နာတာရှည်ကိုဗစ်
ကိုရိုနာဗိုင်းရပ်စ်ရဲ့လက္ခဏာတွေဟာ နှစ်ပတ်မှ တစ်လလောက်အတွင်း ပျောက်သွားတတ်တာ များတယ်ဆိုပေမယ့် တချို့တွေမှာတော့ အတော်ကြာတဲ့အထိ ရောဂါလက္ခဏာတွေ ရှိနေတတ်ကြပါတယ်။
>> နာတာရှည် ကိုဗစ်လက္ခဏာတွေဆိုတာ ဘာလဲ?
တချို့မှာ ကိုဗစ်လက္ခဏာတွေက အချိန်တန်ရင် သက်သာသွားပေမယ့် တချို့မှာ တာရှည်ကျန်ခဲ့တာမျိုး ရှိပါတယ်။
ရောဂါဖြစ်ပြီးတော့ ရက်သတ္တပတ်၊ လနဲ့ချီအောင် ကျန်နေခဲ့တဲ့ ကိုဗစ်လက္ခဏာတွေကို နာတာရှည်ကိုဗစ်လက္ခဏာတွေလို့ ခေါ်ပါတယ်။ NICE အဖွဲ့အစည်းကတော့ ကိုဗစ် စဖြစ်ပြီး ၁၂ ပတ် ကြာတဲ့အထိ လက္ခဏာတွေ ကျန်နေသေးရင် နာတာရှည်ကိုဗစ်လက္ခဏာတွေလို့ခေါ်ပြီး တချို့ကတော့ ၈ ပတ်ထက် ကြာလာရင် ခေါ်ပါတယ်။
>> နာတာရှည်ကိုဗစ်လက္ခဏာတွေကတော့ -
● နုံးခြင်း
● မောခြင်း
● အိပ်ပျော်ဖို့ခက်ခြင်း
● စိတ်ပူပန်ခြင်း၊ စိတ်ဓာတ်ကျခြင်း
● ရင်တုန်ခြင်း
● ရင်ကျပ်ခြင်း၊ အောင့်ခြင်း
● အဆစ်အမြစ် ကြွက်သားတွေ နာကျင်ခြင်း
● ကောင်းကောင်း မတွေးနိုင်၊ အာရုံမစိုက်နိုင်ခြင်း
● အနံ့၊ အရသာပြောင်းလဲခြင်း
● နာတာရှည်ချောင်းဆိုးခြင်း စတာတွေပါပဲ။
Decolgen IA 1
>> ဒီလို နာတာရှည်ကိုဗစ်လက္ခဏာတွေဟာ ဘယ်သူတွေမှာ ဖြစ်တတ်သလဲ?
လေ့လာမှုတွေအရ အသက်ကြီးသူတွေ၊ အမျိုးသမီးတွေနဲ့ ကိုဗစ် စဖြစ်တဲ့အချိန်မှာ ရောဂါလက္ခဏာ ၅ မျိုးအထက် ခံစားရသူတွေမှာ နာတာရှည်ကိုဗစ်လက္ခဏာတွေ ခံစားရတတ်တယ်လို့ ဆိုပါတယ်။
အသက် ၁၈-၄၉ နှစ်ကြား ကိုဗစ်ဖြစ်သူ ၁၀% မှာ နာတာရှည်ကိုဗစ် ဖြစ်တတ်ပြီး အသက် ၇၀ ကျော်ရင် ၂၂% ထိ များတယ်လို့ ဆိုပါတယ်။ နောက် ပန်းနာရင်ကြပ်ရှိသူတွေမှာ ဒီနာတာရှည်ကိုဗစ်လက္ခဏာတွေ ခံရတတ်တယ်လို့ လေ့လာသူတွေက ဆိုပါတယ်။
လေ့လာမှုတွေအရ အဝလွန်သူ၊ ဆေးလိပ်သောက်သူ၊ ဆေးဝါးချို့တဲ့,တဲ့ နေရာဒေသကသူတွေနဲ့ ကိုဗစ်လက္ခဏာ ဆိုးရွားပြီး ဆေးရုံတက်ဖို့ လိုသူတွေမှာ ကိုဗစ်တာရှည်တတ်တယ်လို့ ဆိုပါတယ်။
>> ကာကွယ်ဆေးထိုးခြင်းအားဖြင့် နာတာရှည်ကိုဗစ်ဖြစ်ခြင်းကို ကာကွယ်နိုင်မလား?
Kings college London ရဲ့ လေ့လာချက်အရ ကာကွယ်ဆေး ၂ ကြိမ် ထိုးထားပြီးသူတွေမှာ နာတာရှည်ကိုဗစ်လက္ခဏာဖြစ်နှုန်း တစ်ဝက်လျော့တယ်လို့ သိရပါတယ်။
Decolgen IA 2
>> ကိုဗစ်ဖြစ်ပြီး နာလန်ထူနိုင်ဖို့ ဘယ်လောက်ကြာနိုင်လဲ?
ကိုဗစ်ဟာ ဘယ်လောက်ကြာနိုင်တယ်ဆိုတာ လေ့လာဆဲဖြစ်ပြီး တစ်ယောက်နဲ့တစ်ယောက်ကလည်း ကွာခြားနိုင်ပါသေးတယ်။ ကိုဗစ်တင်မကဘဲ တခြားဗိုင်းရပ်စ်ပိုးတွေဟာလည်း ဒီလိုပဲ ရေရှည်အကျိုးသက်ရောက်မှုတွေ ရှိတတ်ကြတာပါပဲ။ Leicester လေ့လာသူတွေအဆိုအရ ဆေးရုံတက်ရောက်ကုသမှု လိုတဲ့သူတွေမှာ ၅ လလောက်ထိ လက္ခဏာတွေ ကျန်တတ်ပြီး နောက်လေ့လာမှုတစ်ခုမှာဆို ၁၂ လလောက်ထိ ကြာတတ်တာတောင် တွေ့ရတယ်လို့ ဆိုပါတယ် ဒီထဲမှာ ဆေးရုံတက်ဖို့ လိုတဲ့သူတွေရော၊ မလိုတဲ့သူတွေ ပါပါပါတယ်။
ဒါကြောင့် ကိုဗစ်ရောဂါပိုး မရှိတော့ဘူးဆိုပြီး ပေါ့ပေါ့ဆဆမနေဘဲ အာဟာရပြည့်ဝအောင် စားသောက်ခြင်း၊ အနားယူခြင်း၊ ခပ်ခွာခွာနေခြင်းနည်းလမ်းများနဲ့ မိမိကိုယ်ကို သတိထား စောင့်ရှောက်ကြဖို့လိုပါတယ်။
Dr. Mya Phoo Ngon (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...