရီ ကျော်ခြင်း

●        ပေါင်ခြံကြား၊ နောက်ကျောနဲ့ ဘေးခြမ်းတွေ နာကျင်လာခြင်း

●        ပျို့ခြင်း

●        အန်ခြင်း

●        ဝမ်းဗိုက်ကြွက်သားတွေ တဆတ်ဆတ် တုန်ရင်လာခြင်း

          တို့ ဖြစ်ပြီးတော့

>>    ကျောက်ကပ် ပိုးဝင်ရင်တော့

●        အသားတွေ နီရဲလာခြင်း

●        ဆီးသွားရင် နာခြင်း

●        ဆီး ခဏခဏ သွားချင်လာခြင်း

●        ဆီး သွားချင်ပေမယ့် သွားမရခြင်း

●        နေထိုင်မကောင်းခြင်း

●        ဆီးနောက်ခြင်း

●        ဆီးအရောင်ရင့်ခြင်း

●        ဆီးထဲ သွေးပါခြင်း

●        ဆီးအနံ့ နံခြင်း

          စတဲ့ လက္ခဏာတွေပါ ဖြစ်လာတတ်ပါတယ်။

          ဒီလိုလက္ခဏာတွေ ရုတ်တရက် ခံစားလာရပြီဆိုရင်တော့ ဆရာဝန်နဲ့ပြဖို့ လိုလာပါပြီနော်။

Dr. Mya Phoo Ngon (www.drmyanmar.com)